Мәтта 20

Пʼалед рʼәзед тьрийа у һәԛе ԝан

1«Пʼадшатийа Әʼзмана мина ве йәке йә: Мәрьвәки хԝәйимьлкʼ сьбәһе зу рʼабу, ԝәки бона рʼәзе тьрийед хԝә пʼала бьгьрә. 2Әԝи пʼаларʼа рʼоже зивәк ԛьрар кьр у әԝ шандьнә нава рʼәзе хԝә. 3Незики сьһʼәта нәһа#20:3 Бь йунани хәбәр бь хәбәр аһа йә: «Сьһʼәта сьсийа». Ле ԝи чахи ль гора әʼдәте щьһуйа сьһʼәта сьсийа бь сьһʼәта иройин сьһʼәта нәһайә сьбәһе зу йә. Бона щьһуйа, һьнге сьһʼәт дәркʼәтьна рʼожева дәстпедьбу. Ӧса жи әв шьровәкьрьн бона рʼеза 4-а һʼәта 9-а йә. дәркʼәт, һьнәкед дьнә кӧ базареда бәтал сәкьнибун дитьн 4у готә ԝан: ‹Һун жи һәрʼьнә нава рʼәзе мьн у чь һәԛе ԝә йә, әзе бьдьмә ԝә›. Әԝ жи чун. 5Диса сьһʼәта донздәһа у сьһʼәта сьсийа дәркʼәт у ӧса кьр. 6У незики сьһʼәта пенща дәркʼәт, һьнәкед дьн жи кӧ бәтал сәкьнибун дитьн у готә ԝан: ‹Чьма тʼәмамийа рʼоже һун ль вьр бәтал сәкьнинә?› 7Ԝана жерʼа гот: ‹Кәсәки әм пʼалә нәгьртьн›. Әԝи ԝанарʼа гот: ‹Һун жи һәрʼьнә нава рʼәзе мьн›.

8Гава рʼо чу ава, хԝәйе рʼәз ԝәкʼиле мала хԝәрʼа гот: ‹Гази пʼала кә, һәԛе ԝан бьде, жь йед пашьн дәстпебькә һʼәта йед пешьн›. 9Әԝ пʼалед кӧ сьһʼәта пенща гьртьбун, һатьн у һәр йәки зивәк станд. 10Гава йед пешьн жи һатьн, ԝана тʼьре әԝе зедә бьстиньн. Ле ԝана жи һәр йәки зивәк станд. 11Гава һәԛе хԝә стандьн, һьндава хԝәйе рʼәзда бина хԝә тәнг кьрьн у готьн: 12‹Мә тʼәмамийа гьранийа рʼоже у гәрма ԝе кʼьшанд, ле әвед пашԝәхтийе кӧ һатьн сьһʼәтәке жи нәхәбьтин, тә әԝ һьмбәри мә кьрьн›. 13Малхе жь ԝан йәкирʼа гот: ‹Һәвал! Әз нәһәԛийе ль тә накьм. Тӧ мьнрʼа зивәки ԛайл нәбуйи? 14Һәԛе хԝә бьстинә у һәрʼә. Әз дьхԝазьм чаԝа кӧ мьн да тә, ӧса жи бьдьмә әве пашьн. 15Йан изьна мьн ль сәр мале мьн тʼӧнә, чь кӧ әз бьхԝазьм ԝе жи бькьм? Йан тӧ һʼәвсудийе дьки, кӧ әз мәрʼд ьм?›

16Бь ви аԝайи йед паш ԝе бьбьнә пеш у йед пеш ԝе бьбьнә паш#20:16 Нав һьнәк дәстньвисарада әв жи һәйә: «Чьмки газикьри гәләк ьн, ле бьжарти һьндьк ьн». ».

Иса щара сьсийа дәрһәԛа мьрьна хԝәда дьбежә

(Марԛос 10:32-34; Луԛа 18:31-34)

17Чахе Иса һьлдькʼьшийа Оршәлиме, тʼәне һәр донздәһ шагьртед Хԝә тʼәви Хԝә бьрьн у рʼеда готә ԝан: 18«Бьбьһен! Әм һәвраз дьчьнә Оршәлиме. Кӧрʼе Мерьв ԝе бькʼәвә дәсте сәрәкед кʼаһина у ԛанунзана. Әԝе жерʼа кӧштьне дәрхьн 19у Ԝи бьдьнә дәсте нәщьһуйа, ԝәки ԛәрфе хԝә ль Ԝи бькьн, бьдьн бәр ԛамчийа у хач кьн. Ле рʼожа сьсийа Әԝе жь мьрьне рʼабә».

Хԝәстьна дийа кӧрʼед Зәбәди

(Марԛос 10:35-45)

20Һьнге дийа кӧрʼед Зәбәди тʼәви һәр дӧ кӧрʼед хԝә һатә щәм Иса, хԝә авитә ньге Ԝи тьштәк же дьхԝәст. 21Иса же пьрси: «Тӧ чь дьхԝази?» Әԝе готә Ԝи: «Бежә, кӧ әв һәр дӧ кӧрʼед мьн ль нав Пʼадшатийа Тәда, йәк ль мьле Тәйи рʼасте, йе дьн жи ль мьле Тәйи чʼәпе рʼуне». 22Ле Иса ль ԝан вәгәрʼанд у гот: «Һун ньзаньн чь дьхԝазьн. Гәло һун дькарьн жь ԝе кʼасе вәхԝьн, йа кӧ Әзе вәхԝьм?#20:22 Нав һьнәк дәстньвисарада әв жи һәйә: «Йан бь ԝе ньхӧмандьне бенә ньхӧмандьне, кӧ Әзе бемә ньхӧмандьне?» » Ԝана готә Ԝи: «Бәле, әм дькарьн». 23Әԝи ԝанарʼа гот: «Рʼаст ә һуне ԝе кʼаса Мьн вәхԝьн, ле изьна ль мьле Мьни чʼәп у рʼасте рʼуньштьне нә дәсте Мьнда йә. Әԝ щи бона ԝан ьн, кʼижанарʼа алийе Баве Мьнда һатьнә һазьркьрьне».

24Гава һәр дәһә шагьртед дьн әв йәк бьһист, дьле ԝан жь һәр дӧ бьра ма. 25Ле Иса әԝ гази щәм хԝә кьрьн у гот: «Һун заньн кӧ миред мьләта сәрдәстийе ԝан дькьн у гьрәгьред ԝан һʼӧкӧми сәр ԝан дькьн. 26Ле нава ԝәда гәрәке ӧса нибә. Кʼи кӧ нава ԝәда дьхԝазә бьбә йе мәзьн, гәрәке бьбә бәрдәстийе ԝә. 27У кʼи кӧ нава ԝәда дьхԝазә бьбә пеш, гәрәке бьбә хӧламе ԝә, 28чаԝа кӧ Кӧрʼе Мерьв нәһатийә кӧ жерʼа бәрдәстийе бькьн, ле ԝәки Әԝ Хԝәха бәрдәстийе бькә у әʼмьре Хԝә бьдә, кӧ гәләка бькʼьрʼә».

Иса дӧ кора ԛәнщ дькә

(Марԛос 10:46-52; Луԛа 18:35-43)

29Гава әԝана жь Әриһайе дәркʼәтьн, әʼлаләтәкә гьран да пәй Ԝи чу. 30Ва дӧ кор сәр ԝе рʼе рʼуньштьбун. Гава бьһистьн кӧ Иса дәрбаз дьбә, кьрьнә ԛирʼин у готьне: «Хӧдан#20:30 Нав һьнәк дәстньвисарада «Хӧдан» тʼӧнә. , Кӧрʼе Даԝьд, ль мә ԝәрә рʼәʼме». 31Әʼлаләте ль ԝан һьлат, кӧ дәнге хԝә бьбьрʼьн, ле ԝана һе кьрә ԛирʼин у готьне: «Хӧдан, Кӧрʼе Даԝьд, мә ԝәрә рʼәʼме!» 32Иса сәкьни, гази ԝан кьр у гот: «Һун чь жь Мьн дьхԝазьн кӧ Әз бона ԝә бькьм?» 33Ԝана жерʼа гот: «Хӧдан, бьра чʼәʼвед мә вәбьн». 34Гӧне Иса ль ԝан һат у дәст дани сәр чʼәʼвед ԝан. Дәстхԝәда чʼәʼвед ԝан дитьн, данә пәй Иса чун.

Currently Selected:

Мәтта 20: KmrNTC

Highlight

Copy