Ạsuor 14
14
Ịkaraph iloghi phọ awe
(Ạsuor 53)
1 #
Rom 3.10-12
Bụo elologhi rọḅenian ghan siloor mọ Ẹnaan ílho.
Bịdi mọopuan siloor kụ roḍighi yogh ghan ugbini ugbini.
Oniin ólho dị raḍighi ghan igey.
2Ọmoogh-we phọ ạtol ẹpe kꞌạke kụ rapogh ghan we sịen ade phọ,
ọmiin mụghumo bụlo ọnaghan ḍụghum odi ni
dị rọwa olhegheri Ẹnaan.
3Oomo phọ ạbidi mophe eten,
ọopuan siloor.
Rꞌoniin ọnyo ạbidi lọ raḍighi ghan ịlo ẹnighe,
rꞌoniin ólho.
4Ọmoogh-we phọ rapuru ghan mọ, “Bịdi úlegheri ḍụghum?”
“Rọ́naghanan ḍụghum kẹn?”
Bịdi odianaan omiighi ghan awe phọ ạmi
bịn ịmi rụ́uḅereghi ghan.
5Kụ ọlo aruugu kasiph ni bịdi
ịdi eḍighi bọ Ẹnaan odianaan ghan bụphe rọnaghanan bọ nyọdi.
6Bụo ạsipioghom mọ rọpueghi ghan ịitughian awe lọ osooromi loor ạbidi
kụ ọlo Ọmoogh-we phọ kụ ọpelia ạbidi.
7Mị ạkar ri rạlom mọ ọkpar opu
kạḍua ẹpe Zạyon atu ạteeny Ịzirel.
Pọ eeghe ọdo ọḅaal ologhi dị awe Ịzirel kọmoogh
mem dị Ọmoogh-we phọ kạḅile ạngo bịdi ẹeḍiom.
Currently Selected:
Ạsuor 14: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
