MARK 2

Jesu in Phalsi Khat Damsah

(Mat 9:2-8; Luk 5:17-26)

1Ni bang za ahei zaw ciengin Capernaum khuo ah ama kilekia a, inn ah ama om hi, ci thu kiza hi. 2Tuaci’n kotkhah mai nangawnah mun om nawn lo za dongin mi tampi a kikhawm uhi; tuale ama in zong amate kungah thu a hil hi. 3Tua ciengin mi pawlkhat#2:3 Gk “amate” pei-in mihing li in phalsi khat zawngin ama kungah a peipi uhi. 4Mi a tam sengin Jesu kung a tut zo lo ziehun amate in Jesu’ opna sontah innkhum a phelkhe uhi; tuale amate in a vang khat a vu zaw ciengun a lupna pheh tawh phalsi mipa a khiesuh uhi. 5Jesu in amau’ upna a mu ciengin phalsi mipa kungah, “Ka tapa aw, na mawna teng ang kimaisah zo hi,” a ci hi. 6Khum sunga a to thukham siete pawlkhat in a lungsim sung vuah, 7“Bang dinga tam mipa hici ham mawh ahei? Pasien gensie ahi hi! Pasien khat beh longal koi in mawna maisah thei ahei?” ci-in a ngaisun uhi. 8Jesu in amau’ ngaisutnate thakhatin thei pai ahi ziehin amate kungah, “Bang zieha na lungsim vua tam thute na ngaisut uh ahei? 9Phalsi mipa kungah, ‘Na mawnate kimaisah zo hi,’ ci ding le, ‘Tho-in na lupna pheh puo inlen pei in,’ ci ding koi baizaw ahei? 10Ahi vangin Mihing Tapa in leitungah mawnate maisah thei nading thu a nei lam note in na thei nadingun ama in phalsi mipa kungah, 11“Na kungah kang gen hi, tho-in na lupna pheh la inlen na inn ah pei in,” a ci hi. 12Ama tho-in thakhatin a pheh la a, amate zosie mai-ah a peikhie pai hi; tuaci’n amate zosie in lamdang a sa vua, Pasien phatin, “Tam bang dan poma i mu ngai nai vawt sih hi!” a ci uhi.

Levi a Kihlatna

(Mat 9:9-13; Luk 5:27-32)

13Khatvei tuipi gei-ah Jesu#2:13 Gk “ama” peikia hi; ama kimvelah mihonpi a kikhawm vua, tuale amate thu hil hi. 14Ama a pei kawikawi laitahin siehdonna zumah a to Alphaeus’ tapa Levi mu a, ama kungah, “Ei zui in,” a ci a, ama tho-in a zui pai hi.

15Levi’ inn ah Jesu le a nuazuite nitah an ne-in a to#2:15 Gk “a kingap laitahin” laitahin siehdongte le mawneite tampitah zong ama tawh a toton uhi, azieh pen ama a zui mi tam mama hi. 16Thukham hil#2:16 Adang tang laibute ah “le” ci-in kigiel hi. Pharisee-te in mawneite le siehdongte a toton a mu uh ciengin amate in a nuazuite kungah, “Bang dinga siehdongte le mawneite tawh an a neh#2:16 Tang laibute ah “dawn” ci-in kigiel hi. ton uh ahei?” a ci uhi. 17Jesu in tami thu a zah ciengin amate kungah, “Cidamte in sievuon tulmaw loin cinate beh in tulmaw hi; midihte hlan dinga ang pei ka hi sih a, mawneite hlan dinga ang pei ka hizaw hi,” a ci hi.

Antanna Thudawhna

(Mat 9:14-17; Luk 5:33-39)

18John’ nuazuite le Pharisee-te in an a tang uhi; tuale mite#2:18 Gk “amate” pei-in ama kungah, “John’ nuazuite le Pharisee-te in an tang napi bang dinga na nuazuite in an tang lo uh ahei?” a ci uhi. 19Jesu in amate kungah, “Zineipa tawh a opton laitahun mopawi simte in an bangci tan thei ding uh ahei? Zineipa tawh a opton laisie-un amate in an a tang thei sih uhi. 20Amate kung panin zineipa a kilahdawh hun ang tung ding a, khum ni ciengin amate in an a tang ding uhi.

21“Koima in puonbeh tha tawh puonlui phaw ngai lo hi; a phaw zenzen leh a kiphawna puonbeh in puonlui kai-ehin a ehbe zaw ding hi. 22Koima in savun um lui sungah lenggatui tha thal ngai lo hi; a thal khah mawh leh lenggazu in savun um phukehin lenggazu kibuo ding a, savun um zong kisie ding hi; savun um tha sungah lenggazu tha kithalzaw a,#2:22 Adang tang laibute ah “Savun um tha sungah lenggazu tha kithalzaw a” ci om lo hi. tuaci’n a ni-in kikembih thei hi,” a ci hi.

Sabbath Thu Tangkona

(Mat 12:1-8; Luk 6:1-5)

23Sabbath ni khatin bulei nawhin ama pei a, tuale a peikawmun a nuazuite in buvui a zut uhi.#Thkna 23:25 24Pharisee-te in ama kungah, “En in, bang dinga amate in Sabbath ni-a bawl dinga kilawm lo nate bawl uh ahei?” a ci uhi. 25Ama in amate kungah, “David in a pawlte tawh gilkielin neh ding a kisap laitahin bang bawl ahei ci thu na sim ngai sih uh amah? 26Siempu lien pa Abiathar hun lai-in Pasien inn sungah ama lut a, siempute beh in a neh thei Ompina anlum ne-in a pawlte zong kimkhat a pie hi,” a ci hi.#Siem 24:9#1Sam 21:1-6 27Tua ciengin ama in a kung vuah, “Mihingte adinga Sabbath ni kibawl ahi a, sabbath ni dinga mihingte kibawl ahi sih hi,” a ci hi. 28Tua ahi ziehin Mihing Tapa pen sabbath ni nangawn a uhpa ahi hi,” a ci hi.

Currently Selected:

MARK 2: ZBOTF01

Highlight

Copy