ၥ မိ 42

စယိၥၭအထၧၫ့ဖုဝဲခွၫလဖၪ လ့ၩအၪ့ဎွ့ၩဘုၪလၧခးအံဇံၭ.

1တၭစယၫကူၭ ဒၪဘၪလၧဘုၪၥံၪဂူၫၥံၪ, အီၪလၧ အံဇံၭအဖၧၩ့း တၭစယၫကူၭစံၭအဖိၪခွၫလဖၪ, နၥံၪ 2ယိလိၬနၥံၪအၥၭမွဲဘၪလဲၪ.- ယိခွါ, ယနါဂၧၫ့ယူၭလၧ ဘုၪၥံၪဂူၫၥံၪ အီၪလၧခးအံဇံၭ အဖၧၩ့လီၫ. လ့ၩလၩ့ ထီးနီၪတၭ, ဎွ့ၩဆၧလၧပဂးထီးနီၪ, ဘဲၫၥိၭပမိမၧၫ့ 3တၭ,မွဲပထီးၥံၫလဂ့ၩနီၪဆံၭ.- တၭစယိၥၭအထၧၫ့ဖု ဝဲဆံၫဂၩလ့ၩလၩ့ဝ့ၫ, ဘဲၫၥိၭအမိဎွ့ၩန့ ဘုၪၥံၪဂူၫၥံၪ 4လၧအံဇံၭအဖၧၩ့နီၪလီၫ.- အ့ၪမွဲစယိၥၭ အဖုစဘံၪ့ ယမံၫ့လဂၩနီၪ, စယၫကူၭအၪ့မၧၫ့ အလ့ၩဆၧလၧအ ထၧၫ့ဖုဝဲအၥိၭအ့ၬ. အဂဲးဘဲၫယီၩ စံၭဝ့ၫဒၪ, မိဘၪဘၪ ခိၬဆၧၡၪ့ဆၧနၭလီၫ.

5တၭအံၫစရ့လၭအဖိၪခွၫလဖၪ လ့ၩဎွ့ၩဆၧ လၧၦ လၧအဂဲၫလဖၪအကျၩလီၫ. အဂဲးဘဲၫယီၩ ဆၧၥၭဝံ 6လၩ့ဒိၩနီၪအီၪလၧ ခးကၫနအၫ့အဖၧၩ့လီၫ.- တၭစယိ ၥၭမွဲဆၧအခိၪ လၧခးအဖၫ့ခိၪလီၫ. အဝ့ၫဒၪ အၪ့ဆၫ ဆၧလၧၦခးဖိၪ ထီးအလူၬတၭ, စယိၥၭအထၧၫ့ဖုဝဲဂဲၫ ဝ့ၫတၭ, ကျၭလၩ့အမ့ၬ လၧဂၪ့ခိၪလၧအမ့ၬယၫလီၫ. 7တၭစယိၥၭဒၪဘၪအထၧၫ့ဖုဝဲနီၪ, ၥ့ၪယၫဝ့ၫလီၫ.-မွဲလါ နၫ့တၭအီၪက့ၪအၥၭ လၧၦလခီၫဘၫ့မုးဖိၪ လၧအဝ့ၫၥံၪ အမ့ၬယၫတၭ, ချဲၩ့ဆၧဆီၪ့ဆီၪ့ လၧအဝ့ၫၥံၪတၭ,စံၭ ဝ့ၫ,နၥံၪဂဲၫလၧအထံၭခီၫခီၫလဲၪ. တၭအဝ့ၫၥံၪစံၭ, ပ ဂဲၫလၧခးကၫနအၫ့ ဘဲၫၥိၭပမိဎွ့ၩ ဆၧအၪ့ဆၧအီၩအ 8ၥိၭနီၪလီၫ.- တၭစယိၥၭၥ့ၪယၫနဲၪ့ အထၧၫ့ဖုဝဲလီၫ. 9အ့ၪမွဲအဝ့ၫၥံၪၥ့ၪယၫထဲၩ့အဝ့ၫအ့ၬ.- တၭစယိၥၭနၪ့ ထၪ့ထဲၩ့ဆၧမံၫမးလဖၪ, လၧအမံၫမးဝ့ၫ လၧအဂဲးအ ကၠီၪ့တၭ,စံၭဝ့ၫ, နၥံၪမွဲၦလၧအစဲၪ့ယိၥူၪ ဆၧတၭဘဲၫ ၥိၭနၥံၪမိဒၪဘၪ ခးအအီၪဘိၪ့တၭ, နၥံၪဂဲၫနၥံၪဝ့ၫ 10လီၫ.- တၭအဝ့ၫၥံၪစံၭ, မွဲအ့ၬ,ယကဆါဧ့, မွဲဘဲၫၥိၭပမိ 11ဎွ့ၩဆၧအၪ့ဆၧအီၩတၭ, နဎီးနၡၩဂဲၫဝ့ၫလီၫ.- ပဝ့ၫဒၪ ထီးအလူၬယီၩ, ပမွဲၦလဂၩဎးအဖိၪခွၫလီၫ. ပမွဲၦအ 12တီၩလီၫ. နဎီးနၡၩမွဲၦလၧအစဲၪ့ယိၥူၪဆၧအ့ၬ.- တၭအ ဝ့ၫစံၭ,မွဲအ့ၬ, မွဲဘဲၫၥိၭနၥံၪမိဒၪဘၪ ခးအအီၪဘိၪ့တၭ 13နၥံၪဂဲၫနၥံၪဝ့ၫလီၫ.- တၭအဝ့ၫၥံၪစံၭ, နဎီးနၡၩမွဲၦထၧၫ့ ဖုဝဲလဆံၫနံၫဂၩ, ၦလဂၩဎးအီၪလၧခးကၫနအၫ့လဂၩ အဖိၪခွၫလဖၪလီၫ. တၭယိခွါ, အဆံၭလဂၩအီၪလၧ ပဖါအၥိၭ လၧမုဆၫလနံၩယီၩလီၫ. တၭအလဂၩအီၪ 14လၧၩ့အ့ၬ.- တၭစယိၥၭစံၭအဝ့ၫၥံၪ, ဆၧနီၪမွဲဆၧလၧ ယစံၭနၥံၪလီၫ. ယစံၭနၥံၪမွဲၦလၧအစဲၪ့ယိ ၥူၪဆၧလီၫ. 15ဆၧမိမၩခွါနၥံၪဘဲၫယီၩ, လၧဖၫရိၫအၥၭမၧၫ့အမ့ၬယၫ နီၪ,နၥံၪအဖု ဒၪဘၨၩအ့ၪလဂဲၫဘၪထီးယီၩတၭ, နၥံၪ 16စဲၪ့ထၪ့ဘၪထီးယီၩအ့ၬ.- တၭအၪ့မၧၫ့ၦလၧနၥံၪအ ကျၩလဂၩ လ့ၩဂဲၫထဲၩ့ဆိၬ နၥံၪအဖုဒၪဘၨၩနီၪဆံၭ. တၭနၥံၪမိအီၪစၧၩ့ထၬနၥံၪအၥၭ, ဘဲၫၥိၭဆၧတီၩအီၪ လၧနၥံၪအဖၧၩ့ဧၪနီၪ, နၥံၪအဆၧချဲၩ့ မိဘၪဆၧမၩခွါ ဝ့ၫလီၫ. အ့ၪလမွဲဘၪဘဲၫနီၪတၭ, လၧဖၫရိၫအၥၭမၧၫ့ 17အမ့ၬယၫနီၪ, နၥံၪမွဲၦစဲၪ့ယိၥူၪဆၧလီၫ.- တၭစယိၥၭ အီၪက့ၪအဝ့ၫၥံၪထီးအလူၬ လၧၦခိၭထၬဆၧအလးမု 18ၥၧၫ့နံၩလီၫ.- ၥၧၫ့နံၩလနံၩနီၪ, စယိၥၭစံၭအဝ့ၫၥံၪ, မၩ 19ဆၧယီၩတၭ, မၧၫ့ဆံၭး ယမွဲၦၥၭမဲၪယွၩလီၫ.- နၥံၪ အ့ၪမွဲၦအတီၩတၭး မွဲၦလၧနၥံၪအထၧၫ့ဖုဝဲအကျၩလ ဂၩ,ဘၪဆၧစၧၩ့ထၬဝ့ၫ လၧနၥံၪအထီၫ့ဖၧၩ့း တၭထဲၩ့ ဆိၬနၥံၪဝ့ၫလၧဘုၪၥံၪဂူၫၥံၪ လၧဆၧၥၭဝံလၩ့ဒိၩအီၪ 20လၧနၥံၪအဂံၪ့လဖၪအဖၧၩ့အဂးနီၪ,- တၭဂဲၫထဲၩ့ဆိၬ နၥံၪအဖုဒၪဘၨၩ လၧယအီၪဆံၭး တၭနၥံၪမိမၩတီၩ နၥံၪအလူတၭ, နၥံၪလၥံၫဘၪလီၫ. တၭအဝ့ၫၥံၪမၩဝ့ၫ 21ဘဲၫနီၪၥိၭလီၫ.- တၭအဝ့ၫၥံၪချဲၩ့လိၬအၥၭ ဆုၬဆုၬ တၭ,စံၭ, ပဆၧဒဲၩဘၭအီၪမၬ လၧပထၧၫ့ဖုဝဲလဂၩအ ကၠီၩ့,လၧပဒၪဘၪ အၥုၪ့ခိအၥၭဝီၩ လၧအအၪ့ကံၩ့အၪ့ ယၫပၧၩတၭ,ပခိၭနၪအ့ၬ. မၩအၥၭဘဲၫနီၪတၭ, ဆၧ 22ခိဆၧဝီၩယီၩဘၪပၧၩလီၫ.- စရုဘံၫ့စံၭဆၧၫ့အဝ့ၫၥံၪ တၭ,စံၭဝ့ၫဒၪ, ယစံၭနၥံၪ, ထီးမၩမၪဘၪဖိၪၥၪလဂ့ၩ တၭ,နၥံၪခိၭနၪအ့ၬ, မွဲအ့ၬဧၪ. မၩအၥၭဘဲၫနီၪတၭ, 23ဆၧအၪ့ဎၬအၥွံၪဆ့လီၫ.- တၭစယိၥၭနၪၥ့ၪဆၧနီၪအ ဝ့ၫၥံၪၥ့ၪယၫအ့ၬ, အဂဲးဘဲၫယီၩ ၦချဲၩ့ကျိၭထဲၩ့ဆၧ 24လၧအဘိၩ့ဆၧၩ့အီၪဝ့ၫလဂၩလီၫ.- မွဲအကၠၪဒိၭချိၫ့ခွံၬ အၥၭလၧအဝ့ၫၥံၪနီၪ အမ့ၬထံၫလၩ့တၭ, ဂဲၫထဲၩ့ထဲၩ့ ဒီၭလၧအအီၪတၭ, ချဲၩ့ဆၧလၧအဝ့ၫၥံၪတၭ, အၪ့မၩ န့ခွံၬစစံမအၧၫ့ လၧအကျၩတၭ, စၧၩ့ထၬဝ့ၫလၧအဝ့ၫ ၥံၪအမ့ၬယၫလီၫ.

စယိၥၭအထၧၫ့ဖုဝဲခွၫလဖၪ ဂဲၫထဲၩ့လၧခးကၫနအၫ့.

25တၭစယိၥၭမၪလူၬဝ့ၫ လၧၦဘၪမၩဎွ့ၩအဝ့ၫၥံၪအ ထိၪ့လဖၪလၧဘုၪ, ဒဲဒုၭနုၬအစ့ၩ လၧအထိၪ့ဖၧၩ့လ ဂၩလၧအထိၪ့ဒၪဝ့ၫ, လဂၩလၧအထိၪ့ဒၪဝ့ၫ, ဒဲဖ့ၪလၫ့ အဝ့ၫၥံၪအဂူၫဆၪမ့ၩဆွံၪလဖၪ လၧဖၧၩ့ၥၭအဂးလီၫ. 26တၭမၩအဝ့ၫၥံၪဘဲၫနီၪၥိၭလီၫ.- အဝ့ၫၥံၪဖဒၨၭထၪ့ဘုၪ ၥံၪဂူၫၥံၪလၧအကၥ့ၪယီၩ့အခိၪတၭ, စဲၪ့ထၪ့ခွံၬထီးနီၪ 27လီၫ.- တၭလၧအဝ့ၫၥံၪမံၫအလးနီၪ, ၦလဂၩဝဲထၪ့အ ထိၪ့အခိၪဘဲၫၥိၭအမိဖ့ၪလၫ့ အကၥ့ၪယီၩ့အဆၪတၭ, 28ဒၪဘၪအစ့ၩ, ယိခွါ, အီၪဝ့ၫလၧအထိၪ့ခိၪလီၫ.- တၭ စံၭအထၧၫ့ဖုဝဲ, ဆၧဖ့ၪထဲၩ့ယူၭယစ့ၩယူၭတၭ, ယိခွါ, အီၪလၧယထိၪ့ဖၧၩ့မၬကၨ. တၭအဝ့ၫၥံၪ အၥၭလၩ့ ဘဲၩဝ့ၫတၭ ၥၭမဲၪဆၧနီၪ, စံၭလိၬအၥၭဆုၬဆုၬ, ဆၧ လၧယွၩမၩပၧၩယီၩ မွဲဆၧနီၪလမံၩ့လဲၪ.

29တၭအဝ့ၫၥံၪ ဂဲၫလၧအဖါစယၫကူၭ အအီၪလၧခး ကၫနအၫ့အဖၧၩ့တၭ, လီၩဘၪအဝ့ၫလၧကယဲဆၧလၧ 30အဘၪဝ့ၫတၭ, စံၭဝ့ၫဒၪ,- ခးအကဆါလဂၩ ချဲၩ့ဒုၪ့ ပၧၩဆီၪ့ဆီၪ့လ့ၬတၭ, အီၪက့ၪပၧၩ လၧၦယိၥူၪဆၧ 31လၧခးဖၧၩ့လီၫ.- တၭပစံၭအဝ့ၫ, ပဝ့ၫဒၪယီၩပမွဲၦအ 32တီၩတၭး ပမွဲၦလၧအယိၥူၪဆၧအ့ၬ.- ပထၧၫ့ဖုဝဲမွဲလ ဆံၫနံၫဂၩး ပဖါအဖိၪခွၫလဖၪလီၫ. တၭအလဂၩအီၪ လၧၩ့အ့ၬ. တၭအဆံၭလဂၩအီၪလၧ ပဖါလၧခးကၫန 33အၫ့အဖၧၩ့လၧမုဆၫလနံၩယီၩလီၫ.- တၭၦလဂၩ,ခး အကဆါလဂၩနီၪ, စံၭပၧၩ, ယမိၥ့ၪယၫလၧနၥံၪမွဲၦအ တီၩ လၧဆၧယီၩလမံၩ့အကၠီၩ့, အီၪက့ၪလၩ့ထးနၥံၪ အထၧၫ့ဖုဝဲလဂၩ လၧယၥိၭတၭ, အၪ့မၩန့ဆၧလၧနၥံၪ အဂံၪ့လဖၪ လၧဆၧၥၭဝံလၩ့ဒိၩအဂးတၭ, စဲၪ့ထၪ့ခွံၬ 34ဘီၪ.- တၭနၥံၪအဖုဒၪဘၨၩနီၪ ဂဲၫထဲၩ့ဆိၬလၧယအီၪ ဆံၭ,ထီးနီၪလဖၧၫ့ ယမိၥ့ၪယၫလၧနၥံၪ လမွဲဘၪၦယိ ၥူၪဆၧ, လၧနၥံၪမွဲၦအတီၩလီၫ. ယမိဖ့ၪထဲၩ့နၥံၪအ ထၧၫ့ဖုဝဲတၭ, နၥံၪမိအၪ့ခၩဆၧလၧခးဖၧၩ့လီၫ.

35ထီးအဝ့ၫၥံၪမၩခီၫထိၪ့လဖၪတၭ, ယိခွါ, ဆၧမၩအ ၥၭလၧစ့ၩအဘီၪ့နီၪ အီၪလၧအထိၪ့ဖၧၩ့ ကိၭဘီၪ့ဒ့ၭ လီၫ. တၭထီးအဝ့ၫၥံၪ ဒဲအဖါဒၪဘၪစ့ၩအဘီၪ့လဖၪ 36တၭ,အဝ့ၫၥံၪအၪ့ယိၪၥၭမဲၪဆၧလီၫ.- တၭအဖါစယၫ ကူၭစံၭအဝ့ၫၥံၪ, နၥံၪဒုၭလၩ့မါဒၪခွံၬယဖိၪလီၫ.- စယိ ၥၭလအီၪဘၪ, စစံမအၧၫ့လအီၪဘၪတၭ, နၥံၪမိမၩန့ ခွံၬစဘံၪ့ယမံၫ့ဆ့လီၫ. ဆၧလဖၪနီၪ ထၫ့ဒုၪဒၩယၧၩ 37ထီးအလူၬလီၫ.- စရုဘံၫ့ချဲၩ့ဒုၪ့အဖါတၭ, စံၭ,ယအ့ၪ လဂဲၫထဲၩ့ဆိၬဘၪအဝ့ၫ လၧနအီၪတၭ, မၩၥံၫခွံၬယ ဖိၪခွၫနံၫဂၩဆံၭး အီၪက့ၪအဝ့ၫဒၪ လၧယစူၪဖၧၩ့ဆံၭ, 38တၭယမိဂဲၫထဲၩ့န့အဝ့ၫဒၪလၧနအီၪလီၫ.- တၭအဝ့ၫ နီၪစံၭဝ့ၫဒၪ, ယဖိၪခွၫလ့ၩလၩ့ဘၪဒဲနၥံၪအ့ၬ. အဂဲး ဘဲၫယီၩအဝဲလဂၩၥံၫယူၭတၭ, အဝ့ၫဒၪနီၪအီၪဝ့ၫလ ဂၩဎးလီၫ. အ့ၪဘၪဆၧၡၪ့ဆၧနၭ လၧဖၧၩ့ၥၭလၧနၥံၪ ဖိၬဝ့ၫနီၪ,နၥံၪမိဒုၭ လ့ၩလၩ့ယခိၪဘွၩ လၧဖျႃဖၧၩ့အီၪ လၧယၥုၪ့အုၭၥၭအုၭလီၫ.

Currently Selected:

ၥ မိ 42: pwokyn2

Highlight

Copy