2 Koriti Tshatshu o'o
Tshatshu o'o
Asœke kœdœ bisha mbeti á Polo sú fœ ayindœ Ndjaba ɓa lœ Koriti. Angata Ayuda na ga lœ Koriti yé œ yi lima sœ œrœ á sœ kpi tœ Ɔtshɔ O'o á Polo yi lima sœ nœ utshunœ. Endje sœ lima ndje kœpa adœke Polo dœ́dœ́ adja ayi avwa nœ Kristu nene. O'o endje ndɨ lima ɔtshɔ anga ayindœ Kristu yé á Polo yi lima kœna ga zœ.
Ɓa la bisha mbœtinœ asœke, Polo pandœ ádá á tshe nana kœwu endje nene. Tshe ma ndje fœ endje adœke œne kœdœ adja ayi avwa nœ Kristu mbœrœ á œne kœsœ lœ kœmɔ, Ndjaba sœ kœma gbɔgbɔ nœ ye fœ œne. Tshe pa fœ endje adœke œne gbe kœngbɔɓatœ œne bale dœ ayindœ Ndjaba ɓa lœ Koriti, ataa endje shi gbɨ lœ kœngbɔɓa œrœ mbœrœ kœtɨ kane ayindœ Ndjaba ɓa lœ Yerusaleme. Ga panœ, œne gbe má kœna mbœrœ kœpa adjapu fœ endjeneke á endje kakatœ kœmbœrœ ekperœ nene asœmœ.
Polo sœ kœpa adœke œne kœdœ adja ayi avwa mbœrœ tshe yi lima ndœ nœ adœke azu wusœ Ɔtshɔ O'o yé œ wusœ nœ ndje adœke Yisu kœdœ Gbozu.
Mbetinœ kurutshelœtœ ye atake:
- Polo bala endje yé œ gi mershe fœ Ndjaba (1.1-11)
- Akwa nœ aayi avwa ɓa ndœ ayindœ Ndjaba (1.12–2.17)
- Kœyindœ anga azœ ɓa ta á Kristu yindœ azœ (3.1–7.16)
- Kœtɨ kane aayi oyo (8.1–9.15)
- Polo pa adœke œne kœdœ adja ayi avwa (10.1–13.10)
- Ndɔngɔlɔ abala (13.11-13)
Currently Selected:
2 Koriti Tshatshu o'o: mnh
Highlight
Share
Copy
Want to have your highlights saved across all your devices? Sign up or sign in
© 2020 ACOTBA-SUBO