ALA IROM 4:16

Ịnyị a du ká ọ-họ jịra nya ọnụ ọmyịmyị nya Ohe Oluhye ọọwa oyeye, do pịlẹ u-uhye nya ọmyịmyị ọlala kem lẹlẹ. Ọlịnyị, chajị kọ ka la gbadaa yẹkẹẹ, ọnụ ọmyịmyị ọọwa nyị ri ang ọgahị ododu ọlẹ ká Ohe Oluhye nyị hunọ ha anyị nya Ebiraham wuu. Ọlịnyị, chajị ká ọ-họ jịra nya ọnụ ọmyịmyị nya Ohe Oluhye ọọwa á ka ri ang omeme la angị juwa ju ihi nya ehile nya Ohe Oluhye kem kaka. Ma, chajị ká angịlẹ wuu kị juwa kpa ọkịlẹtụ nyaa wuu myị la Ohe Oluhye lala Ebiraham ka jẹ́-ẹ ye ọ-họ jịra nya ọnụ ọmyịmyị ọọwa lẹ. Chajị, Ebiraham a ri adịda nyahị ahị, angị myị la Ohe Oluhye wuu tụchawụlẹ lẹ!