Luke 2
2
1Wa hī mīs lāh dum sa wātldum ī gāyūtl lāḵ Cæsar Augustus kā wīlīsī da awīnāgwīsī hūsā sa wa.
2Yiḵ gil bund sa wās Cyrenius lāḵīs gīkumīh dum as Syria.
3La wīlā lā, kās hūsā sa wī, nāhwā bagwānum lāḵīs gīgāyūlas gūqila.
4Lī Joseph lāgūstau gehīd lāḵ Galilee, lāḵ gūqiles Nazareth, lā lāḵ Judæa, lāḵ gūqiles David, yiḵā glīkādes Bethlehem, kā īḵs gāyimwe ī lāḵ ulses David.
5Kās hūsā sa wī gla wīs gayūtlī kunum Mary, yiḵs lā ī punklā sa ginānum.
6La mī sī, lāḵ wāwāyas dāḵwās, lastūdī māyūtl dum klas.
7La gāḵau matsīs gālī bagwānum ḵwanūq, la kūḵzūd sa gilsgiltā qītlqela lāḵ, lā qilzūdis lāḵ hāmaāze sa mūsmūsa; kā īḵs kīyosa ī uḵās lāḵā qālasī.
8Wa hī mīs uḵās ḵa ā sa īaāḵsīle ḵā lāmādū ī lāḵā kīdagwīsī, dūqātlā yeklau ḵīs lāmādū ḵā kānūklī.
9Wa doḵ, ḵā paglum nūqā sa Ike Gīkumī gāḵ lāh dāḵwuk, lī da egālazī sa Gīkumāyī quḵsīstālāh dāḵwuk; lāh dāḵw aul kitl‐īda.
10Lī da paglum nūq nīk dāḵwuk, qālā kitlilūkl: kāḵ gin gāḵī gā sa ekī zikialum walas ekīkulāyūkl‐ts nāhwa bībagwānum.
11Kā īḵs māyūglum ā lūkl ḵwā nālāḵ lāḵ gūqiles David ḵā Qāqilā‐īnūḵ yiḵā Christ ā yiḵā Gīkumāyā.
12Ga mīs k̤ākālā gītl lūkl; la ums khā‐kl ḵā ginānum ā kūḵzaulā ḵā gilsgiltā qītlqela, qilzauḵ hāmaāze sa mūsmūsa.
13Wa lā ūdāhīdī da kīnum ī pīpaglum nūq sa Ikī gla wa paglum nūq zilwākatawī ḵā Ike Gīkumī, nīkia,
14Zilwāḵ klin lāḵ Gīkumāya sa Ikiākāwāyī, hī mīs nīnākakule lāḵā esekī bībagwānum.
15La mī sī sīḵs lā ī da pīpaglum nūq bos lā lāḵā Ikī, lā ī da īaāḵsīlā ḵā lāmādū nīkia‐yā‐pālā, wī hyints kunts lā unts lāḵ Bethlehem, kunts dūḵwīdīḵ, gāḵā k̤ālamazum sa Ike Gīkumī gāḵunts.
16Lāh dāḵw gāḵ yāyānā, la khā‐kl Mary glū Joseph gla wa ginānum qilzau ḵa hāmaāzī sa mūsmūs.
17Gil mīs dūḵwāklilāk, lāh dāḵw k̤ālā matsa wātldum lāh dāḵwuk qāqīxālā lāḵa ginānum ī.
18Lī da nāhwā wūklilāk ḵunyasa sa wātldum ī nīlum sa īaāḵsīle ḵā lāmādū.
19La mīs glī Mary āḵīlā ḵā nāhwā kās gīgaīkulīḵ lāḵīs naukāyī.
20Lī da īaāḵsīle ḵā lāmādū āīdaākā, ekīkatawī glū zilwākatawī ḵā Ike Gīkumī kā īs nāhwā wūglitl glū dūqitla, nīlum lāh dāḵwuk.
21Wa yiḵs lā ī lastūd lāḵā mātlgwanātl pun hwās ḵā glīk̤unḵ ḵā ginānum, lā glīḵīd sūs Jesus, yiḵ glīḵīdāyau sa paglum nūqī lāk, kīḵs kīs mā ī kāpīmatsūh da.
22Gil mīs lastūd lāḵ lāh dum as Mary qātl ḵīs āīkīla īnāyī lāḵ wātldum ūtlas Moses, lāh dāḵws lāḵ Jerusalem, kās zawes lāḵā Ike Gīkumāya,
23(Kā īḵs kiaduqā ī lāḵ wātlduma sa Ike Gīkumāya, yiḵā nāhwā bagwānum ginānum gālauyū glīkula sū klis eki lāḵā Ike Gīkumāya,)
24Glū kās zawe sa yāqum ī lāḵ watldum as kiaduqā sa Gīkumāya, ḵā mātlī hamū glū ātl‐ūgwila lāḵā.
25Wa doḵ, ḵā bagwānum ī lāḵ Jerusalem, yiḵā glīkādis Simeon; ek bagwānum dādūqātla ḵā hītlilḵ‐īdāyū klas Israel: lī da Holy Spirit gāḵ lāk.
26La mīs nīlum lāk yisa Holy Spirit, tāḵs kīs mī klī dūḵwāklilā kluḵ wānumgīla yiḵs kīs mī klī dūḵwāklilā‐kl ḵā Christā sa Gīkumāyī.
27La gāḵ‐yū sa Spirit lāḵā umyāḵulazī: gil mī sī gīgaūtl nūqa sa ginānum ī Jesus gāḵītl‐ts kās hī qelī wātlduma sa kiaduqī kā ī,
28La kutlīduk lāḵīs āyasū, la mūlā sa Ike Gīkumāya, nīkia,
Nunc Dimittis
Luke 2:29-32
29A Gī, wīga hyī gās hīlūbātlzanī gūs ek um lā mīḵīda,
lāḵīs wātldum ūs:
30Kā gin kayākus gāḵs,
la mīg dūḵwāklīlāḵ gas qāqila gūs,
31Yiḵ gās qātlilā mūtl gūs uḵe,
gālākumālītsūḵ nāhwāḵ līlqilāklayā;
32Nāqātl kā nītl‐īd ḵā ūgwuḵsa‐māq,
glū ekīkum ḵa ā sīs līlqilāklayūsī Israel.
33Lī Joseph glū abumpas ḵunyāsas gada wātldumk wātldums.
34Lī Simon zilwākāh dāḵwuk, la nīk yiḵ Mary abumpas, doḵ gada ginānumk uḵī kā klīhyes glū kās ītūstaulīsī kluḵ kīnum ī lāḵ Israel, glū kās māmātl‐tīgāyī yiḵā yākuntā sū klī.
35(Kegl, la um ḵa ā wīs klunkum‐saula sū klūs bahwanāyā kūsas qīḵāyū) kā nīlum īs nīnkīkāyā sa kīnum klā nīnaukī‐kl.
36La mīs numūqī da Anna kla, nāwālāqā, yiḵ ḵwanūqas Phanuel as gūqilūt as Aser: yiḵā la kītla zidāk, la mīs tlāwāda aglabūḵ unḵīla gegiklil lāḵīs kīyālāh dum ūtlī;
37La mīs kakiausā, lā tā nānumh‐sūqā sa mūḵ unḵīla qīses, yiḵā kīsī aula‐um bohboqā sa umyāḵulazī, la mīs āḵīlā ḵā Ike Gīkumī hawāḵulā hīmunātla um ḵūḵ kākanūklīḵ gla wūḵ nīnālāḵ.
38La mīs nākumkiā gāḵīklilā, la mūmulkigātl ūgwākā lāḵā Gīkumāyī, la qāqīxāl lāk lāḵā nāhwā dādūqālāḵ kā ītūstaulī sa klāḵ Jerusalem.
39Gil mīs qātl wīlāḵ qayau sa kiaduqā sa Gīkumāyī, lāh dāḵw āīdaākā lāḵ Galilee, lāḵīs husī gūqilī Nazareth.
40Lī da ginānum qāḵā la tloqīmaza nāqilīs naukāyī kūtāḵ naukādālazī; la mī sī egalaze sa Ike Gīkumī kupetla gla wi.
41Hīmunātla mī sī gīgaūtl‐nūqās lāh lākiā lāḵ Jerusalem ḵūḵ nātl numḵ unḵīla lāḵā qītla sa hayākutl‐tsimāyī.
42La mīs mātla‐gīyūḵ unḵīlāḵs lāh dāḵwā ī lāḵ Jerusalem lāḵ qīgīlas asa qītlī.
43Wa gil mīs qilastū mas ḵīs wāwāsatla ās zīmāsī, lāh dāḵw āīdaākā, la mīs glī da ginānum Jesus ḵakiā lāḵ Jerusalem; kīs khātl‐ts Joseph glū abumpas.
44Lā glā tā nīnkīkula umḵ gīkī ḵā numīmaula, lah daḵw num pun hwās kāsāḵs; lā ī ālīh‐īduk lāḵis glīglaglaula gla wīs māumtl‐tetlī:
45Gil mīs kīs khāk la āīdaākāh daḵw laḵ Jerusalem ālek.
46La mī si sīḵs la ī yūdūhw pun hwās lah daḵw khāk laḵa umyāḵulazī, qākī ḵā qulsqulyāqī k̤ākūklāmas, hūklīlāh daḵwuk glū wāklīlelāk.
47Lī da nāhwā wūklilāk ḵunyasas āyūses glū nīnānāḵmāyaus.
48Gilh daḵw mīs dūḵwāklilāk la k̤āyāḵās: lī abumpas nīk yik, Kwanūq, mā zīs hī gītla ūs qīgīlā gākunūhw? doḵ ga ausih gla wun ālī yūkl wīwoza‐tauya.
49La nīk lah daḵwuk, mā zīs āle gītla gāḵun? īsas kauklilā gin uḵālāsī gāḵ īāḵīnāya sin Umpa?
50Lah dāḵw kīs āyūsilāḵ wātldum as lah daḵwuk.
51La mīs lā ḵā glūh daḵwī, la gaḵ laḵ Nazareth, la nānākīgīlelāh daḵwuk: lā glā tā abumpas āḵīlā ḵā nāhwā wātldum lākīs naukāyī.
52Lī Jesus kīnāqilīs naukādālazī glū qāḵā, lā ḵād ek gla wa Ike Gīkumī glū bagwānum.
Currently Selected:
Luke 2: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
