Марԛос 12

Мәсәла рʼәзе тьрийа у рʼәзвана

(Мәтта 21:33-46; Луԛа 20:9-19)

1У бь мәсәла дәст бь хәбәрдане кьр, ԝанрʼа гот: «Мәрьвәки рʼәзе тьрийа дани, дора ԝе сур кьр, һʼәԝзәки тьриһʼьнщьрʼандьне теда кʼола, һеланәкә нобәдара чекьр у әԝ бь кʼьре да рʼәзвана, чу ԝәлатәки дьн. 2Ԝәхтда хӧламәк шандә щәм рʼәзвана, ԝәки жь ԝи рʼәзи бәре пʼара хԝә жь ԝан бьстинә. 3Ле ԝана әԝ гьрт, кʼӧтан у дәствала вәрʼекьрьн. 4У ԝи диса хӧламәки дьн шандә щәм ԝан, ле ԝана сәри ле шкенанд у әԝ рʼобәт кьрьн. 5Әԝи йәки дьн шанд, ԝана әԝ жи кӧшт. Ԝи гәләкед дьн шандьн, ԝана һьнәк жь ԝан кʼӧтан у һьнәк жи кӧштьн. 6Бона ԝи тʼәне йәк мабу кӧ бьшанда, кӧрʼе хԝәйи дәлал. Хӧләсә рʼабу әԝ жи шанд у гот: ‹Һьлбәт ԝе жь кӧрʼе мьн шәрм бькьн›. 7Ле әв рʼәзванед һан ль һәв шеԝьрин у готьн: ‹Әв ԝаре ԝи йә! Ԝәрьн әм ви бькӧжьн, миратʼе мәрʼа бьминә›. 8Һьнге әԝ гьртьн кӧштьн у щьнйазе ԝи жь рʼәз дәрхьстьнә дәр. 9Дә ижар хԝәйе рʼәз ԝе чь бькә? Нә әԝе бе ԛьрʼа рʼәзвана бинә у рʼәз бьдә һьнәкед дьн? 10Чьма ԝә әԝ ньвисар нәхԝәндийә?

‹Әԝ кәвьре кӧ һоста тʼәхсир кьр,

әԝ бу сәре әʼнишке.

11Әв йәк жь алийе Хӧданда ԛәԝьми

у ль бәр чʼәʼве мә һʼәйр-һʼӧжмәкʼар ә!›#12:11 Зәбур 118:22-23. »

12Сәрԝеред щьһуйа фәʼм кьрьн, кӧ Иса әв мәсәлә ани сәр ԝан, кьрьн кӧ Ԝи бьгьрьн, ле жь әʼлаләте тьрсийан, кʼәрба Әԝ һьштьн у чун.

Пьрса хәрщдайин у нәдайине

(Мәтта 22:15-22; Луԛа 20:20-26)

13Паше ԝана һьнәкә жь ферьсийа у пьштгьред Һеродәс шандьнә щәм Ԝи, ԝәки Ԝи бь хәбәред дәве Ԝи бьгьрьн. 14Әԝана һатьн у жерʼа готьн: «Дәрсдар! Әм заньн кӧ Тӧ йәки рʼаст и. Мьнәте жь кәси наки, чьмки нав мәрьвада фьрԛийе данайни, ле рʼийа Хԝәде рʼаст һин дьки. Гәло рʼаст ә кӧ әм хәрщ бьдьнә Ԛәйсәр йан на? Әм бьдьн, йан нәдьн?» 15Ле дӧрʼутийа ԝан кӧ Исава әʼйан бу гот: «Чьма һун Мьн дьщерʼьбиньн? Мьнрʼа зивәки биньн кӧ Әз бьбиньм». 16Ԝана жерʼа зивәк ани. Әԝи жь ԝан пьрси: «Әв наве ньвисар у сьфәт йе кʼе йә?» Ԝана гот: «Йед Ԛәйсәр ьн». 17Иса ԝанрʼа гот: «Ԝәки ӧса йә, чь кӧ йед Ԛәйсәр ьн бьдьнә Ԛәйсәр у чь кӧ йед Хԝәде нә бьдьнә Хԝәде». У сәр Ԝи әʼщебмайи ман.

Пьрса рʼабуна мьрийа

(Мәтта 22:23-33; Луԛа 20:27-40)

18Садуԛи, кӧ дьбежьн рʼабуна мьрийа тʼӧнә, һьнәкә жь ԝан һатьнә щәм Иса у же пьрсин: 19«Дәрсдар! Муса мәрʼа ньвисийә: ‹Һәгәр бьре йәки безӧрʼәт бьмьрә у жьне стухар бьһелә, бьра бьре ԝи жьна ԝи бьстинә у ԝаре бьре хԝә шин кә›#12:19 Ԛануна Дӧщари 25:5. . 20Аԝа һʼәфт бьра һәбун. Бьре мәзьн жьнәк станд, безӧрʼәт мьр. 21Бьчʼуке ԝи әԝ жьн станд, әԝ жи безӧрʼәт мьр, ӧса жи һатә сәре йе сьсийа. 22Хӧләсә ван һәр һʼәфт бьра жи әԝ жьн станд у безӧрʼәт мьрьн, пәй ԝанрʼа жи әԝ жьн мьр. 23Дә ижар ԝе Рʼожа Рʼабуне, гава мьри рʼабьн, әва жьна ԝе кʼижан бьрайирʼа бькʼәвә? Чьмки һәр һʼәфта жи әԝа стандьбу».

24Иса ль ԝан вәгәрʼанд у гот: «Нә һун жь дәст ве йәке хальфи нә, кӧ нә ньвисара заньн, нә жи ԛәԝата Хԝәде? 25Гава йед мьри жь мьрьне рʼабьн, ԝе нә бьзәԝьщьн у нә жи мер кьн, чьмки әԝе мина мьлйакʼәтед әʼзмана бьн. 26Ле дәрһәԛа рʼабуна мьрийада, чьма ԝә Кʼьтеба Мусада#12:26 «Кʼьтеба Муса» те фәʼмкьрьне: «Һәр пенщ кʼьтебед пешьнә Пәймана Кәвьн». нәхԝәндийә сәрһатийа дара дьрʼийеда кӧ чаԝа Хԝәде Мусарʼа дьбежә: ‹Әз Хԝәдейе Бьраһим, Хԝәдейе Исһаԛ у Хԝәдейе Аԛуб ьм›#12:26 Дәркʼәтьн 3:6. ? 27Әԝ нә Хԝәдейе мьрийа йә, ле Хԝәдейе зендийа йә. Һун лап хальфи нә!»

Тʼәмийа сәр тʼәмийарʼа

(Мәтта 22:34-40; Луԛа 10:25-28)

28Ԛанунзанәки кӧ шәрʼ-дәʼԝе ԝан бьһист у дина хԝә жи дайе, кӧ Иса чаԝа ԛәнщ щаба ԝан да, незики Иса бу у же пьрси: «Кʼижан тʼәми сәр һʼәму тʼәмийарʼа йә?» 29Иса ле вәгәрʼанд: «Әв ә тʼәмийа сәр тʼәмийарʼа: ‹Бьбьһе, Исраел! Хӧдан Хԝәдейе мә Хӧданәк ә#12:29 Аһа жи те фәʼмкьрьне: «Хӧдан Хԝәдейе мә, тʼәне Әԝ ә Хӧдан». . 30Хӧдан Хԝәдейе хԝә һʼьз бькә, бь тʼәмамийа дьле хԝә, бь тʼәмамийа щанийа хԝә, бь тʼәмамийа һʼьше хԝә у бь тʼәмамийа ԛәԝата хԝә›#12:30 Ԛануна Дӧщари 6:4-5. . 31Йа дӧда жи әв ә: ‹Һәвале хԝә ԝәкә хԝә һʼьз бькә›#12:31 Ԛануна Кʼаһинтийе 19:18. . Жь ван мәстьр тʼӧ тʼәми тʼӧнә». 32Ижар ԛанунзан Ԝирʼа гот: «Рʼаст ә, Дәрсдар! Тә рʼаст гот, кӧ ‹Хӧдан йәк ә у жь Ԝи пештьр йәки майин тʼӧнә›#12:32 Ԛануна Дӧщари 6:4; 4:35; Ишайа 45:21. . 33У ‹бь тʼәмамийа дьл, бь тʼәмамийа аԛьл, бь тʼәмамийа ԛәԝате Хԝәде һʼьзкьрьн› у ‹һәвале хԝә жи ԝәкә хԝә һʼьзкьрьн› сәр һәр дийарийед тʼәвайишәԝате у ԛӧрбанед майинрʼа йә»#12:33 Ԛануна Дӧщари 6:5; Ԛануна Кʼаһинтийе 19:18; Пʼадшати I, 15:22; Һосейа 6:6. . 34Иса дина Хԝә дайе, кӧ ԝи бь аԛьли щаба хԝә да, жерʼа гот: «Тӧ жь Пʼадшатийа Хԝәде нә дур и». Пәй ве йәкерʼа, иди тʼӧ кәси нәԝерьбу тьштәк жь Ԝи бьпьрсийа.

Мәсиһ кӧрʼе кʼе йә?

(Мәтта 22:41-46; Луԛа 20:41-44)

35Гава кӧ Иса пʼарьстгәһеда һин дькьр, гот: «Ԛанунзан чаԝа дьбежьн кӧ Мәсиһ кӧрʼе Даԝьд ә? 36Нә Даԝьд хԝәха пе Рʼӧһʼе Пироз дьбежә?

‹Хӧдан готә Хӧдане мьн:

Ль мьле Мьни рʼасте рʼуне,

һʼәта кӧ Әз дьжмьнед Тә бькьмә бьне пʼийед Тә›#12:36 Зәбур 110:1. .

37Аԝа Даԝьд хԝәха кӧ Ԝи ‹Хӧдан› һʼәсаб дькә, иди Әԝ чаԝа дьбә кӧрʼе Даԝьд?»

Ԛанунзанед дӧрʼу

(Мәтта 23:1-36; Луԛа 20:45-47)

Ԝе әʼлаләта гьран бь дьл у әшԛ гӧһдарийа Иса дькьр. 38Һинкьрьна Хԝәда Әԝи гот: «Һʼәвза хԝә жь ԝан ԛанунзана бькьн, йед кӧ һʼьз дькьн бь чӧхед дьреж бьгәрʼьн, базарада сьлаве бьдьнә ԝан, 39кʼьништада кʼӧрсийед пешьн бьгьрьн у шайийада жи һәрәма жорьн рʼунен. 40Әвана аликива малед жьнәбийа һʼуфи хԝә дькьн, алийе дьнва жи бона хԝәкʼьфшкьрьне дӧайе хԝә дьреж дькьн. Диԝана ԝане һе гьран бә».

Дийарийа жьнәбийа бәләнгаз

(Луԛа 21:1-4)

41Иса ль пешбәри пʼәрәданга пʼарьстгәһе рʼуньшт у дина Хԝә дайе, кӧ әʼлаләте чаԝа пʼәрә давитьнә пʼәрәданге. Гәләк дәԝләтийа гәләк авитьне. 42Жьнәбикә бәләнгаз жи һат у дӧ пол, кӧ дькьрә ԛӧрʼушәк, авите. 43Иса шагьртед Хԝә гази щәм Хԝә кьрьн у ԝанрʼа гот: «Әз рʼаст ԝәрʼа дьбежьм, кӧ әве жьнәбийа бәләнгаз жь ван һʼәмуйа зәʼфтьр авитә пʼәрәданге, 44Ван һʼәмуйа жь зедәйа һәбука хԝә авитьне. Ле әве ве бәләнгазийа хԝәда чи ԝе һәбу кӧ пе әʼбуре хԝә бькьра һʼәму авите».

Currently Selected:

Марԛос 12: KmrNTC

Highlight

Copy