ၥ မိ 11

ဘၫဘလၭအတၨၭထၪ့ထီၫ ဆၧချဲၩ့အဆၧဘံၪဘူၪ.

1တၭဂၪ့ခိၪဖိၪအီၪ လၧအလၨလမံၩ့ဎး ဒဲအဆၧချဲၩ့ 2လမံၩ့ဎးထီးအလူၬလီၫ.- ဆၧမၩအၥၭလၧၦၡၩစဲၪ့ ထၪ့ခွံၬ လ့ၩစိၩမုထၪ့လခီၫအဘိၩ့ဘၭနီၪတၭ, အဝ့ၫ ၥံၪဒၪန့ဆၧပျၩ့အီၪ လၧခးၡဲနၫအဖၧၩ့တၭ, အီၪဝ့ၫထီး နီၪလီၫ.

3တၭအဝ့ၫၥံၪစံၭလိၬအၥၭဆုၬဆုၬ, ဂဲၫဘီၪ. မၩၡီၩ့ အၩ့ကတဲၩတၭ, ဎူထၪ့အၪအၪလ့ၬဘီၪ. တၭအဝ့ၫၥံၪ အီၪလၧအၩ့ကတဲၩ လၧလိးအလး, ဒဲကျဲၩ့တံၭခိလီၪ့ 4လၧၥယိၭအလးလီၫ.- တၭအဝ့ၫၥံၪစံၭဝ့ၫ, ဂဲၫဘီၪ, ပမိမၩၡီၩ့ဒိၩ့လဒိၩ့လၧပဂး, ဒဲတၨၭအထီၫလၧအခံၫ ထိၭထၪ့ဘၭ လၧမူၭခိၪအဖၧၩ့လဖျိၪ့, ဒဲမၩၡီၩ့ပမံၩ့ လမံၩ့ဘဲၫၥိၭ ပထီးလၩ့မုလၩ့ဖၭ လၧဂၪ့ခိၪချိၫ့ဎံၩ့ 5လ့ၬလဂ့ၩလီၫ.- တၭယဟိဝၩဂဲၫလၩ့ယိဝ့ၫ ဒိၩ့လဒိၩ့ 6ဒဲတၨၭထီၫ လၧၦၡၩမၩထၪ့ဝ့ၫနီၪလီၫ.- ယဟိဝၩစံၭ ဝ့ၫဒၪ,ယိခွါ, ၦၡၩမွဲၦလဆၨၩဎး, အဆၧချဲၩ့လမံၩ့ဎး ထီးအလူၬတၭ, မၩထၪ့ၥၫ့ဆၧယီၩတၭ, ဘိၩ့နဲၪ့ယီၩ ကယဲဆၧလၧအကိၪ့ မၩဆၧလမံၩ့လါလါ, ဆၧမိပဒၩ့ 7ထၬဝ့ၫနးမံၩ့အ့ၬ.- ဂဲၫဘီၪ, မွဲပမိလ့ၩလၩ့ၡီၩ့တၭ, မၩ ဘံၪဘူၪအဝ့ၫၥံၪ အဆၧချဲၩ့ ဘဲၫၥိၭအထီးနၪၥ့ၪလိၬ အဆၧချဲၩ့ဆုၬဆုၬလဂ့ၩ.

8ယဟိဝၩမၩလၩ့မုလၩ့ဖၭအဝ့ၫၥံၪ လၧဂၪ့ခိၪထၧၫ့ 9ဖျိၪ့ယၫတၭ, အဝ့ၫၥံၪလမၩလၧၩ့ဘၪဒိၩ့နီၪလီၫ.- မၩ အၥၭဘဲၫနီၪတၭ, အမံၩ့မွဲဘၫဘလၭနီၪ, အဂဲးဘဲၫ ယီၩထီးနီၪယဟိဝၩ မၩဘံၪဘူၪဂၪ့ခိၪဖိၪ ထီးအလူၬ အဆၧချဲၩ့ ဒဲထီးနီၪယဟိဝၩ မၩလၩ့မုလၩ့ဖၭအဝ့ၫ ၥံၪလၧဂၪ့ခိၪချိၫ့ ထၧၫ့ဖျိၪ့ယၫလီၫ.

စၡံၫ့အဆၨၩအဆၬအဂဲး.

(ၥ ကွ့ၭ ၥ:၂၄-၂၇)

10တၭအယီၩ မွဲစၡံၫ့အဆိၩလဖၪလီၫ. တၭထံၫလုၬ ဘံၭဆၧအလးခဲၫ့နံၫနံၪ့နီၪ စၡံၫ့ အီၪဝ့ၫအနံၪ့လယၩ 11တၭ,ထၪ့ဖိၪစအၫဖၭစၭလီၫ.- တၭစၡံၫ့အီၪဝ့ၫလၧ အထၪ့ဖိၪစအၫဖၭစၭအလးခဲၫ့နီၪ, အနံၪ့ယဲယၩတၭ, ထၪ့ဖိၪအဖိၪမုၪၥံၪ, ဒဲအဖိၪခွၫၥံၪလီၫ.

12စအၫဖၭစၭအီၪဝ့ၫ အနံၪ့ၥၧၫ့ဆံၫယဲနံၪ့တၭ, ထၪ့ဖိၪ 13စၡၫလၫလီၫ.- စအၫဖၭစၭအီၪဝ့ၫ လၧအထၪ့ဖိၪစၡၫ လၫအလးခဲၫ့နီၪ အနံၪ့လံယၩၥၧၫ့နံၪ့တၭ, ထၪ့ဖိၪအ 14ဖိၪမုၪၥံၪဒဲအဖိၪခွၫၥံၪလီၫ.- စၡၫလၫအီၪဝ့ၫအနံၪ့ၥၧၫ့ 15ဆံၫတၭ, ထၪ့ဖိၪစအံဘၧၫလီၫ.- စၡၫလၫအီၪဝ့ၫလၧ အထၪ့ဖိၪစအံဘၧၫအလးခဲၫ့နီၪ အနံၪ့လံယၩၥၧၫ့နံၪ့ တၭ,ထၪ့ဖိၪ အဖိၪမုၪၥံၪဒဲအဖိၪခွၫၥံၪလီၫ.

16စအံဘၧၫအီၪဝ့ၫ အနံၪ့ၥၧၫ့ဆံၫလံနံၪ့တၭ, ထၪ့ဖိၪ 17စပံလ့ၭလီၫ.- စအံဘၧၫအီၪဝ့ၫ လၧအထၪ့ဖိၪ စပံလ့ၭ အလးခဲၫ့နီၪ အနံၪ့လံယၩၥၧၫ့ဆံၫတၭ, ထၪ့ဖိၪအဖိၪ 18မုၪၥံၪဒဲအဖိၪခွၫၥံၪလီၫ.- စပံလ့ၭအီၪဝ့ၫအနံၪ့ၥၧၫ့ဆံၫ 19တၭ,ထၪ့ဖိၪစရုၫလီၫ.- စပံလ့ၭအီၪဝ့ၫ လၧအထၪ့ဖိၪ စရုၫအလးခဲၫ့နီၪ အနံၪ့နံၫယၩ ခွံၫနံၪ့တၭ, ထၪ့ဖိၪအ 20ဖိၪမုၪၥံၪဒဲအဖိၪခွၫၥံၪလီၫ.- စရုၫအီၪဝ့ၫအနံၪ့ၥၧၫ့ဆံၫ 21နံၫနံၪ့တၭ, ထၪ့ဖိၪစစံရၧၭလီၫ.- စရုၫအီၪဝ့ၫလၧအ ထၪ့ဖိၪစစံရၧၭအလးခဲၫ့နီၪ အနံၪ့နံၫယၩနွ့ၫနံၪ့တၭ, 22ထၪ့ဖိၪအဖိၪမုၪၥံၪ ဒဲအဖိၪခွၫၥံၪလီၫ.- စစံရၧၭအီၪဝ့ၫ 23အနံၪ့ၥၧၫ့ဆံၫတၭ, ထၪ့ဖိၪစနၫဟီၫလီၫ.- စစံရၧၭအီၪ ဝ့ၫလၧအထၪ့ဖိၪ စနၫဟီၫအလးခဲၫ့နီၪ အနံၪ့နံၫယၩ တၭ,ထၪ့ဖိၪအဖိၪမုၪၥံၪ ဒဲအဖိၪခွၫၥံၪလီၫ.

24စနၫဟီၫအီၪဝ့ၫအနံၪ့ နံၫဆံၫခွံၫနံၪ့တၭ, ထၪ့ဖိၪစတံ 25ရၫလီၫ.- စနၫဟီၫအီၪဝ့ၫ လၧအထၪ့ဖိၪစတံရၫအလး ခဲၫ့နီၪအနံၪ့လယၩလဆံၫခွံၫနံၪ့တၭ, ထၪ့ဖိၪအဖိၪမုၪ 26ၥံၪဒဲအဖိၪခွၫၥံၪလီၫ.- စတံရၫအီၪဝ့ၫအနံၪ့နွ့ၫဆံၫတၭ, ထၪ့ဖိၪစအၫဘြၫ့, စနၫဟီၫ, ဒဲစဟၫရၫ့လီၫ.

စတံရၫအဆၨၩအဆၬအဂဲး.

27တၭအယီၩမွဲစတံရၫအဆိၩလဖၪလီၫ. တၭစတံရၫ ထၪ့ဖိၪစအၫဘြၫ့, ဒဲစနၫဟီၫ, ဒဲစဟၫရၫ့လီၫ. တၭ 28စဟၫရၫ့နီၪထၪ့ဖိၪ စလီၭလီၫ. အဖါစတံရၫလချႃၭၥံၫ ဒံၭဘၪတၭ, စဟၫရၫ့ ၥံၫလၧခးလၧအအီၪဖျဲၪဝ့ၫလၧ အဖၧၩ့, လၧၦခၫလဒံအၫဖိၪ အဒိၩ့အၧၫ အဖၧၩ့နီၪ 29လီၫ.- တၭစအၫဘြၫ့, ဒဲစနၫဟီၫန့အမၫၥံၪလီၫ. တၭ စအၫဘြၫ့ အမၫအမံၩ့မွဲနးစၫရ့ၫ, ဒဲစနၫဟီၫ အမၫအ မံၩ့မွဲနးမံလကၫ, စဟၫရၫ့အဖိၪမုၪလီၫ. အဝ့ၫလဂၩ 30နီၪမွဲနးမံလကၫ, ဒဲနးအံစကၫအဖါလီၫ.- တၭနးစၫရ့ၫ လဂၩနီၪမွဲၦထူၬဖိၪတၭ, အဖိၪအီၪဘၪအ့ၬ.

31တၭစတံရၫမၩန့အဖိၪခွၫစအၫဘြၫ့, ဒဲအလံၩစဟၫ ရၫ့အဖိၪခွၫစလီၭ, ဒဲအဒဲၪနးစၫရ့ၫ, အဖိၪခွၫစအၫဘြၫ့ အမၫလၧအၥိၭတၭ, အဝ့ၫၥံၪစဲၪ့ထၪ့ခွံၬဝ့ၫ လၧၦခၫ လဒံအၫဖိၪအဒိၩ့အၧၫနီၪ, ဘဲၫၥိၭအမိလ့ၩစိၩလၧခး ကၫနအၫ့နီၪလီၫ. လ့ၩဝ့ၫဖိးလၧဟၫရၫ့တၭ, အီၪဝ့ၫ 32ထီးနီၪလီၫ. တၭစတံရၫအမုနံၩထီးအလူၬနီၪ မွဲအနံၪ့ နံၫယၩယဲနံၪ့တၭ, စတံရၫၥံၫဝ့ၫ လၧဟၫရၫ့အဖၧၩ့ လီၫ.

Currently Selected:

ၥ မိ 11: pwokyn2

Highlight

Copy