Йуһʼәнна 12

Иса Бәйтанйайеда те рʼункьрьне

(Мәтта 26:6-13; Марԛос 14:3-9)

1Шәш рʼож бәри Щәжьна Дәрбазбуне, Иса һатә Бәйтанйайе, ԝи щийе кӧ Лазар ле дьма, йе кӧ Иса әԝ жь нав мьрийа рʼакьрьбу. 2Ль ԝе дәре ԝана ԛәдьрәк жерʼа кьрьн. Мәртʼайе хьзмәткʼари дькьр, Лазар жи тʼәви Иса нава ԝанда ль сәр сьфре рʼуньшти бу. 3Һьнге Мәрйәме литьрәки рʼомайи#12:3 «Литьрәки рʼомайи» һьнге ԝәкә 325 гьраме ньһа бу. бь рʼуне нардейи сафи у бьһа һьлда, сәр ньгед Исада кьр у пе пʼорʼе хԝә ньгед Ԝи зьһа кьрьн. Бина рʼуне нарде мал һьлда. 4Ле жь шагьртед Ԝи йәки, Щьһудайе Исхәрйоти, йе кӧ ԝе паше нәмамийа Ԝи бькьра гот: 5«Чьма әв рʼуне нарде сесьд зиви#12:5 «Сесьд зив» һьнге ԝәкә хәбата пʼаләки тʼәмамийа сале бу. нәһатә фьротане, кӧ ль бәләнгаза бьһата бәлакьрьне?» 6Әԝи әв йәк дьгот, нә кӧ хәма ԝи бәләнгаз бун, ле чьмки әԝ дьз бу, кʼиське пʼәра щәм ԝи бу у чь кӧ дькʼәте, әԝи же дьчʼопанд.

7Һьнге Иса готә ԝи: «Жь ԝе кʼӧлфәте вәгәрʼә. Иди чьма ви рʼуни һʼәта рʼожа дәфьнкьрьна Мьн хԝәй кә?#12:7 Аһа жи те фәʼмкьрьне: «Бьра ви рʼуни бона рʼожа дәфьнкьрьна Мьн хԝәй кә». 8Фәԛире һәр гав тʼәви ԝә бьн, ле Әзе һәр гав тʼәви ԝә нибьм».

Шеԝьра кӧштьна Лазар

9Жь щьһуйа гәләка бьһист кӧ Иса ль ԝе дәре йә һатьн. Әԝ нә кӧ тʼәне бона Иса һатьн, ле ԝәки Лазаре кӧ жь нав мьрийа рʼакьрийә жи бьбиньн. 10Һьнге сәрәкед кʼаһина шеԝьрин кӧ Лазар жи бькӧжьн, 11чьмки рʼуйе ԝида гәләк щьһу дьчун баԝәрийа хԝә Иса данин.

Иса бь рʼумәт дькʼәвә Оршәлиме

(Мәтта 21:1-11; Марԛос 11:1-11; Луԛа 19:28-40)

12Рʼожа дьне әʼлаләтәкә гьран кӧ һатьбу щәжьне, гава бьһист кӧ Иса те Оршәлиме, 13ԝана чʼьԛьлед хӧрме һьлдан чунә пешийа Ԝи у кьрьнә ԛирʼин:

«Һосанна! Бьмбарәк ә Әԝе кӧ бь наве Хӧдан те#12:13 Зәбур 118:25-26. , Пʼадше Исраеле!»

14Иса щәʼшькәк дит у ле сийар бу, чаԝа ньвисар ә:

15«Нәтьрсә бажаре Сийоне#12:15 Бь йунани хәбәр бь хәбәр аһа йә: «Ԛиза Сийоне». .

Ва йә Пʼадше тә те, ль щәʼшька кʼәре сийар буйи»#12:15 Зәкәрийа 9:9. .

16Шагьртед Ԝи пешийе әва йәка фәʼм нәкьрьн, ле гава Иса кʼәтә рʼумәта Хԝә, һьнге һатә бира ԝан, кӧ әв йәк бона Ԝи һатьбу ньвисаре у бона Ԝи әва йәка кьрьн. 17Әԝ щьмәʼта кӧ һьнге тʼәви Ԝи бу, гава Ԝи Лазар жь мьрьне рʼакьр у әʼмьр кьр кӧ жь горʼе дәре, шәʼдәтийа ԝе йәке дьда. 18Бона ве йәке щьмәʼт пешийа Ԝида чу, чьмки ԝана бьһистьбу кӧ Әԝи әва нишана кьрийә. 19Ферьсийа жи һәврʼа гот: «Һун дьбиньн әва йәка жь ԛәԝата мә дәр ә. Ва тʼәмамийа дьнйайе пәй Ԝи чу!»

Һьнәк йунан ль Иса дьгәрʼьн

20Нав ԝанда чәнд йунан жи һәбун, кӧ бона һʼәбандьне щәжьнеда һәвраз чубунә Оршәлиме. 21Әвана һатьнә щәм Филипойе жь бажаре Бәйтсайда Щәлиле һиви же кьрьн у готьне: «Әм хӧлам, әм дьхԝазьн Иса бьбиньн». 22Филипо чу әва йәка Әндраԝьсрʼа гот, Әндраԝьс у Филипо жи чун Исарʼа готьн. 23Иса ль ԝан вәгәрʼанд у гот: «Әԝ сьһʼәта кӧ Кӧрʼе Мерьв ԝе бе рʼумәткьрьне перʼа гьһишт. 24Әз рʼаст бе хельф ԝәрʼа дьбежьм, һәгәр һʼәба геньм нәкʼәвә әʼрде у нәмьрә, әԝе тʼәне бьминә, ле һәгәр әԝ бьмьрә, ԝе гәләк бәр бьдә. 25Йе кӧ әʼмьре хԝә һʼьз дькә, әԝе ӧнда кә, ле әԝе кӧ ль ве дьнйайе дьжәнә әʼмьре хԝә, әԝ ԝи бона жийина һʼәта-һʼәтайе хԝәй дькә. 26Әԝе кӧ бьхԝазә Мьнрʼа хьзмәткʼарийе бькә, бьра пәй Мьн бе. Әз ль кʼӧ дәре бьм, хьзмәткʼаре Мьн жи ԝе ль ԝе дәре бә. Һәгәр йәк Мьнрʼа хьзмәткʼарийе дькә, Бав жи ԝе ԛәдьре ԝи бьгьрә.

Иса мьрьна Хԝә әʼлам дькә

27Ньһа агьр дьле Мьн кʼәтийә. Әз чь бежьм? Бежьм: ‹Баво, Мьн жь ве сьһʼәте хьлаз кә›? Нә Әз бона ве сьһʼәте һатьмә? 28Баво, наве Хԝә бьльнд кә». Һьнге дәнгәк жь әʼзмен һат: «Мьн бьльнд кьр у Әзе диса бьльнд кьм!»

29Әԝ әʼлаләта кӧ ль ԝьр сәкьнибу дьбьһист гот: «Гӧрʼинийа әʼзмен бу». Һьнәка жи дьгот: «Мьлйакʼәтәки тʼәви Ԝи хәбәр да». 30Иса щаб да у гот: «Әва дәнга бона Мьн нәһат, ле бона ԝә. 31Ньһа йә ԝәхте диԝана ве дьнйайе, ньһа сәрԝере ве дьнйайе ԝе бе авитьне дәрва. 32Гава Әз жь әʼрде бәрбь жор бемә һьлдане, Әзе һʼәмуйа бәрбь Хԝә бькʼьшиньм». 33Әԝи бь ве готьне дьда фәʼмкьрьне, кӧ Әԝе бь чь щурʼәйи бьмьрә.

34Һьнге әʼлаләте ле вәгәрʼанд у готе: «Мә жь Ԛануне бьһистийә кӧ Мәсиһе һʼәта-һʼәтайе бьминә. Иди Тӧ чаԝа дьбежи: ‹Гәрәке Кӧрʼе Мерьв бәрбь жор бе һьлдане›? Кʼи йә әԝ ‹Кӧрʼе Мерьв›?» 35Иса ԝанрʼа гот: «Һьнәк ԝәхт жи рʼонайи ԝе тʼәви ԝә бә. Һʼәта кӧ рʼонайи тʼәви ԝә йә, бьмәшьн, нәбә кӧ тәʼри сәр ԝәда бе. Әԝе кӧ тәʼрийеда дьмәшә, әԝ ньзанә кʼӧда дьчә. 36Һʼәта кӧ рʼонайи тʼәви ԝә йә, баԝәрийа хԝә рʼонайе биньн, ԝәки һун бьбьнә зарʼед рʼонайе».

Нәбаԝәрийа щьһуйа

Гава Иса әв йәкана готьн чу у Хԝә жь бәр ԝан вәшарт. 37Сәр һаԛас нишанарʼа кӧ Ԝи ль бәр ԝан кьрьн, ле ԝана диса баԝәрийа хԝә ль Ԝи нәданин. 38Әв йәк аһа бу, ԝәки әԝ готьна Ишайа пʼехәмбәр бе сери:

«Хӧдан, кʼе әԝ готьна кӧ мә гот баԝәр кьр?

У зәнда Хӧдан кʼева әʼйан бу?»#12:38 Ишайа 53:1.

39Бона ԝе йәке ԝана нькарьбу баԝәр бькьрана, чьмки Ишайа аһа жи готийә:

40«Хԝәде чʼәʼвед ԝан кор кьрьн

у ава рʼәш ани сәр һʼьше ԝан,

ԝәки бь чʼәʼва нәбиньн,

бь һʼьша фәʼм нәкьн

у вәнәгәрʼьн кӧ Әз ԝан ԛәнщ кьм»#12:40 Ишайа 6:10. .

41Ишайа аһа гот, чьмки ԝи рʼумәта Иса дит у ль сәр Ԝи хәбәр да. 42Ле бәле диса жи жь сәрԝера гәләка баԝәрийа хԝә Ԝи ани. Ле жь тьрса ферьсийа, ль хԝә мӧкӧрʼ нәдьһатьн, кӧ жь кʼьниште нәйенә дәрхьстьне. 43Ль ԝан һе хԝәш дьһат кӧ мәрьв пәсьне ԝан бьдьн, нә кӧ Хԝәде.

Готьна Иса һʼакьме Рʼожа Ахрәте йә

44Һьнге Иса бь дәнгәки бьльнд гот: «Әԝе кӧ баԝәрийа хԝә Мьн тинә, әԝ баԝәрийа хԝә Мьн найнә, ле Йе кӧ Әз шандьмә. 45У әԝе кӧ Мьн дьбинә, йе кӧ Әз шандьмә дьбинә. 46Әз чаԝа рʼонайидар һатьмә дьнйайе, ԝәки һәр кәсе кӧ баԝәрийа хԝә Мьн бинә, тәʼрийеда нәминә. 47Һәгәр йәк готьна Мьн бьбьһе у нәԛәдинә, Әз диԝана ԝи накьм. Әз нәһатьмә кӧ диԝана дьнйайе бькьм, ле ԝәки дьнйайе хьлаз кьм. 48Әԝе кӧ Мьн тʼәхсир дькә у готьнед Мьн ԛәбул накә, йәк һәйә кӧ ԝе диԝана ԝи бькә, аԝа готи әԝ готьна кӧ Мьн готийә, әԝе Рʼожа Ахрәте диԝана ԝи бькә. 49Чьмки Мьн хԝәсәрихԝә нәготьн, ле Баве кӧ Әз шандьмә, Әԝи тʼәми дайә Мьн кӧ Әз чь бежьм у чь хәбәр дьм. 50У Әз заньм кӧ тʼәмийа Ԝи жийина һʼәта-һʼәтайе йә. Аԝа чь кӧ Әз дьбежьм, чаԝа Баве готийә Мьн Әз ӧса дьбежьм».

Тʼәми у готьнед Исайә ахьрийе

Currently Selected:

Йуһʼәнна 12: KmrNTC

Highlight

Copy