ခဲၫ 1
1
1
ယွၩအဆၧအဲၪအီၪလၧအံၫစရ့လၭအဂး.
1ဆၧအလူလၩ့, ယဟိဝၩအလူလၧအဘၪအံၫစ 2ရ့လၭလၧစမၪလခဲၫအစူၪဖၧၩ့လီၫ.- ယအဲၪယူၭနၥံၪ, ယဟိဝၩစံၭဝ့ၫဒၪ, လါနၫ့တၭ,နၥံၪစံၭ,နအဲၪယူၭပၧၩ ဘဲၫၥ့ၪလဲၪ. စအံစီၫမွဲစယၫကူၭအထၧၫ့ဖုဝဲ,မွဲအ့ၬဧၪး ယဟိဝၩစံၭဝ့ၫဒၪး လါနၫ့တၭ,ယအဲၪစယၫကူၭတၭ, 3ယၥၭဂဲၫ့စအံစီၫတၭ, ယမၩယူအခိၪလီၩ့ထိၩ့ချိၬဒဲအ 4ဆၧန့ၥၫလၧအအီၪအလးလၧၡါမုနၧၫ့ဖၫလီၫ.- အဂဲး ဘဲၫယီၩ မွဲအံဒၧၫ့စံၭဝ့ၫ ပဘၪၡၪ့ဘၪနၭလါနၫ့တၭ, ပမိမၩထၪ့ထဲၩ့ပအီၪယူအလးနီၪတၭး ဆၧၥုၭမုခမျၧး အယဟိဝၩစံၭဘဲၫယီၩ, အဝ့ၫၥံၪမိမၩထၪ့ထဲၩ့ဒၪဝ့ၫ တၭးအ့ၪမွဲယဝ့ၫဒၪယီၩ ယမိမၩလၩ့ဎီးခွံၬဆၧလီၫ. ဆၧမိကိၭဝ့ၫလၧဆၧအၧၩ့အခးအနဲၩ့ထံၭ, ဒဲၦခမျၧး 5လၧယဟိဝၩၥၭထၪ့ဘၪဝ့ၫလၩ့ဆိၩလၩ့ကၠၪလီၫ.- နၥံၪ အမ့ၬၥၪလဖၪမိဒၪဘၪတၭ, နၥံၪမိစံၭမွဲယဟိဝၩဘၪ ဆၧအီၪက့ၪဒိၪဝ့ၫ လၧအံၫစရ့လၭ အခးအနဲၩ့ထံၭ ဆံၭ.
ယွၩအဆၧအဲၪ့လိၬဆီၪ့ၦလုဆၧလဖၪ.
6ၦဖိၪခွၫမၩလၩဖၩ့အဖါ, ဒဲဆၧအခ့ၫအၡၩနီၪ မၩ လၩဖၩ့အကဆါလီၫ. ယအ့ၪမွဲဆၧအဖါတၭ,ယလၩ ယဖၩ့နီၪ, မွဲအအီၪခီၫခီၫလဲၪ. ယအ့ၪမွဲအကဆါတၭ, ယမၩၥၭမဲၪဆၧနီၪမွဲအအီၪခီၫခီၫလဲၪ. ဆၧၥုၭမုခမျၧး အယဟိဝၩစံၭနၥံၪ, ၦလုဆၧလဖၪ လၧအမၩကြၩ့ထ မးယမံၩ့ၥံၪဧ့, နၥံၪစံၭ, မွဲပမၩကြၩ့ထမးနမံၩ့ဘဲၫၥ့ၪ 7လဲၪ.- မွဲနၥံၪမၩဘိၪ့ကိၪၥၭလိၪလၧယဆၧလုလးအဖၫ့ ခိၪတၭး နၥံၪစံၭ,ပမၩဘၪၥၭလိၪနၧၩဘဲၫၥ့ၪလဲၪ. လၧ နၥံၪစံၭ,လၧယဟိဝၩအစပွဲခိၪနီၪ, မွဲဆၧလယူၭလ 8ယၪ့ဘၪအလးနီၪလီၫ.- ထီးနၥံၪလုထၪ့ဆၧမ့ၬဘျီၪ လၧဆၧလုအဂးတၭ,မွဲဆၧအၧၩ့, မွဲအ့ၬဧၪ.ထီးနၥံၪ လုထၪ့ဆၧအစူၪအခၪ့ဂၭဂီၩ့, ဒဲဆၧဘၪထံၭဆၫတၭ, မွဲဆၧအၧၩ့အ့ၬဧၪ. ဖ့ၪလၫ့မၩခွါဝ့ၫလၧနၦဒိၪနီၪဘီၪး မွဲဆၧမိဘၪအဝ့ၫဒၪအၥၭလၧနၧၩဧၪ. မိဘၪအမ့ၬလၧ 9နၧၩဆ့ဧၪး ဆၧၥုၭမုခမျၧးအယဟိဝၩစံၭဝ့ၫဒၪ.- ဘိၩ့ နဲၪ့ယီၩမွဲပမၩၡီၩ့လါဆၧ လၧအဘၪယဟိဝၩအၥၭ ဘဲၫၥိၭအမိယၫ့ၥၭပၧၩဆံၭ. နၥံၪမၩဘဲၫနီၪတၭ, မိ ဘၪအမ့ၬလၧနၥံၪဆ့ဧၪ. ဆၧၥုၭမုခမျၧးအယဟိဝၩ 10စံၭဝ့ၫဒၪ.- ၦအီၪဝ့ၫလၧနၥံၪအကျၩလဂၩလၧအကၭ ဘံၭထၬတရၫ့, မွဲပလၫလဂၩလဲၪ နၥံၪဆူၭခဲၩထၪ့မ့ၪ လၧယဆၧလုလးအဖၫ့ခိၪပျီၩပျီၩအ့ၬ. ဆၧၥုၭမုခမျၧး အယဟိဝၩစံၭဝ့ၫ, မုၬယၥၭလၧနၥံၪအဖၧၩ့နးဆံၭ 11အ့ၬ.ယထိးဆၧၫ့ဆၧမၩဘိၪ့လၧနၥံၪအစူၪအ့ၬ.- အဂဲး ဘဲၫယီၩလၧမုထၪ့လခီၫဖိးလၧမုနုၬလခီၫနီၪ ယမံၩ့မိဒိၪ ဝ့ၫလၧၦဆၨၩလဖၪအကျၩ, ၦမိဆူၭခဲၩဆၧနၧၫ့မၧၫ့ လၧယမံၩ့အဂး, ဒဲမိလုထၪ့ဆၧလုအဆံၫ့လၧဆၧကိၭ စီၪ့ဒ့ၭလီၫ. အဂဲးဘဲၫယီၩ ယမံၩ့မိဒိၪဝ့ၫလၧၦဆၨၩ လဖၪအကျၩ, ဆၧၥုၭမုခမျၧးအယဟိဝၩစံၭဝ့ၫဒၪ.
12အ့ၪမွဲနၥံၪဝ့ၫယီၩ,မွဲနၥံၪစံၭ, ယဟိဝၩအစပွဲခိၪဘၪ ၥၭလိၪတၭ,အဆၧၥၪဒဲအဆၧအၪ့နီၪ ဆၧလယူၭလ ယၪ့ဘၪအလးနီၪတၭ, နၥံၪမၩဘၪၥၭလိၪယူၭယမံၩ့ 13ယူၭလီၫ.- နၥံၪစံၭ, မွဲဆၧမၩပွံၭပၥၭမၬလဲၪၬတၭနၥံၪ မၩကြၩ့ထမးယမံၩ့တၭ, ဆၧၥုၭမုခမျၧးအယဟိဝၩ စံၭဝ့ၫဒၪး နၥံၪဂဲၫဆိၬဆၧလၧအဘၪဆၧအဲၪ့ၡၫ့, ဒဲဆၧ လၧအဆၫတၭ, နၥံၪဂဲၫဆိၬဆၧမၩဘိၪ့ဘဲၫနီၪၥိၭလီၫ. ယမိထိးဆၧၫ့ဆၧနီၪလၧနၥံၪအစူၪဖၧၩ့ဆ့ဧၪး ယဟိ 14ဝၩစံၭဝ့ၫဒၪ.- ၦအၪ့လီၫဆၧနီၪလၧအအီၪဝ့ၫလၧဆၧ အဖၫလၧအၥိၪ ဒဲအဘ့ၪအကျၩ ဒဲဆိၪလၩ့အၥၭတၭ, လုထၪ့ယဟိဝၩလၧဆၧဂၭဂီၩ့နီၪ, ဘၪဆိၪအၧၩ့ဝ့ၫ လီၫ. အဂဲးဘဲၫယီၩ ယမွဲစဎွၩဖၭဒိၪ, ဆၧၥုၭမုခမျၧး အယဟိဝၩစံၭဝ့ၫဒၪတၭ, ၦမိၥၭမဲၪယမံၩ့လၧၦဆၨၩ လဖၪအကျၩလီၫ.
Currently Selected:
ခဲၫ 1: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
