Destpêk 25
25
Kurên Îbrahîmê Pêxember ên din
(Dîrok I, 1:32-33)
1Îbrahîm jineke din ji xwe re anî. Navê wê Qetûra bû. 2Kurên ji Qetûrayê: Zîmran, Yoqşan, Medan, Mîdyan, Yîşbaq û Şûah. 3Kurên Yoqşan: Şeva û Dedan. Ziriyeta Dedan: Aşûrî, Letûşî û Leûmî. 4Kurên Mîdyan: Eyfa, Êfer, Henox, Avîda û Êldae. Ev hemû ji Qetûrayê bûn.
5Îbrahîm her tiştê xwe ji Îshaq re hişt. 6Wî diyarî dan kurên xwe yên ku ji cariyeyên wî bûn û hê gava sax bû, ew ji Îshaq dûr kirin û ber bi rojhilat ve şandin.
Mirina Îbrahîmê Pêxember
7Bi tevahî, Îbrahîm sed û heftê û pênc sal emir kir. 8Îbrahîmê kalbûyî û ji jiyanê têrbûyî di emrekî dirêj de, ruhê xwe da, mir û gihîşt pêşiyên xwe. 9Kurên wî Îshaq û Îsmaîl ew li şikefta Maxpêlaya nêzîkî Mamreyê, di zeviya Efronê kurê Soharê Hîtîtî de veşartin. 10#Destpêk 23:3-16Îbrahîm ew zevî ji Hîtîtiyan standibû. Îbrahîm û jina wî Sara li wê derê hatin veşartin. 11Piştî mirina Îbrahîm, Xwedê kurê wî Îshaq pîroz û bereket kir. Ew li nêzîkî Beêr-Lahay-Royiyê ma.
Ziriyeta Îsmaîlê kurê Îbrahîmê Pêxember
(Dîrok I, 1:29-31)
12Qeyda ziriyeta Îsmaîlê kurê Îbrahîm ê ku ji cariyeya Sarayê, Hacera Misrî, ji Îbrahîm re çêbûbû: 13Li gorî rêza bûyîna xwe, navên kurên Îsmaîl ev in: Nevayotê nixurî, Qêdar, Adbeyêl, Mîvsam, 14Mîşma, Dûma, Massa, 15Hadad, Têma, Yetûr, Nafîş û Qêdema. 16Ev kurên Îsmaîl bûn. Navên duwanzdeh mîrên eşîran li gorî gund û warên wan li wan kiribûn. 17Bi tevahî, Îsmaîl sed û sî û heft sal emir kir, piştre ruhê xwe da, mir û gihîşt pêşiyên xwe. 18Kurên Îsmaîl ber bi Aşûrê ve ji Hawîlayê heta Şûra nêzîkî sînorê Misrê bi cih bûn. Ew li rojhilatê cihê malên hemû birayên xwe bi cih bûn.
Aqûbê Pêxember û Esawê birayê wî
19Serpêhatiya Îshaqê kurê Îbrahîm: Îbrahîm bavê Îshaq bû. 20Çaxê Îshaq xwişka Lavanê Aramî, ji Paddan-Aramê keça Betûêlê Aramî Rebeqayê ji xwe re anî, çil salî bû. 21Îshaq ji bo jina xwe ji Xudan lava kir, çimkî kordunde bû. Xudan bersiv da lavakirina Îshaq û jina wî Rebeqa bi zaro ma. 22Zarokên di zikê wê de hevdu def dan. Rebeqayê got: “Ev çi bû hat serê min?” Rabû çû ku ji Xudan li ser vê yekê bipirse. 23#Romayî 9:11-12Xudan jê re got:
“Di zikê te de du milet hene,
Wê ji bedena te du neteweyên cuda çêbin.
Wê yek ji yê din hêzdartir be,
Wê yê mezin xulamiya yê biçûk bike.”
24Çaxê dema zarokanîna wê hat, di zikê wê de cêwî hebûn. 25Yê ku pêşî çêbû sor bû û tevahiya bedena wî wekî ebayekî bipirç bû. Navê wî Esaw#25:25 Esaw bi îbranî bipirç e. danîn. 26Piştre birayê wî çêbû. Bi destê xwe bi pehniya Esaw girtibû. Loma navê wî Aqûb#25:26 Aqûb bi îbranî yê pehnîgirtî yan hîlekar e. danîn. Çaxê Rebeqayê zarok anîn, Îshaq şêst salî bû.
27Kurik mezin bûn. Esaw bû nêçîrvanekî baş ê ku ji çolan hez dike. Aqûb mirovekî bêdengê nav konan bû. 28Îshaq bêtir ji Esaw hez dikir, çimkî goştê ku wî ji nêçîrê dianî dixwar. Lê Rebeqayê ji Aqûb hez dikir.
29Rojekê, çaxê Aqûb şorbe çêdikir. Esaw ji nêçîrê hat. Birçî û westiyayî bû. 30Esaw ji Aqûb re got: “Ez lava dikim, hinek ji vê şorba sor bide min ez bixwim. Ez ji nêza ketim.” Ji ber vê yekê navê din ê Esaw bû Edom#25:30 Edom bi îbranî sor e..
31Aqûb jê re got: “Pêşî mafê xwe yê nixurîtiyê bifiroşe min.”
32Esaw got: “Tu dibînî ez ji birçîbûnê dimirim. Çi bikim ji nixurîtiyê?”
33 #
Îbranî 12:16
Lê Aqûb got: “Tu pêşî sond bixwe.” Esaw sond xwar û mafê kurê mezin firot Aqûb. 34Aqûb nan û şorbe da Esaw. Wî xwar, vexwar û rabû çû.
Bi vî awayî Esaw mafê nixurîtiya xwe biçûk dît.
Currently Selected:
Destpêk 25: KURNT
Highlight
Share
Copy
Want to have your highlights saved across all your devices? Sign up or sign in
Kurdish New Testament and Psalms + © Bible Society in Turkey, 2005.
