Zẹkaraya 4
4
Ịmiin dị egbolomaam ọmeremiom ọtozi
1Ọokpaany phọ ọpo rạkaaphan ghan bọ rꞌạmi ạḅile ni aru kụ uuzigh ịmi mụdiadi mị ụnaani ghan ni. 2Kụ ọdi apuru mọ, “Ẹphen nạ rạmiin bọ eeghe?”
Kụ mị ạphagharanaan mọ, “Ọmeremiom ọtozi dị oḍighinom gol. Ẹpe ạnyu phọ oseere ẹkpa ọlogh ghan ạmunum mọ. Sịphe ạnyu ọmeremiom mọ ọḅam oḍual ịtozi kụ tọrotoro ọtozi ạmoogh oḍual ariisi ọlogh iḍigh ọtozi. 3#Ogon 11.4Ịyal ireeny ọliv edi ni ọgbal ọmeremiom ọtozi phọ, oniin odi ọogaany phọ ọphon, oniin odi ọphori phọ ọogaany phọ.” 4Kụ mị agbi opuru ọokpaany phọ mọ, “Oye phọ, eeghe kụ ẹmhu ạraraar phọ ịphen?”
5Ọdi upuru ịmi, “Nạ ólhegheri ḍụghum?”
Kụ mị ạphagharanaan mọ, “Eeye, oye phọ. Mị úlegheri.”#4.5 Ọdaph GNB ạsikool phọ edi bọ opoḍi phọ ọphon ịdaphan igbiighi phọ. Emiigh ḍikool dị ẹman ḍioph (10b) kụ esi ḍioph rꞌinya (14) mọsighe sịen ekureriom opoḍi phọ pịdi ipẹ rọkaaph bọ eganana.
10b #
Ẹzra 5.2
#
Ogon 5.6
Kụ ọokpaany phọ ụḅeni ịmi mọ, “Oḍual phọ ịtozi phọ, pọ oḍual ariḍien Ọmoogh-we phọ, ịpe rẹmiin ghan bọ oomo aḅirini phọ.”
11 #
Ogon 11.4
Kụ mị agbi opuru ọdi mọ, “Ịyal phọ ireeny ọliv phọ ediighi bọ ọogaany ọmeremiom ọtozi phọ ẹmeera eeghia? 12Ḅịle kẹn, eeghia kụ ẹmhu ịyal ịla ọliv phọ etuman bọ ịyal ariiphiim mọ oḍighinom bọ gol phọ sịphe ạmunum-ọliv phọ akiton bọ kụ razuughian ghan bọ?” 13Ọdi upuru ịmi, “Nạ ólhegheri ḍụghum?”
Kụ mị ạphagharanaan mọ, “Eeye, oye phọ. Mị úlegheri.”
14Pọ kụ amem dị ọdi ạḅem mọ, “Bụen kụ ịyal awe phọ Ẹnaan mẹsaḅar bọ ẹḅile ẹsagharan elo mọ okumu nyịno Ọmoogh-we oomo aḅirini phọ.”
Ịpe Ẹnaan eguanaan bọ ọngo ạZerubabel
6Ọokpaany phọ ụḅeni ni ịmi mọ ọḅeni ạZerubabel dom Ọmoogh-we phọ ạḍien: “Ọkpar opu dị nạ kạmoogh kạ́ḍua esi ịikpo awe ẹgham mꞌesi ịnyaam ạna kụ ọlo kạḍua esi uwaloor ạmi kụ atu. 7Ghạlamo aruuḅurom dị eleeny ịdipho ạraaḅaraph kepeeghu ni egbodo ạna. Nạ kạḅile ni ạlogh Otu Ịiḅereghi phọ, kụ mem mọ ọpo nạ kạḅiir bọ asiemi, awe phọ kọlooghi ni kụ ọḅem mọ, ‘Ạnighe ni o, ạnighe ni o.’”
8Ạḍinon adom ịḍua ni esi Ọmoogh-we phọ ịteeny ịmi. 9Ọdi ạḅem mọ, “ẠZerubabel maphighi ephighiom Otu Ịiḅereghi phọ, kụ ọdi kạlogh ni otu phọ ạmadan. Mem dị ịphen phọ emite, awe phọ ạmi kolegheri ni mọ mị phọ ni kụ urom bọ nyịna ọghi ọteeny ạbidi. 10aIloghi ạbidi ị́ḅaal loor esi dị oḍighi phọ ráagborion. Kụ ọlo bịdi kọmiin ni dị ạZerubabel ạlogh Otu Ịiḅereghi phọ rạkiom, kụ iloghi ạbidi ẹḅaal.”
Currently Selected:
Zẹkaraya 4: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
