Ạsuor 46
46
Ẹnaan edi ni rꞌayira
1Ẹnaan phọ kụ esi ịbooghian ḅịle rꞌịnyaam ayira.
Ọdi rụlhoghonaan ghan iyira ḍịghaagh mem ịiḅaghami.
2Esi ịduon phọ yira kókiilaan ghạlamo aḅirini phọ kụ rapiigha ni,
kụ aruugum mọ emeleghu resumughu sigher ạbazi phọ;
3ghạlamo ạriphiiny phọ iroraan kụ ẹmaphaan,
kụ ạraaḅaraph phọ rephighaphigha yogh loor iikpoogh oologh phọ.
4Ọphiiny odi ni, dị ạruphia phọ ọdi kẹsighe ọḅaal ologhi etuomonaan ẹmha phọ Ẹnaan,
otu iigbia Ọkaraghi Egbogh Ẹnaan phọ.
5Ẹnaan edianaan ni ẹmha phọ ẹpe, kụ kótue opiemi rꞌamem rꞌamem.
Ọdi kạnuun ni atu ọlhoghonaan ạbidi ḍịghaagh.
6Areelhe rekpereghaan, ạramha repiigha yogh.
Ẹnaan memoogha bịn ade phọ ẹgbo.
7Ọmoogh-we Oomo Ịikpo phọ odianaan ni rꞌayira,
Ẹnaan phọ ạJekob kụ aḍibuo dị yoor oḍigh.
8Itu rẹmiin aani iiḍighi Ọmoogh-we phọ,
iikia ạraraar phọ ọdi aḍighi yogh bọ sịen aḅirini phọ.
9Ọdi akunughi rạagham oomo ịsien aḅirini phọ;
abunughi sịkumugh, ạḅile ạpueghi ịsoph phọ ạbidi,
kụ ạsighe ịsuaram ikpo phọ ạbidi ạkpooniom nịan.
10“Isereghian elegheri mọ mị kụ Ẹnaan.
Mị apu oomo areelhe phọ,
apu kẹn aḅirini phọ.”
11Ẹnaan Oomo Ịikpo phọ edianaan ni rꞌayira,
Ẹnaan phọ ạJekob kụ esi ịbooghian ayira.
Currently Selected:
Ạsuor 46: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
