OHÚTU 5
5
Aipɔ́ɔma kú Ádām
1 #
Ohút 1.27,28 Aɛ́nyā wɛ aípɔ́ɔma kú Ádām á. Eko nɛ̄ Ɔwɔicō yá alɛɛcɛ á, ó ya uwā gbla īyī nū 2#Umát 19.4; Umák 10.6Ó yā uwā ɔ̄cɛnyīlɔ mɛ́mla ɔ̄cɛnyā. Ó le ɔhā hɛ́ ce uwá, anɔ́ɔ ó hī uwā ka ɔlɛɛcɛ á. 3Eko nɛ Ádām le pīya iháyí ɔfu ɛhīlī ce igwó ā, ó le ɔyí ɔ̄cɛnyīlɔ ɔhá nōo kē gbla anú ā ma. Ó le iyē ce ɔ́ lé ka Usɛ́ti. 4Igbīhi ɛ̄nyā ā, Ádām klla lɛ iháyí úlā ɛpa ɔhá lé. Ó lɛ ayínɔ̄nyīlɔ mɛ́mla ayínɔ̄nyā ɔhá dúú. 5Anɔ́ɔ ó gekwú eko nōó le pīya iháyí úlā ɛpa ce ofu ɛhīlī ce igwó ā á.
6Eko nɛ̄ Usɛ̄ti le pīya iháyí ofɛhɔ̄ ce ɛhɔ̄ ā, ó le ɔyínɔ̄yīlɔ éyi lɛ nɛ̄ iyē nū lé ka Ɛ́nɔ̄ss. 7Ó klla le iháyí úlā ɛpa ce ahāapa kpɔ́. Ó lɛ ayínɔ̄nyīlɔ mɛ́mla ayínɔ̄nyā ɔhá dúú. 8Anɔ́ɔ ó gekwú, eko nōó le pīya iháyí úlā ɛpa ce ofɛhɔ̄ ce igwɛ́ɛpa ā á.
9Eko nɛ Ɛ́nɔ̄ss le pīya iháyí ofu ɛnɛ cigwó ā, ó lɛ ɔyīnɔ̄nyilɔ éyi lɛ nōó hī ka Ukɛnán. 10Anɔ́ɔ ó klla yēeyī iháyí úla ɛpa ce igwó ɛhɔ̄ kpɔ́ á. Ó le ayínɔ̄nyīlɔ mɛ́mla ayínɔ̄nyā ɔhā dúú. 11Anɔ́ɔ ó gekwú, eko nōó le pīya iháyí úlā ɛpa ce ofɛhɔ̄ ce ɛhɔ̄ ā á.
12Eko nɛ Ukɛnán le pīya iháyí ofu ɛtá ce igwó ā, ó le ɔyínɔ̄nyīlɔ éyi lɛ nōo lé ka Umahálálɛ̄ɛlu. 13Anɔ́ɔ ó klla yēeyī iháyí úla ɛpa ce ofɛpa kpɔ́ á. Ó lɛ ayínɔ̄nyīlɔ mɛ́mla ayínɔ̄nyā ɔhá dúú. 14Anɔ́ɔ ó gekwú, eko nōó le pīya iháyí úla ɛpa ce ofɛhɔ̄ ce igwó ā á.
15Eko nɛ̄ Umahālálɛ̄ɛlu wɛ iháyí ofɛtá ce ɛhɔ̄ ā, ó le ɔyīnɔ̄nyīlɔ éyi lɛ nōo lé ka Ujárɛ̄ɛdi. 16Anɔ́ɔ ó klla yēeyī iháyí úla ɛpa ce ofuciigwó ɔhá kpɔ́ á. Ó lɛ ayínɔ̄nyīlɔ mɛ́mla ayínɔ̄nyā ɔhā dúú. 17Anɔ́ɔ ó gekwú eko nōó le pīya iháyí úla ɛpa ce ofɛnɛ ce igwɛ́ɛhɔ̄ ā.
18Eko nɛ Ujárɛ̄ɛdi wɛ iháyí ofahātá ce ɛpa ā, ó le ɔyīnɔ̄nyīlɔ éyi lɛ nōo lé ka Ɛ́nɔ̄ku. 19Ó klla yēeyī iháyí úlā ɛpa ɔhā kpɔ́. Ó lɛ ayínɔ̄nyīlɔ mɛ́mla ayínɔ̄nyā ɔhá dúú. 20Anɔ́ɔ ó gekwú eko nōó le pīya iháyí úlā ɛpa ce ofɛhīlī ce ɛpa ā á.
21Eko nɛ Ɛ́nɔ̄ku wɛ iháyí ofɛtá ce ɛhɔ̄ ā, ó le ɔyínɔ̄nyīlɔ éyi lɛ nōo lé ka Umɛtúsɛ̄la. 22Igbīhi ɛ̄nyā, Ɛ́nɔ̄k yɛ́ɛma klla létɔ̄há mla Ɔwɔicō iháyí ofu igwɛ́ɛhɔ̄. Ó lɛ ayínɔ̄nyīlɔ mɛ́mla ayínɔ̄nyā ɔhá dúú. 23Ó yēeyī iháyí ofigwáahātá ce ɛhɔ̄. 24#Uhíb 11.5; Ujúd 1.14Ɛ́nɔ̄ku létɔ̄há mla Ɔwɔicō lɔɔlɔhi, anɔ́ɔ ó gebítāajɛ á, ohígbū ka Ɔwɔicō kwú ɔ̄ ú nyɔ̄ oyēeyī.
25Eko nɛ̄ Umɛtúsɛ̄la wɛ iháyí ofahāanɛ ce ahāapa ā, ó lɛ ɔyínɔ̄nyīlɔ éyi lɛ nōó hī ka Ulámɛ̄ki. 26Anɔ́ɔ ó klla yēeyī iháyí úlā ce ofigwáahāanɛ ce ɛpa ɔhá kpɔ́ á. Ó le ayínɔ̄nyīlɔ mɛ́mla ayínɔ̄nyā ɔhá dúú. 27Anɔ́ɔ ó gekwú eko nōó le pīya iháyí úlā ɛpa ce ofahātá ce ahāanɛ ā á.
28Eko nɛ̄ Ulámɛ̄ki wɛ iháyí ofahāanɛ ce ɛpa ā, ó le ɔyínɔ̄nyīlɔ éyi lɛ. 29Anɔ́ɔ ó kahíníī, “O ŋmá ajɛ nyā piíí ā nɛ̄ Óndú ā tá okónu lɛ ɔ́ ā, ɔyí nyā géē je omlɛ́nyɔ́ lɛ alɔ ŋmá úklɔ́ olɔfú kú alɔ dóódu á.” Anɔ́ɔ ó hī iyē kú ɔyí ā ka Unówa#5.29 Unówa. Ɛyí ɛ̄nyā okónu Uhíbru wɛ “owu gumiyē” 30Ulámɛ̄ki yēeyī iháyí úlā ce ofahāanɛ ce igwɛ́ɛhɔ̄ ɔhá kpɔ́. Ó le ayínɔ̄nyīlɔ mɛ́mla ayínɔ̄nyā ɔhá dúú. 31Anɔ́ɔ ó gekwú eko nōó le pīya iháyí úlā ce ofigwáahātá ce igwáahāapa āa.
32Eko nɛ̄ Unówa wɛ iháyí úlā ce ofɛhɔ̄ ā, ó le ayí ɛtá nēé hī ka, Ussɛ́m mɛ́mla Uhám mɛ́mla Ujáfɛ̄ti.
Currently Selected:
OHÚTU 5: IFBCL
Highlight
Share
Copy
Want to have your highlights saved across all your devices? Sign up or sign in
