Matfey 20
20
Baada işçilär için örnek
1Zerä Gök Padişahlıı benzeer bir çorbacı adama, ani çin sabaalän çıktı, kendi baasına işçi tutsun.
2İşçilärlän annaştı, ödesin birär dinar gündä, sora yolladı onnarı kendi baasına.
3Çıkıp bir üçüncü saatta#20:3 Üçüncü saat – saat dokuz sabaalän., başka haylak durannarı gördü meydanda.
4Sora dedi onnara: „Siz dä gidin benim baayımda işlemää. Ne düşer, ödeyecäm sizä“. Onnar gittilär.
5Enidän çıktı bir altıncı hem dokuzuncu#20:5 Altıncı, dokuzuncu saat – saat oniki, saat üç üülendän sora. saatta, hep ölä yaptı.
6Bitkidä, onbirinci#20:6 Onbirinci saat – saat beş üülendän sora. saada yakın, buldu başka haylak durannarı da dedi onnara: „Neçin burada bütün gün haylak durêrsınız?“
7Onnar cuvap ettilär: „Çünkü bizi kimsey işä almadı“. O dedi: „Siz dä gidin benim baayıma /da ne düşer kabledeceniz/“.
8Avşamnen baayın çorbacısı dedi kendi haznatarına: „Çaar işçileri da ödä, çekedip bitkilerindän ilkinkilerinädän“.
9Onnar, ani gittilär işä onbirinci saatta, gelip kablettilär birär dinar.
10İlkinkileri, geldiynän, esap ettilär, ani kabledeceklär taa çok. Ama onnar da kablettilär hep birär dinar.
11Açan kablettilär parayı, başladılar baayın çorbacısına karşı mırıldanmaa.
12Da deyärdilär: „Sonda olannar işledilär sade bir saat, ama ödeklän sän yaptın onnarı bizimnän bir. Biz sa geçirdik bütün günün kızgınnıın aarlıını“.
13Çorbacı onnarın birisinä cuvap etti: „Dostum, bän seni hiç yalandırmadım. Annaşmadın mı benimnän bir dinara?
14Al, ne senin, da git. Bän isteerim bu sondakı insana da ödeyim hep ölä, nicä sana.
15Dooruluum yok mu kendi paramnan yapayım, ne isteerim? Osa sän kıskanêrsın, ani bän ii ürekliyim?“
16Ölä ki, sondakılar ilk olacek, ilklär da bitki olacek. /Zerä çok çaarılmış, ama az seçilmiş/».
İisus üçüncü sıra haberleer ölümünü hem dirilmesini
17Açan gidärdilär İerusalimä, İisus yolda aldı bir tarafa oniki üürenicisini da dedi onnara:
18«Tä, biz gideriz İerusalimä. Adam Oolu verilecek büük popazların hem bilgiçlerin elinä. Ona daava kesilecek ölümä,
19da Onu yabancıların elinä vereceklär, ki gülmää alsınnar, kamçıylan düüsünnär da stavroza gersinnär, ama O üçüncü günü dirilecek».
Bir ananın istemesi
20Ozaman Zevedeyin oolların anaları yaklaştı İisusa oollarınnan barabar, baş iiltti da nesä yalvarardı Ona.
21İisus sordu: «Ne isteersin?» «Sımarla, ki Senin Padişahlıında benim bu iki oolum otursunnar birisi Senin saa tarafında, birisi dä sol tarafında», – cuvap etti bu ana.
22Ozaman İisus dedi: «Bilmeersiniz, ne isteersiniz. Var mı nicä siz içäsiniz o çölmektän, ani Bän içecäm /hem vaatiz olasınız o vaatizliklän, ani Bän olacam/?» «Var nicä», – cuvap etti onnar.
23İisus dedi: «Hakına, ani içeceniz Benim çölmeemdän /hem vaatiz olacenız o vaatizliklän, ani Bän olêrım/. Ama Bendän tutunmêêr, izin vereyim oturmaa saa eki sol tarafımda. Bu verilecek onnara, kimä hazırlanmış Bobamdan».
24Kalan on üürenicilär, işidip bunu, üfkelendilär bu iki kardaşa.
25İisus çaardı onnarı da dedi: «Bilersiniz, ani milletlerin öndercileri çorbacılık ederlär onnarın üstünä hem büükleri zaabitlik ederlär.
26Ama sizin aranızda bölä olmasın. Kim sizdän isteer büük olsun, o izmetkär olsun kalanına.
27Kim sizdän isteer ilk olsun, o çırak olsun öbürlerä.
28Zerä Adam Oolu gelmedi, ki Ona izmet etsinnär, ama Kendi izmet etsin insana hem versin yaşamasını çoyun erinä, ki kurtarabilsin onnarı».
İki köör İerihon kasabasında
29Açan çıkardılar İerihon kasabasından, çok insan gitti İisusun ardına.
30Tä, yol boyunda oturardı iki köör adam. Onnar açan işittilär, ani İisus geçer oradan, başladılar baarmaa: «Saabi, Davidin Oolu, acı bizi!»
31İnsan takazaladı onnarı, sussunnar deyni, ama onnar taa pek baarardılar: «Saabi, Davidin Oolu, acı bizi!»
32İisus durgundu, çaardı onnarı da sordu: «Ne isteersiniz yapayım sizä?»
33«Saabi, açılsın gözlerimiz!» – dedi onnar.
34İisusun canı acıdı, da diidi onnarın gözlerinä. Köör olannar çabuk görmäk edendilär. Onnar gittilär Onun ardına.
Currently Selected:
Matfey 20: GagNTL
Highlight
Share
Copy
Want to have your highlights saved across all your devices? Sign up or sign in
© Bіblіyayı çevіrän İnstіtut, Moskva, 2006
