Matthew 9
9
1La lāḵs ḵā sa‐kilīs, kās lāwītlī, gāḵ lāḵīs husāk awīnāqīs.
2A dok, gāḵ dāḵwī sa baqānum zih‐kūlum nūqa sa tlil‐gūtin, kulgwi‐zawī ḵā zā‐gītl: lī Jesus doqilāḵ ōqizā‐lazīk dāḵwas, nīk ḵā zih‐kūlum nūqa sa tlil‐gūtin, ḵwanūq, ēkīkulā‐la; kā īs yēkīnā‐yūs āḵs la mā ī qīsta‐āqā.
3A dōk, gāyūtlī lāḵā scribes nīnkī‐kulāk dāḵwa, yākpāḵ‐sta ūḵ da baqānumḵ.
4Doqila tā Jesus āḵ nīnkī‐kīk dāḵwas nīk tā, māsīs nīnkī‐kulā gītlā sa yāksamī lāk̤ūs nī‐naukīk dāḵwā kūs?
5Wīza wī da hūtla‐mātlē, lāk nīk, la mī qīsda āqīs yēkīnīk dē ūs; glū nīkī, glāḵ‐wīd, kās kās‐īda ūs?
6Kās kau‐kli‐lāk dāḵw mī lā kūs‐āḵ Ḵwanūqa sa baqānum‐ḵs tlāwī‐nūqā ī lāḵwā awīnāqīsīḵ kās qīsda mas‐īḵ yekīnā‐yī, (lā wīs gla nīk ḵā zih‐kūlum nūqa sa tlil‐gūtin,) glāḵ‐wīd, dāgūstū dāḵs zā‐gītl īḵ, kās lā ūs lāḵīs gūqa ūs.
7La glāḵ‐wīda, kās kās‐īdī lā lāḵīs gūq.
8Gil mī sī da kīnum baqānum doḵ‐wāklila ḵīk, lāk dāḵw ḵunyā sīs naukā‐yī, lāk dāḵw umyāḵ‐īduḵ God, yiḵī da zawya sī da tlāwā‐yī lāḵ baqānum.
9¶ Wa yiḵs lā ī Jesus gēh‐īda āgūtl lāḵīk, la dōḵ‐wāklilā ḵā baqānum glīkādis Matthew, qātla lāḵā hātlāka‐lazī gūqa; la nīk yuk, lēgīla gāḵun: la glāḵ‐wīda, kās lāskum‐ā yīk.
10Wa yiḵs lā ī Jesus qa‐ītl hamāp lāḵā gūq, dōk, kīnum hī‐hātlā‐kulilgis gla wa yā‐īksamī gāḵ kās qāh‐īdī glū Jesus gla wīs disciples.
11Lī da Pharisees doqilāk nīk yuk disciples as, māzī hamāp‐ītlā sūs gīkumā‐yā kūs gla wūḵ da hī‐hātlā‐kulilgis gla wa yā‐īksamīḵ?
12Lā tā Jesus wud‐klilāk, la nīkya, yiḵī da ēk‐mā kīsa‐ī uḵ‐īḵs duḵ patīnūḵ, hīyhā‐mī da zih‐kā.
13Halā gih dāḵw‐la kākōklā ḵīk, uḵ‐īḵsdin klāḵ wīwāḵ‐bazā‐lāzī, kīs tin klāḵ sacrifice: kāḵ gin kīsik gāḵ kun klīlā‐līḵ ēkī baqānum, hī dī dā yā‐īksamī kās qēstī lāk God.
14¶ Wa gāḵ‐īda lāk disciples as John, nīkya, māzunūh gla wa Pharisees qātl‐qinālā gītlā unūh fast, la tūḵs disciples ā kūs kīs fast?
15La nīkī Jesus lāk dāḵwuk, qāsā um lāḵā ī glīgla‐glaulē sa tlāwunum, yiḵs kapētlāk dēḵ mā ī gla wī? la mīs glī gāḵ um klī da nālā kla, yiḵ lāk dum kla sa tlāwunum uḵ‐īd tsū‐kl lāk, lāk dāḵw‐kl wīs gla fast‐kl.
16Lā tā kīyōs numūq pāḵ‐wīdis ālūmas yāwā‐bazū zis lāḵā la kētla kūḵ‐zau‐yā, kā ī da pāḵw‐stū da yauḵs nīḵā ā ḵā kūḵ‐zau‐yī, kās lē kunkla masuk qāpēs.
17Kīs um ḵa ā wīs uḵ‐zū ya‐wī da ātl‐kīnas wine lāḵā lā kētla qaziskum: kō yumtl za lāḵ‐īda qaziskum, lā la ḵī da wine wotlzaula lāḵ, lā klī da qaziskum yāksumh‐īda: la glā tā uḵ‐zū ya‐wī da ātl‐kīnas wine lāḵā ālūmas qaziskum‐a, la mīs numālā‐umḵs mātlāī kīyos yāgāsā.
18¶ Yiḵs lā ī yākun‐tāla gilītl zīḵ lāk dāḵwuk, dok, gāḵ gāḵ‐īklī da gīkumā‐ya sa hawāḵ‐ulazī, kās umyāḵ‐īdīk, nīkya, ātl‐mī tlilin ḵwanūq dē: kīla kās pīh‐wīda ūsā sūs āyasau kūs lāk, la mīs qilā‐kl.
19La glāḵ‐wīdī Jesus, kās lāskumā yīk, hīum ḵa ā wīs qīh‐īdī disciples as.
20A dōḵā zadāk, yiḵā ulkyaula sa‐wī ḵā la mātl‐unḵa‐giyū gwīla, gāḵ awīgindā‐lāk, kās pāgā‐āklilēḵ kūḵ‐zauyas:
21Kā īḵs nīnkī‐kulā‐ī qalīx‐ma, gil mī lāḵ gin au‐um lāḵ pāgā‐āklilā‐lā ḵuḵ kūḵ‐zau‐yas, lā klin ēk‐īdamā tsū‐kl.
22Lī Jesus yhil‐puls, lā dōḵ‐wāklilāk, nīkya, ḵwanūq ēkīkulā‐la, yiḵūs ōqizā‐lazīḵ qāqila ā qil‐ūtl: lī da zadāk hīh‐īda um ēk‐īda.
23Gāḵī Jesus la‐īkl lāḵ gūqa sa gīkumāyī, la dōḵ‐wāklilāk dāḵw ḵā sātla, hī mī sa kīnum baqānum hāzuḵs‐tāla,
24Nīkya, mūqātla las: kā ōḵ da zāzādākumḵs kīsa īḵ tlilā, au ma īḵ mīḵā: lāk dāḵw dās‐datlas.
25Gil mī sa kīnum baqānum yālākā‐wilzamā, lā la‐īkla, kās dābātl‐zānin dēk, lī da zāzā‐dākum glāḵ‐wīdā.
26Lā zītl‐wāl lāḵā nāwhā awī‐nāqīsā.
27¶ Yiḵs lā ī Jesus bōs, mālūq tī da pī‐papās bī‐baqānum lēgīḵ, hāsil nīkya, yūtl ḵwanūqs David wōs la yhinūh.
28Gil mīs gāḵ‐īkl lāḵā gūq, gāḵī da pī‐papās bī‐baqānum lāk: la nīkī Jesus lāk dāḵw, oqis masin ēk‐īdā‐mas dāḵw ūtla? lāk dāḵw nīk yuk, kēgl, Adē.
29La pāstū dā lāḵ kī‐kayākus as, nīkya, hī um klī qīh‐īd klīs la‐īnāyūs oqisā.
30Lāk dāḵwī kī‐kayākus as dih‐īda; lī Jesus tlaqatā lāk, nīkya, yāklaula kā kīyos īs numūq kauklilāq.
31Au mīs lāk dāḵw, pātl‐dihīdā‐masuk zītl‐wuk klinas lāḵā nāwhā awī‐nāqīs.
32¶ Yiḵs lāk dāḵwī gada la lēlēlā‐gilīsa, dok, gāḵ dāḵwī sa umḵo baqānum lāk uḵnūgwādisā demon.
33Gil mī sa demon lāwē‐yau, lī da baqānum yāka‐gātl: wa lī da kīnum baqānum ḵunyā‐yālas, nīkya, kīsīk dīḵ dōqilī‐nūḵ lāḵ Israel.
34Lā tī da Pharisees nīkya gawātlūḵs gīkumā‐ya sa demons lāwēlā‐masītl tsū ḵwā demons.
35¶ Lēlēlā‐gilīsī Jesus lāḵā nāwhā tītown‐a gla wa umumā‐yī town‐a, kākō‐klā mas lāḵ hī‐hawāḵ‐ulāzīk dāḵwas, yisa ēk wātldum sa īkē awī‐nāqīs, ēgya‐nāqilā masuḵ nāwhā zih‐kūlumā gla wa nāwhā zī‐zāh‐kūlumā.
36La doqilā ḵā kīnum bī‐baqānum, la wōs‐ts, kāk dāḵwuḵs ḵunklī‐kulā‐ī, hī mī sīs gwī‐gwatlā‐tlā‐īnīk dāḵw kīs kākīskum‐ī sa‐wa, hī qīx ūḵ lāmadūḵ kīyōs aāḵsīlāk.
37La nīk ḵīs disciples, aula kyas au īḵ kīnum ūḵ da harvest, la tūḵ hūlatlūḵ da ī‐āḵulilgisīḵ;
38Hawāḵ‐ulāla ḵā Gīkumā‐ya sa harvest, kā yālā‐kētl tsīḵ ī‐āḵulilgisā lāḵīs harvest.
Currently Selected:
Matthew 9: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
