Kə̀fwàʼ Kəsee

Kəsee

Kən lǒ Mwàʼsò kə Fwàʼ kə tum tə Kə̀lestò. Mwàʼsò kə Fwàʼ kə tum tə Kə̀lestò kən à fə̀ tɔm Lûk. Ù fə̀ ləghaa enyəa ghî a tɔʼɔ̀ kele tsughu aŋghəa dzeŋe kə ghì ghəla ghe boō fughu â Kə̀lestò fə̀ kaʼ tsughu a te àsùghò aŋghəa kə lo mo kə n noo dùw sə̀ ndùw a te. Kən fə̀ lo mwàʼsò kə wə̄n kə kə̀bə̀ghà kò ù fə̀ tɔm. Mwàʼsò kən kə dêe wò fwàʼ kəla tum tə Kə̀lestò tə fə̀ fwaʼ ghè ko mò à ghe tughuso tsughu Zuʼ tə̀ Zɔlɔ to enyəa ghe naʼà ndûw Làbəlà è Dzùŋ è Yɛso Kə̀lestò zən, mo ghe fə̀ kaʼ nughuu tsughu an Yɛ̀lusalɛ̀m, àsùghò an Dzùdîa àsùghò an Sàmalìa ndùw tɛ̀ mìasò ndùw aŋ kàlà tə mbī tən tə̀ dzə̀m. Fən lô zə̀azə̀a fə dzeŋe kə ghì a Kə̀lestò, dzeŋe kəla ghe fə̀ se tsughu am bvʉa e Tə̀dzûu, kə n nùghù daŋso è wò bùghò mɔ̀m kǎaŋ wò mbī e dzə̀m.

A lo nû aledzùghùun tsughu mwàʼsò kən ko alo ukə̀m u tʉgha kùu ndùw aŋghəa Làbəlà e Dzùŋ è Yɛso zən fə̀ nyəŋ ŋgəa tsughu mbī a te:

1 Ghəa ghəla ghe fə̀ se tsughu dzeŋe kə ghì a Kə̀lestò kò a te an Yɛ̀lusalɛ̀m aŋghəa Yɛso fə nughùu kɔʼ nduw alo kəwālā,

2 Aŋghəa ghe fə̀ duwsò sə ndûw dzeŋe kən ko am mbùʼ e Palèstâen,

3 Àsùghò aŋghəa ghe fə̀ fəghaan duwsò sə nduw alendùw tâa ndûw mbùʼ è Mɛdìtɛ̀lɛnìan an Lumà.

Ghəa è səŋò zəla e lô fɛ̀ am mwàʼsò kən ko lo fwàʼ kə̀ Zuʼ tə̀ Zɔlɔ to aŋghəa tə bughò â daʼa ko, bùghò tùghuso tsughu ghî a Kə̀lestò a te an Yɛ̀lusalɛ̀m an tsuʼ fəla ghe mò zəa zə kə Pɛntɛ̀kɔ̀s ko a te.

Tuw wə aghəa

Ghe fəghanlo aŋghəa ghe ki alesəā naʼà làbəlà è dzùŋ e te 1:1-26

Ghəa ghe fə̀ naʼn làbəlà è dzùŋ è te an Yɛ̀lusalɛ̀m 2:1—8:3

Ghəa ghe fə̀ naʼn làbəlà è dzùŋ è te an Dzùdîa àsùghò an Sàmalìa 8:4—12:25

Fwàʼ kə Pôl 13:1—28:31

Currently Selected:

Kə̀fwàʼ Kəsee: agq

Highlight

Copy

Want to have your highlights saved across all your devices? Sign up or sign in

2020

Learn More About To kə Kəzə̀ kə̀ Fughu ko

Kə̀fwàʼ Kəsee

Popular Bible Verses from
Kə̀fwàʼ Kəsee

Bible:

Aghem

Version: To kə Kəzə̀ kə̀ Fughu ko - agq

Kə̀fwàʼ Kəsee

Kə̀fwàʼ Kəsee

Popular Bible Verses from Kə̀fwàʼ Kəsee

Bible:

Aghem

Version: To kə Kəzə̀ kə̀ Fughu ko - agq

Kə̀fwàʼ Kəsee

Popular Bible Verses from
Kə̀fwàʼ Kəsee