Dô‑ꞌhăn 15

Chảu ꞌGiê‑ꞌsu pên ꞌsướng cốc ꞌchứa mák ít ꞌtẹ

1Chảu ꞌGiê‑ꞌsu ꞌvạu máư#ꞌva: “ꞌHáu pên ꞌsướng cốc ꞌchứa mák ít#ꞌtẹ, Chảu ꞌPo ꞌháu pên ꞌsướng phủ đu#suôn. 2Kính đaư ꞌhuôm cốc báu#pên#mák, Chảu ꞌPo ꞌcọ tắt#sia. Kính đaư pên#mák, ꞌTan chảu tắt ꞌsán sia hảư pên mák lai#tứm. 3Chaư ꞌpứng ꞌnọng ꞌcọ ꞌpẹk saư ꞌlẹo ꞌdọn ꞌquám ꞌháu đảy bók son ꞌmá#ꞌnặn. 4Hảư dú ꞌhuôm#ꞌháu, ꞌháu ꞌcọ ꞌchí dú ꞌhuôm ꞌpứng#ꞌnọng. Sủ ꞌsướng kính ꞌchứa mák ít báu#hák pên mák#đảy, ꞌmí ꞌto tó dú ꞌhuôm cốc chắng ꞌmí mák#đảy. ꞌSướng ꞌnặn#lo, ꞌpứng ꞌnọng dú ꞌhuôm#ꞌháu, chắng đảy ꞌláng đi ꞌmá sú Chảu Pua ꞌPhạ. 5ꞌHáu pên ꞌsướng cốc ꞌchứa mák#ít, ꞌpứng ꞌnọng lỏ#ꞌsướng kính#ꞌmắn. Phủ đaư dú ꞌhuôm#ꞌháu, ꞌháu ꞌcọ dú ꞌhuôm#sau, ꞌmen phủ ꞌnặn lo ꞌmí lai ꞌláng đi ꞌmá sú Chảu Pua#ꞌPhạ. Báu#ꞌmí#ꞌháu, ꞌpứng ꞌnọng hák ꞌchí ꞌdệt săng báu#đảy. 6ꞌVa phủ đaư hák báu#dú ꞌhuôm#ꞌháu, phủ ꞌnặn ꞌcọ ꞌchí pên ꞌsướng kính cản đảy tắt thỉm héo lương pay ꞌlẹo ꞌcọ kếp sáư ꞌpháy phau#sia. 7ꞌVa ꞌpứng ꞌnọng dú ꞌhuôm ꞌháu ꞌlẹo ꞌcọ chứ chăm ꞌquám ꞌháu#ꞌvạy, ꞌpứng ꞌnọng é đảy săng hảư đé so nẳng Chảu Pua ꞌPhạ ꞌcọ ꞌchí đảy ꞌsướng ꞌláng#áo. 8ꞌVa ꞌpứng ꞌnọng ꞌmí lai ꞌláng đi ꞌmá sú Chảu ꞌPo#ꞌháu, pên ꞌluống hảư ꞌchư siêng Chảu ꞌPo ꞌháu đảy ꞌhung#ꞌhướng, ꞌcốn ꞌtếng lai chắng ꞌhụ chắc ꞌpứng ꞌnọng pên ꞌcốn ꞌtoi ꞌtáng ꞌháu#ꞌtẹ.

9Chảu ꞌPo ꞌhặc ꞌháu ꞌsướng#đaư, ꞌháu ꞌcọ ꞌhặc ꞌpứng ꞌnọng ꞌsướng#ꞌnặn. Hảư mẳn chaư cắp ꞌquám ꞌhặc khong#ꞌháu. 10ꞌVa ꞌpứng ꞌnọng ꞌphắng ꞌquám ꞌháu đảy bók#ꞌvạy, ꞌpứng ꞌnọng ꞌcọ ꞌchí mẳn chaư cắp ꞌquám ꞌhặc khong#ꞌháu, ꞌsướng ꞌháu ꞌphắng ꞌquám Chảu ꞌPo ꞌháu đảy bók#ꞌvạy, ꞌháu ꞌcọ mẳn chaư cắp ꞌquám ꞌhặc khong ꞌTan chảu ꞌnặn#lo.

11ꞌPứng ꞌquám ꞌnị ꞌháu đảy bók ꞌpứng ꞌnọng ꞌpưa hảư ꞌquám ꞌmuôn hom ꞌháu dú nẳng ꞌpứng#ꞌnọng, ꞌlẹo ꞌquám ꞌmuôn hom ꞌpứng ꞌnọng chắng ꞌchí đảy sôm mốc ꞌmá#chaư. 12ꞌQuám sắng ꞌháu hảư ꞌpứng ꞌnọng ꞌhặc căn ꞌsướng ꞌháu ꞌhặc ꞌpứng ꞌnọng#ꞌnặn. 13Báu#ꞌmí ꞌquám ꞌhặc đaư nháư ꞌsứa ꞌquám ꞌhặc phủ ꞌchịu ꞌváng sia ꞌchua chảu ꞌpưa ꞌpi ꞌnọng sính#ꞌcu. 14ꞌVa ꞌpứng ꞌnọng ꞌdệt ꞌtoi ꞌquám ꞌháu đảy bók ꞌvạy#ꞌnặn, ꞌcọ pên ꞌpi ꞌnọng sính ꞌcu ꞌháu#ꞌtẹ. 15ꞌKhạy pay#nả, ꞌháu báu#khék ꞌpứng ꞌnọng ꞌva báo#ꞌchạư. Báo ꞌchạư báu#ꞌhụ chắc chảu ꞌhướn ꞌmắn ꞌdệt#săng. ꞌHáu khék ꞌpứng ꞌnọng ꞌva sính#ꞌcu, ꞌpưa#ꞌva ꞌháu đảy ꞌnghín nẳng Chảu ꞌPo ꞌháu ꞌcọ đảy bók ꞌpứng ꞌnọng ꞌhụ#mết ꞌchu#ꞌnéo. 16Báu#ꞌmen ꞌpứng ꞌnọng đảy ꞌlưạk au#ꞌháu, ꞌmen ꞌháu đảy ꞌlưạk au ꞌlẹo téng ꞌpứng ꞌnọng ꞌvạy ók pay đảy ꞌláng đi ꞌnéo báu#ꞌhụ ꞌhuội ꞌmá sú#ꞌháu. ꞌLẹo ꞌpứng ꞌnọng au ꞌchư siêng ꞌháu so săng nẳng Chảu#ꞌPo, ꞌTan chảu ꞌcọ ꞌchí#hảư. 17ꞌHáu au ꞌquám sắng ꞌmá bók ꞌpứng#ꞌnọng, hảư ꞌhặc#căn.”

ꞌCốn phái ꞌmướng ꞌlum ꞌchắng ꞌcốn ꞌtoi ꞌtáng Chảu ꞌGiê‑ꞌsu

18Chảu ꞌGiê‑ꞌsu ꞌvạu máư: “ꞌCốn phái ꞌmướng ꞌlum ꞌchắng ꞌpứng#ꞌnọng, hảư ꞌpứng ꞌnọng#ꞌhụ, sau hák ꞌchắng ꞌháu cón#ꞌlẹo. 19ꞌVa ꞌpứng ꞌnọng pên phái ꞌmướng#ꞌlum, ꞌcốn phái ꞌmướng ꞌlum ꞌcọ ꞌchí ꞌhặc ꞌpứng ꞌnọng ꞌsướng sau ꞌhặc căn ꞌnặn#lo. Hák#ꞌva ꞌháu đảy ꞌlưạk au ꞌpứng ꞌnọng ók sia#sau, ꞌkhạy ꞌpứng ꞌnọng báu#ꞌmen phái ꞌmướng ꞌlum#ꞌlẹo, ꞌsướng ꞌnặn lo ꞌcốn phái ꞌmướng ꞌlum chắng ꞌhiạk ꞌchắng ꞌpứng#ꞌnọng. 20Hảư ngắm ꞌhọt ꞌquám ꞌháu đảy bók ꞌpứng ꞌnọng#ꞌva, ‘ꞌCốn ꞌhướn báu#hón nháư ꞌsứa chảu#ꞌhướn.’ ꞌSướng ꞌnặn#lo, ꞌcốn phái ꞌmướng ꞌlum ꞌnạp têng#ꞌháu, sau ꞌcọ ꞌchí ꞌnạp têng ꞌpứng#ꞌnọng. ꞌVa sau ꞌphắng ꞌquám#ꞌháu, sau ꞌcọ ꞌchí ꞌphắng ꞌquám ꞌpứng ꞌnọng ꞌsướng#điêu. 21ꞌPứng ꞌnọng pên ꞌcốn khong#ꞌháu, sau chắng ꞌchí ꞌdệt ꞌhại ꞌnéo ꞌnặn hảư ꞌpứng#ꞌnọng, ꞌpưa#ꞌva sau báu#ꞌhụ chắc Chảu Pua ꞌPhạ phủ sống ꞌháu#ꞌmá. 22ꞌVa ꞌháu báu#đảy ꞌmá bók son#sau, sau ꞌchí báu#ꞌmí ꞌsội#săng. ꞌKhạy sau báu#ꞌmí ꞌsướng đaư hák thiêng sia báp ꞌsội sau#đảy. 23Phủ đaư ꞌchắng ꞌháu ꞌcọ ꞌchắng ꞌtếng#cá Chảu ꞌPo#ꞌháu. 24ꞌHáu ꞌdệt ꞌpứng ꞌviạk lák tó nả hảư sau#hên, ꞌnéo báu#ꞌkhới ꞌmí phaư#ꞌdệt. ꞌVa báu#ꞌsịn, sau ꞌchí báu#ꞌmí ꞌsội#săng. ꞌKhạy sau đảy hên ꞌpứng ꞌviạk ꞌháu ꞌdệt#ꞌlẹo, sau ꞌnhắng ꞌchắng ꞌháu ꞌtếng#cá Chảu ꞌPo#ꞌháu. 25ꞌViạk ꞌnị ꞌcọ ꞌpưa hảư pên ók ꞌtoi ꞌquám đảy tẻm ꞌchiến ꞌvạy nẳng ꞌluột ꞌláng Chảu Pua ꞌPhạ téng hảư sau ꞌnặn#ꞌva, ‘Sau đảy ꞌchắng ꞌháu ꞌnéo báu#ꞌmí săng#ảng.’

26ꞌHáu ꞌchí sống ꞌTan phủ tủm ꞌpúa ꞌmá té Chảu ꞌPo ꞌpưa ꞌchoi ꞌpứng#ꞌnọng, ꞌmen Chảu Khuôn Saư phủ uôn ꞌpá ꞌluống ꞌtáng ꞌmen#ꞌtẹ. ꞌChớ ꞌnặn Chảu Khuôn Saư ꞌchí pên chứng hảư#ꞌháu. 27ꞌPứng ꞌnọng ꞌcọ ꞌchí pên chứng ꞌsướng#điêu, ꞌpưa#ꞌva ꞌpứng ꞌnọng dú nẳng ꞌháu té cốc té pai#ꞌmá.”

Currently Selected:

Dô‑ꞌhăn 15: bltTDM

Highlight

Copy