Luke 14
14
1Wa yiḵs la ī la‐īkl laḵa gūqa sa numūqī laḵ hīhānāgaze sa Pharisees ḵā sabbath kās humāpī, lah daḵw dūqātlāk.
2Wa, dok, numūqī da bagwānum hī gāḵ lī nukumā lītlas uḵ‐nūgwād tsa zihk̤ūlum.
3Lī Jesus nānāḵmī yākugātl ḵā lī‐lawyer gla wa Pharisees, nīkia, ek ma ī kās hītlāh duma ī da sabbath nālā glū k̤īsā?
4Auh daḵw mīs qīklātla: la dāh‐īduk kās ek īda masīk, kās muḵ‐īdīk.
5La nīk lah daḵwuk, ungwī lah daḵwūkl uḵnūgwad klas gūdan, glū lāḵī mūsmūse qih‐ātlzau laḵ lābuqā, kās k̤īsī la nīḵ wutlzū duk laḵa sabbath nālā?
6Kīyos daḵw tā la qīhīda‐āts ītīd nānāḵmī ḵīk.
7La yākagātl tsa numāhyis dumā lah daḵw ḵī da klīlānum yiḵs la ī dūqilāḵ qayūbazīnīh daḵwā sī ḵā nīnālālītl qākiyā; nīk lah daḵwuk.
8Gil umā klīlānum sa numūq bagwānum lāḵā qīlāzumā sa hāyāsikiūhwīdī, qālā qāhīd laḵa nālīnāgwītl qākiyā; kū klīlānum laḵī māya‐untla kāwayā bagwanum lūkl klās.
9A klā gāḵ laḵī da klīlānume yūkl gla wī, nīkiūkl, zaw laḵ gada bagwanumk kā uḵ‐ātsik; we lā lāḵus māhzih‐īda lāḵ, kās lā ūs uḵ‐īd ḵā gwenāgwītl.
10Gil umā hyī glātl klīlanumḵ, lā la qāgalītl laḵa gwenāgwītl; kās gil ma ī da klīlānume yūkl gāḵā, nīkī laḵs lūkl, Ad, hāzau nānālīstālāḵ; we lā klus zilwākā sū klisa qazītl wutūs humūt‐kl.
11Kā ī da nāhwe qilīx‐um īkiātla mas ḵīs baqīnayī bunīstā matsūkl: we ḵī da qilīxmā bunātla mas ḵīs baqīnāyī īk̤īstā matsūkl.
12¶ Lā ḵa ā nīk ḵī da klilānumek, gil umā humgīlāḵ, qālā klīlālā ḵīs nīnumūqūs, glū lāḵīs nātl‐numwiyūtūs, glū lāḵīs glīglagloleyūs, gla wī da kīkukāyādī gūqilūtūs; ā kla ūgwākāh daḵw klīlālūkl, kās k̤usīda ūkl.
13Gil umā hyī glātl qīlas‐uḵ, klīlala la ḵā wīwūsīlākā, ḵā īā‐ūzagīla, ḵā qaqās, ḵā pupās:
14We lā klis mūlūlum‐kl; kā īḵs kīyosa ī qīh‐īda‐as k̤usīdūkl; la klis qunā sū‐kl laḵ qilāhīda īnī kla sa es‐uk.
15¶ Wa gil mīsī da numūqī laḵ qītlwutas wuklilā ḵīk, la ās nīkīk, ek sū‐kl wīs tī da humāp kla laḵ gīkasa sa Ike Gīkumī.
16Aumīs nīkik, wālas wūtlī qīlasī da numūq wutla bagwanum, la klīlala ḵā kīnum:
17La yalaka ḵīs hīlūbatlzanayī ḵā la zāqāḵstāla unḵ kā nīk ḵā klīlala sa wī, kīlaga; la mī da nāhwā qātlā.
18Wa lah daḵw nāhwā um numā‐k̤igātl k̤umkiala: nīkī da numūqak, kilwānum ā zin kla ḵā awīnagwīs a, la mī sin lā‐kl kun le dūḵwīd kī: wāḵ laga umas glin īs lā.
19Lī da numūq nīkia, kilwanum un kla ḵā sikiāh īdatla mūs‐mūsa, la mī sin lā‐kl gwunhīdikl kī: wāḵ la ga umās glin īs lā.
20Lī da numūq nīkia, ātl zau mun kigāda, hī mī sin kīyos‐ītl qīh‐īdaas gāḵī.
21Wa gāḵī da hīlūbātl zanāyi, nītlā ḵīs gīkumāyasīk; lī da gīkumaya sa gūq yiḵs la ī yākilītlā nīk ḵīs hīlūbātl‐zanayī, hāga hānāqīl lāwuls laḵa titl‐tihyila kāyātsa gūqilāḵ, kās gāḵa ūsā sa wīwūsīlakā, gla wa qaqās, gla wa aūzagīla, gla wa papās.
22Lī da hīlūbatl‐zanayī nīkia, Gīkumī, yiḵīs wātldumhde ūs la mī qātlā, kīs mī sūḵ kūtā.
23Lī da gīkumāyī nīk ḵā hīlūbatl‐zanayī, hulāga laḵa titl‐tihyila gla wa hīhāyagilsilas kās tloqāla ūsāk kā gāḵīs gāḵīkla, kā kūtīs gin gūqig.
24Kāḵ gin nīkī gūkl, yikīḵs kīyosī klī puḵ‐āklilā‐kl tsa klīlanumh‐de ḵun humgīlayū laḵs dek.
25¶ Wa kīmaula zī kiasā lā gla wī: la mulsīd kās nīkī lah daḵwuk,
26Gil mī laḵa sī ungwe bagwanum gāḵ lāḵ gāḵun, kās kīsī wākmūtā um ḵīs ūmp, gla wīs abump, gla wīs kunum, gla wīs sāsum, gla wīs nātl‐numwīyūt, gla wīs wīwāqā, glū qilīx‐um klīsīla ḵa ā ḵīs bagwanum īnayī, kīsā las tā nūs k̤ākukla‐matsawa.
27Yiḵ ungwe kīs qulyun‐qulā ḵīs kayūyaula, kās gaḵsumāyī gaḵun, kīsā las tā nūs k̤ākukla‐matsa‐wa.
28Ungwī lah daḵwūkl nīkia kās īk̤iskum gīlī, kīs qāgalītl ma wīs gla nānauḵsīlī ḵīs wāḵā gilīlas kla, hītl ā lā mas um kla ī kā qāqālāyū klāk.
29Kū lā lak, yiḵs la ī gilgalīsa ḵā guqdumā, kās kīyosī la qīh‐īdaas qātlā masuk, umlum lāḵ sa nāhwā dūqātlāk,
30Nīkia, wāhyik gūqīlāh‐īd gada bagwānumk, lā kīyos qīh‐īdaas qātla‐masa.
31Glū māsī gīkīnāyasī, yiḵs la ī wīnā ḵā numūq gīkumāya, kīs qāgalītl ma wīs gla kās hāwāklaulī hītlau las ma ī kās lī tātūwāla sa nukā puna lūḵsumh‐īd laḵa gāḵ klī wīnā kluk yis mātl tsim gūstau puna lūḵsumh‐īd?
32Kū kīs lāḵ, yiḵs qīsātla ma wīs gla ī da upsau, la yālakum nūq lak kas uḵ‐kialā sū nūqī lak, kās kīsī ḵūmātlilā.
33Hī um ḵa ā wīs qīx ī, yiḵ ungwe lāh daḵwūkl ḵā kīsa qīsdā‐masuḵ nāhwā uḵā, kīsā las k̤ākūklā gaḵun.
34¶ Hī mīs ekītl‐ts dumshyī: we gil um lāḵ wīs glī da dumshyī kīyo mas ḵīs qīpaās, wī dī dum‐pāyū klas?
35Kīsa ī la hītlū kā ī da awīnāgwīs gla wī da munāk tungīs; zukūdayūwī: yiḵī da puspāyū nūqā kās hūklīlayū, wīga hyī hūklīlā.
Currently Selected:
Luke 14: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
