Israelfɔ Ɩlʋ 40
40
Bulu Lɔpʋ Mʋ Kanfʋ Ɩlʋ Pɔpwɛ Wa Mɩ Ɔnɔ
Dawid kanfʋ-ɩlʋ ha ɩlʋ osunapʋ.
1Nenya ɩklʋn tsia gyo Nana Bulu.
Ɔlɛyaa asʋ mɩ wa, nu mɩ asʋn, sɔ mɩ ɔnɔ.
2Olotsu mɩ lɛ lowu ɔbɔtɔ.
Ɔlɛlɛ mɩ lɛ ɔdɩba makpiitɔ.
Ɔlɔpʋ mɩ lɩɩ ɩbʋtasʋ.
Nɩ nna a, ntenya anatɩlɛ.
3Ɔlɔpʋ anɩ Bulu kanfʋ ɩlʋ pɔpwɛ wa mɩ ɔnɔ.
Aha tsɔtsɔɔtsɔ bówun nya ifu,
pʋ ansɩ dɩnka Nana Bulusʋ.
4Ansɩ igyi ɔha ánɩ́ ɔlɔpʋ ansɩ dɩnka Nana Bulusʋ,
ɔmɔpʋdɩnka ɩwɩ atsupʋ ntɛ ɩkpɩ asumpʋsʋ.
5Oo Nana Bulu, mɩ Bulu, ofula tsɔtsɔɔtsɔá fabwɛ ha mɩ,
pʋ́ atɔá fahɩɛ ha mɩ lɔdʋbɩ.
Tɔtɔ má ɩnʋá nɔ́pʋkapʋ fʋ.
Nɩ mbɛɛ, mbwii ɔnɔ blɩ mʋ́ a, ɩma ɩklatɔ.
6Atɔtɔhɛ-afɔdɩɛ mʋ́a lakpan-afɔdɩɛ tamagyi fʋ ansɩ.
Faha nawun ánɩ́ fʋtamakle mbwɩá bapʋ amʋ́ bɔ ogya-afɔdɩɛ pʋ́ lakpan-afɔdɩɛ.
7Mʋʋ nɛblɩ mbɛɛ, “Nanaa.
Nɛba bɔbwɛ fʋ ɔdwɛla,
fɛ alɩá bɔwanlɩn mɩ ɩwɩ asʋn wa fʋ asʋn wanlɩnhɛ amʋtɔ.
8Oo mɩ Bulu, ɩbʋ mɩ ɔdwɛá nɔ́bwɛ fʋ ɔdwɛla,
tsufɛ fʋ atosunahɛ ɩdɩn mɩ ɩklʋnsʋ.”
9Nada fʋ yilebwɛ ɔkan fʋ aha tsɔtsɔɔtsɔ ansɩtɔ anɩ ɔpasuatɔ.
Nana Bulu, fʋ onuto fʋyin ánɩ́ mmɔkʋkpa ɔnɔ bun.
10Mmesi fʋ yile ŋain mɩ ɩklʋntɔ.
Nɛkpalɩ fʋ ɔnɔkwalɩwa pʋ́ fʋ nkpahɔ ɩwɩ asʋn.
Mmesi fʋ ɔdwɛá ɩma ɔka pʋ́ fʋ ɔnɔkwalɩ ŋain fʋ aha tsɔtsɔɔtsɔ ansɩtɔ, anɩ ɔpasuatɔ.
11Oo Nana Bulu, mákina mɩ nwɛ wun ɛkɛkɛɛkɛ.
Ha fʋ ɔdwɛá ɩma ɔka pʋ́ fʋ ɔnɔkwalɩ ɩkpa mɩ brɛ fɛ́ɛ́.
12Asʋn wunhɛ tsɔtsɔɔtsɔ labomli mɩ,
ɩma klatɔ.
Mɩ lakpan lamli atɔ sʋrahɛ ha mɩ.
Ɩlaha ntra mmɛdɛ atɔ wun.
Ɩtsɔ dʋn mɩ nwunsʋ-imi,
ɩlakpɔn mɩ.
13Oo Nana Bulu, tsula bɔhɔ mɩ!
Nana Bulu, wa ɔsa begyi mɩ bʋalɛ.
14Ha pɛlɩ ɩkɩta aha ánɩ́ bʋdɛ mɩ lowu kle,
amʋ́ nwun ikotsoli.
Ha aha ánɩ́ bʋdekleá bɔ́pʋ lalahɛ gyi mɩ
abʋpʋ nsʋpa yinki.
15Ha ansɩ iwu aha ánɩ́ bʋdɛ mɩ ɩwɩ asʋn blɩ bɛɛ,
“Ɛhɛɛn, ɛhɛɛn, anɩlanya mʋ!”
16Tamɛ ha ɩwɩ ɩsankɩ aha ánɩ́ bʋtodunka fʋ fɛ́ɛ́,
abʋnya fʋ ɩwɩ ansigyi.
Ansɩ igyi aha ánɩ́ fʋ nkpahɔ legyi amʋ́ ansɩ,
abʋkplʋn blɩ lablɩ bɛɛ, “Nana Bulu lomoni!”
17Mɩ mʋ́ a, ohiani ngyi, mma tɔtɔ.
Bulu, gywɩɩn mɩ ɩwɩ.
Mɩ Bulu, fʋgyi mɩ bʋalɛ ogyipʋ pʋ́ mɩ ɔlɛpʋ.
Mási tsia mʋ́sʋ.
Currently Selected:
Israelfɔ Ɩlʋ 40: nko
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
