Ester 5

Ester mangngolo lako raja

5:1-8

1Ia tonna allo mangpentallunnamo puasanna Ester mpakemi pakean baine raja, namale lako rante lan istana, nake'deh jio salean ba'ba kasitammuanna taunna raja. Cumadokkoi raja jao cadokkoan mala'bihna tingngo lako situju Ester. 2Ia tonna kitai to Datu Ester ke'deh jio saleanan, masannangngi raja ngkitai, napupangjillokki to tekken bulawanna lako Ester. Nakandoppi'i Ester, nakaka'i joo tampak tekkenna raja. 3Namane' mekutana raja nakua, “Ee Datu Ester, apara mukadoangngi? Moi mupeta'da sitangngana to karajaanku', la kuben tooko.” 4Mebalii Ester nakua, “Ia ke tapumasannangngi, ratuki' dau bongi sola Haman tasiduruk-duruk. Kupasadianki' anggoro' sola kande.” 5Nasuai raja to Haman namadoi' ratu, anna male sola lako joo petambana Datu Ester. 6Ia tonna mukkun nniso' anggoro' mekutanai raja lako Ester nakua, “Paumi tee too apara to mukadoangngi. Moi mupeta'da sitangngana to karajaanku', la kuben tooko!” 7-8Mebalii Ester nakua, “Ia ke tapumasannangngi la ntarima peta'danku', ratu unapiki' sola Haman masawa bongi tasiduruk-duruk pole', angkumane' mpaui to peta'danku' lako Kita'.”

Akkattana Haman la mpatei Mordekhai

5:9-14

9Liwa'i mario Haman pole jio mai kasitammuanna sola Datu Ester. Apa ia tonna jiomo babangan istana nakitai to Mordekhai te'da nake'deh ntaratte'i, menjaji gaja birihhi. 10Apa nta'tanni kamabirisanna napole lako bolana. Ia tonna ratumo lako bolana natambaii to soba'na naratu, nasuai to Zeresh bainena nacumadokko sola. 11Mangcurita matampomi Haman mpau kasugiranna, kabudanna anakkana muane, sininna kakuasanna na kanapaendekanna raja to pangka'na kaminang majao na ia to tomapangka' laenna. 12Nakua unapa, “Aku' manda sola raja ditambai lako kasidurukan to napaden Datu Ester na masawa natambai unapakan. 13Apa te'da namasannang penawangku' ke kukita unapi joo Mordekhai to-Yahudi cumadokko jio babangan istana.” 14Ia tonna sa'dingngi bainena Haman sola to soba'na, mangkada nakua, “Massuako nadipaden to ariri tokesan duangpulo dua metere'#5:14 duang pulo dua metere': lan basa Ibrani: limang pulo hasta tandena. Na masawanna makale' meta'dako lako raja, naditoke' Mordekhai jao ntuu joo ariri tokesan. Ia ke susimi joo masannangmi penawammu male lako joo kasidurukan.” Nasitujui Haman, nata'pa massua ngkabua' ariri tokesan.

Currently Selected:

Ester 5: mvpAD

Highlight

Copy