ခဲၫ 3
3
3
1ယိခွါ, ယမိအၪ့မၧၫ့လၩ့ယၥီၫ့လဂၩတၭ,အဝ့ၫဒၪ မိတဲၩ့ဝဲၩဖၧၩ့ၥုၪ့ဖၧၩ့ၥၭ လၧအမ့ၬယၫတၭ, ကဆါ လၧနၥံၪအၪ့ဎၬဝ့ၫနီၪ, မိဂဲၫဖိးလၧအနီးဖၧၩ့ လၧအ ဆိၫအချဲၫ့ဆၧအုၩ့လၩ့အၥီၫ့လဂၩဒၪလ့ၬ, လၧအဘၪ နၥံၪအၥၭလီၫ. ယိခွါ,မိဂဲၫဝ့ၫ,ဆၧၥုၭမုခမျၧးအယ 2ဟိဝၩစံၭဝ့ၫဒၪ.- မုလနံၩလၧအဂဲၫနီၪ, မွဲပလၫအီၪမိ ကဲၪလဂၩလဲၪ. ထီးအအီၪဖျီၪထၪ့တၭ,မွဲပလၫဆၧၫ့ ထုၪ့မိၥ့ၪလဂၩလဲၪ. အဂဲးဘဲၫယီၩ မၩအၥၭဘဲၫၦအၪ့ ကဲၪ့ဆၧဖိၪအမ့ၪအၥိၭ, ဒဲဘဲၫၦစုၪဆၧကဲၩ့ယၬအဆၬ 3ပၠၪအၥိၭနီၪလီၫ.- မိဆၧၫ့နၩ့အၪ့ကဲၪ့ဆၧဘဲၫၦမၩဆံၫ့ စ့ၩလဂၩအၥိၭတၭ, မိမၩဆံၫ့ၦလံဝဲၫဖိၪ, ဒဲမၩဆံၫ့ခွံၬ ဝ့ၫဘဲၫထီၫ့ဒဲစ့ၩအၥိၭနီၪ, ဘဲၫၥိၭအမိလုထၪ့ယဟိဝၩ 4လၧဆၧလုတီၩလီၫ.- ထီးနီၪလဖၧၫ့ ယုဒၫဒဲယရုစလံၫ့ အဆၧမၩဘိၪ့နီၪ မိဘၪယဟိဝၩအၥၭ ဘဲၫလၧမုနံၩ လၧဖျိၩ့အၥိၭနီၪ ဒဲဘဲၫနံၪ့ၥံၪလၩၥံၪလၧအခၪ့ထံၭအ 5ၥိၭနီၪလီၫ.- ယမိၥုၭဘူၭယၥၭလၧနၥံၪအအီၪလၧဆၧ စ့ၩရၫ့အဂးတၭ, ယမိကဲၪထၪ့ၦထိးအၥၭချဲၫ့ချဲၫ့ထၫ့ ဒၩၦလီးဆၧဘွဲၩဆၧၥံၪ, ၦမၩမၪၦမၫၦဝၩၥံၪ, ဒဲၦဆိၪ ဆၧလတီၩဘၪၥံၪ, ဒဲၦမၩန့ၦဒိၭအၪ့လံၩ့ဆၧအလံၩ့ အလဲၫၥံၪ,ဒဲၦမုၪမဲၫအဆၧ, ဒဲၦဖိၪဎွ့ၪအဆၧ, ဒဲၦလၧ အဒုၭဘၪၦလခီၫဘၩ့မုးဖိၪ လၧဆၧလတီၩလလီၩ့ဘၪ, ဒဲလၥၭမဲၪဘၪယၧၩ, ဆၧၥုၭမုခမျၧးအယဟိဝၩစံၭ 6ဝ့ၫဒၪ.- ယဝ့ၫဒၪယီၩယမွဲယဟိဝၩလီၫ. ယကဒံၩ ကဒၩအ့ၬ မၩအၥၭဘဲၫနီၪတၭ, စယၫကူၭအဖိၪခွၫ ၥံၪဧ့,နၥံၪထီၩ့ဘၪလၧဆၧဂၭဂီၩ့အ့ၬ.
ဆၧဖ့ၪလၫ့ဆံၫပိၩ့လပိၩ့.
7ခီၫလၧနၥံၪအဖါလဖၪအမုနံၩၥံၪနီၪ နၥံၪလၨၪခၫ့ဖၬ ယဆၧမၪလူၬလဖၪတၭ, ထီးန့ဝ့ၫအ့ၬ. ဂဲၫထဲၩ့ထဲၩ့ လၧယအီၪဆံၭတၭ, ယမိထဲၩ့ထဲၩ့လၧနၥံၪအအီၪနီၪ, ဆၧၥုၭမုခမျၧးအယဟိဝၩစံၭဝ့ၫဒၪ, တၭနၥံၪစံၭ, ပမိ ဂဲၫထဲၩ့ထဲၩ့ဘဲၫၥ့ၪလဲၪ.
8ၦၡၩလဂၩမိအၪ့ဂူၬန့ ယဟိဝၩအဆၧဆ့ဧၪ.လါနၫ့ တၭနၥံၪအၪ့ဂူၬန့ယဆၧယူၭ, အ့ၪမွဲနၥံၪစံၭ, ပအၪ့ဂူၬ န့နဆၧနီၪလမံၩ့လဲၪ. လၧဆၧဆံၫပိၩ့လပိၩ့,ဒဲဆၧမၩ 9ဘိၪ့လဖၪလီၫ.- နၥံၪဘၪဆိၪအၧၩ့တၡါလီၫ. အဂဲး ဘဲၫယီၩနၥံၪဝ့ၫဒၪ, ၦဆၨၩထီးအလူၬယီၩ, အၪ့ဂူၬန့ 10ယူၭယဆၧလီၫ.- ဂဲၫဆိၬဆၧဆံၫပိၩ့လပိၩ့, ထီးအလူၬ လၧဆၧအီၪကီၪ့အဂံၪ့ဖၧၩ့ ဘဲၫၥိၭဆၧအၪ့မိအီၪလၧ ယဂံၪ့ဖၧၩ့ဆံၭ. ယမိဝဲထၪ့မူၭခိၪအဆၧဖိး, ဒဲလူၫလၩ့ န့နၥံၪလၧဆၧဆိၪဂ့ၩထီးအလးလထီဘၪ, ယလဝဲထၪ့ ဘၪလဲၪနီၪ, မၩခွါယၧၩဆံၭ. ဆၧၥုၭမုခမျၧးအယဟိ 11ဝၩစံၭဝ့ၫဒၪ.- ယမိအၪ့ၥီၪ့ဆၧမၩဂၭဂီၩ့ဆၧလၧနၥံၪ အကၠီၩ့နီၪတၭ, အဝ့ၫၥံၪမိမၩဂၭဂီၩ့နၥံၪအဂၪ့ခိၪအ ဆၧၥၪအ့ၬ. နၥံၪအစဘံၭမုလၧစဘံၭမုအလးဖၧၩ့နီၪ 12မိၥၪထၪ့ဝ့ၫ, ဆၧၥုၭမုခမျၧးအယဟိဝၩစံၭဝ့ၫဒၪ.- ၦ ကိၭဆၨၩဒ့ၭမိကိၭနၥံၪ လၧဆၧဆိၪဂ့ၩလီၫ. အဂဲး ဘဲၫယီၩနၥံၪမိကဲၪထၪ့ထံၫၥံၪခးၥံၪ လၧအဘၪဆၧအ ၥၭ,ဆၧၥုၭမုခမျၧးအယဟိဝၩစံၭဝ့ၫဒၪ.
ယွၩအဆၧအုၩ့လၩ့ဘၪထွ့ၫလၧဆၧယုၥၭ.
13နၥံၪချဲၩ့ဆၧဆီၪ့ ထၫ့ဒၩယၧၩ ယဟိဝၩစံၭဝ့ၫဒၪ. လါနၫ့တၭ,နၥံၪစံၭ, ပချဲၩ့ဆၧထၫ့ဒၩနၧၩနီၪ, မွဲလၧဆၧ 14နီၪလမံၩ့လဲၪ.- နၥံၪစံၭ, ပမၩယွၩအဆၧနီၪ, မွဲဆၧလ န့ကၩဘၪဆၧတၭ, ပထီးန့အဆၧမၪလူၬ, ဒဲလ့ၩဆၧ လၧပၥုၪ့အုၭပၥၭအုၭ လၧဆၧၥုၭမုခမျၧးအယဟိဝၩ 15အမ့ၬယၫနီၪ, မွဲအခိးအတၩဆၧနီၪလမံၩ့လဲၪ.- ဘိၩ့ နဲၪ့ယီၩၦလၧအအီၪက့ၪထၪ့ထီၫအၥၭနီၪ, နၥံၪစံၭလၧ အဘၪဆၧဆိၪဂ့ၩဝ့ၫလီၫ. မွဲမၬ, ၦလၧအမၩဆၧလတီၩ လလီၩ့ဘၪဘီၪထၪ့ယီၫထၪ့တၭ, မွဲမၬ, ၦလၧအကျဲၩ့ ဖစီၩ့ယွၩနီၪဖီၩ့ဖျ့ၭဝ့ၫလီၫ.
16ထီးနီၪလဖၧၫ့ ၦလၧအၥၭမဲၪယဟိဝၩနီၪမိချဲၩ့ဒုၪ့ လိၬအၥၭလဂၩ ဒဲလဂၩဆိၫဆိတၭ, ယဟိဝၩခိၭနၪ ဝ့ၫဒဲနါဂၧၫ့ဝ့ၫတၭ, ဆၧကွ့ၭလံၬနၪ့ထၪ့ထဲၩ့ဆၧလၧအ မ့ၬယၫလၧၦလၧအၥၭမဲၪ ယဟိဝၩ, ဒဲဆီၫ့မီၪ့လၧအ 17မံၩ့အဂဲးအကၠီၪ့အဂးလီၫ.- လၧမုလနံၩလၧယဖၭဝဲၩ ဝ့ၫအဖၧၩ့နီၪ, အဝ့ၫၥံၪမိကဲၪထၪ့ဆၧလူဒိၪဎွ့ၩဒိၪလၩ့ မဲၪဒၪဆၧလၧယဂး, ဆၧၥုၭမုခမျၧးအယဟိဝၩစံၭဝ့ၫ ဒၪးတၭယမိယၫ့ၥၭအဝ့ၫၥံၪ ဘဲၫၦယၫ့ၥၭအဖိၪခွၫဒၪ 18ဝ့ၫလၧအမၩအဆၧအၥိၭနီၪလီၫ.- ထီးနီၪလဖၧၫ့နၥံၪ မိၥ့ၪယၫအၪ့နၩ့ဖၭၦတီၩ ဒဲၦလတီၩဘၪအဆၧၫ့,ၦ လၧအမၩယဟိဝၩအဆၧ, ဒဲၦလၧအလမၩဘၪယ ဟိဝၩအဆၧအဆၧၫ့လီၫ.
Currently Selected:
ခဲၫ 3: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
