Марԛос Пешготьн
Пешготьн
«Мьзгинийа Иса Мәсиһә ль гора Марԛос» жь нава һәр чар Мьзгинийада йа һәрә кьн ә у бәри һәр се Мьзгинийа жи һатийә ньвисаре. Бь фькьра гәләк зана әԝ бәри сала һʼәфтейи (70-и пәй буйина Иса) һатийә ньвисаре, гава Оршәлим ԝеран бу.
Ль гора шәʼдәтийа щьвина сәдсалийа дӧдада, Марԛос хԝәха әԝ Йуһʼәнна-Марԛос ә, дәрһәԛа кʼижанида кʼьтеба Кʼаре Шандийада (12:12, 25; 13:4-5; 15:37-39) у ӧса жи чәнд нәʼмед шандийада бәʼса ԝи дькьн (Колоси 4:10; Фьлимон 24; Тимотʼейо II, 4:11). Әԝи гәләки рʼеԝити тʼәви Паԝлос у Барнабас кьрийә, ӧса жи йәки гәләки незики Пәтрусе Шанди бу (Пәтрус I, 5:13).
Кʼьтеб серида дьбежә кӧ фькьра ԝе дәрһәԛа Мьзгинийа Иса Мәсиһда йә (1:1). Һатьна Иса Мәсиһ да кʼьфше, кӧ әԝ ԝәхте Хԝәде кʼьфш кьрьбу перʼа гьһиштийә, ԝәки хьлазбуне бьдә мәрьвайе (1:15). Марԛос Иса тинә бәр чʼәʼва, кӧ Әԝ йәки хԝәйиһʼӧкӧм ә у һʼӧкӧме Ԝи нава һинкьрьне, щьндәрхьстьне, ӧса жи гӧнәбахшандьнеда кʼьфш ә. Һьнге Иса һеди-һеди Хԝә шагьртед хԝәва дьдә наскьрьне кӧ Әԝ Мәсиһ ә, аԝа готи Кʼьфшкьрийе Хԝәде йә. Ле Иса чьԛаси Хԝә шагьртед хԝәва дьдә наскьрьне, һаԛаси ль сәр мьрьн у рʼабуна Хԝә хәбәр дьдә, йа кӧ ԝе Оршәлимеда бьԛәԝьмийа. Иса Хԝәрʼа дьбежә «Кӧрʼе Мәрьв», йе кӧ һатә дьнйайе, ԝәки әʼмьре Хԝә бьдә кӧ мәрьв жь ԛәйдед гӧнә хьлаз бьн.
Мьзгинийа Марԛос һе гәләки сәр кьред Иса дьсәкьнә, нә кӧ сәр һинкьрьна Ԝи. Бона Йуһʼәннайе ньхӧмдар, ӧса жи ньхӧмандьн у щерʼьбандьна Иса кьн һатийә ньвисаре. Паше щарәкерʼа дәрбази сәр шьхӧле Ԝийи нәхԝәшԛәнщкьрьне у һинкьрьна Ԝи дьбә. Чьԛас дьчу шагьртед Ԝи һе Әԝ нас дькьрьн, дьжмьнед Ԝи жи һе кʼин Ԝирʼа дажотьн. Сәред хьлазийеда (11-а һʼәта 16-а) бона һʼәфтийа Исайә хьлазийе ньвисар ә, дәрһәԛа хачбун у рʼабуна Ԝийә жь мьрьне.
Әва Мьзгинийа гәләки шәʼдәтийа кьред Иса дьдә у тьһәрәки зәлал у кӧрт һатийә ньвисаре, әва Иса бәрчʼәʼв тинә у дьдә кʼьфше, ԝәки һәр хԝәндәванәк мина сәрсәд бькарьбә бькә гази бежә: «Рʼаст әв мәрьв Кӧрʼе Хԝәде йә» (15:39).
Әва Мьзгинийа гәләки ль сәр щәфакʼьшандьна Иса дьсәкьнә, ӧса жи сәр щәфайед ԝан, йед кӧ ԝе ль пәй Ԝи һәрʼьн. Ль гора фькьра мәсиһийед бәре, Марԛос әва Мьзгинийа бажаре Рʼомеда ньвисийә. Жь ве йәке те кʼьфше, кӧ Марԛос әв йәк һе бона баԝәрмәндед Рʼомайеда ньвисийә, чьмки баԝәрмәндед ԝи чахи гәләк щәфа жь дәсте Нероне Ԛәйсәре Императорийа Рʼомайе дьдитьн, (һʼӧкӧмәта ԝи жь сала 54-а һʼәта 68-а бу).
Сәрәщәма фькьра кʼьтебе
Дәстпебуна Мьзгинийе (1:1-13)
Даннасини у шьхӧлед Исайә Щәлиледа (1:14–9:50)
Рʼийа Исайә жь Щәлиле һʼәта Оршәлиме (10:1-52)
Һʼәфтийа Исайә хьлазийе ль Оршәлиме у дор-бәред ԝеда (11:1–15:47)
Рʼабуна Иса жь мьрьне (16:1-8)
Пәй рʼабунерʼа хӧйабун у жорһьлатьна Иса (16:9-20)
Currently Selected:
Марԛос Пешготьн: KmrNTC
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2000, 2011