Mak Se kɛ̀ɛ̀tè
Se kɛ̀ɛ̀tè
Sakghɛ Əbjuŋ ka Mak nè Nyakene dine ge Jesus Christ lu wán ə Feyin, wel wɛ əb nè nɛɛyen əbnəə əbtaa gese ki əbtaawe. Əbtaawe ə wene yɛnsene əbnəə wɛ əb nè dinten se ghele, nɛ̀ ka əb nè jumen tefim gese nɛ̀ ka əb nè lɛysen mbeese ghel. Jesus nè suŋnen kum ngeŋ ə wen ge yi lu Wanwel, ge yi nè gwiy se foo ngeŋ yi se boyse ghel se mbee.
Lu ɛ ŋwaale fɛn nɛ Make fekte feteete Jesus kɛn lɛ fetəm-fetəm, loote suŋnene kum əbnəə wɛ Jesus nè nɛɛyen.
Mak lu nɛ əb din ka Joon Nfoo Moo nè siysen jii se Jesus, è din ka Jesus nè fɛlen ɛyfɛl ə wen ghene ghon ɛyfɛl nə wene, è din ka mbanense Jesus nè yafsen ɛytem è yuy wen, əb kase lòòle se ɛykuo è ndu se ɛyyio. Mak loo ləysen è din ge beeme naa ndɛ sakghɛ əbjuŋ vin é əb naa kiile ɛyboy.
Əbnəə wɛ əb luun ɛ ŋwaale fɛn
Ɛykɛɛte sakghɛ əbjuŋ kum Jesus 1.1-13
Ɛyfɛle Jesus ɛ Galilee 1.14–9.50
Jesus lòò se Galilee è kok ɛ Jolesalem 10.1-52
Kenləysen əbwɛy nə Jesus ɛ keleŋe Jolesalem 11.1–15.47
Jesus kase loole se ɛykuo 16.1-8
Jesus din ngeŋ ə wen se ghel ə wene è me kok se ɛyyio 16.9-20
Currently Selected:
Mak Se kɛ̀ɛ̀tè: oku
Highlight
Share
Copy
Want to have your highlights saved across all your devices? Sign up or sign in
©CABTAL, 2012