၂ မိ 9
9
9
ဆၧဖိၪဆၧဎါ အဒိၩ့လဖၪၥံၫအဂဲး.
1ထီးနီၪလဖၧၫ့ယဟိဝၩစံၭစမိစ့ၭ, လ့ၩနုၬလၧဖၫရိၫ အအီၪတၭ, စံၭအဝ့ၫဒၪ, ယဟိဝၩၦဟံဘြူၫဖိၪအယွၩ စံၭဝ့ၫဘဲၫယီၩ, ကွဲၪဖျါခွံၬယၡၩခမျၧး ဘဲၫအမိမၩယ 2ဆၧအၥိၭဆံၭ.- အဂဲးဘဲၫယီၩ နအ့ၪလကွဲၪဖျါခွံၬဘၪ 3နီၪ,နအ့ၪဖီၪ့ထၬဒံၭအဝ့ၫၥံၪတၭ,- ယိခွါ, ယဟိဝၩ အစူၪမိအီၪလၧနဆၧဖိၪဆၧဎါ လၧအအီၪလၧဆံၬဖၧၩ့ နၩဖၧၩ့အလီၩ့, လၧကၥ့ၪလဖၪအလီၩ့, ဒဲလၧကၥ့ၪ ယီၩ့ၥံၪအလီၩ့, လၧကလအူၭၥံၪအလီၩ့, လၧချီၥံၪအ လီၩ့, ဒဲၥိၪဒဲဘ့ၪလဖၪအလီၩ့တၭ, မိဘၪဆၧၥံၫခမျၧး 4ဒိၪမၬလီၫ.- တၭယဟိဝၩမိမၩ ၦအံၫစရ့လၭဖိၪအဆၧ ဖိၪဆၧဎါအဒိၩ့ လၩ့မဲၩလၧအံဇံၭဖိၪ အဆၧဖိၪဆၧ ဎါအဒိၩ့နီၪလီၫ. တၭဆၧလၧၦအံၫစရ့လၭဖိၪ ထီးအ 5လူၬအကျၩနီၪ အဆၧၥံၫဘၪဝ့ၫနးဒုၩအ့ၬ.- ယဟိဝၩ ဖၭနံၩဖၭၥၫ့တၭ, စံၭဝ့ၫဒၪ, ကဲဂီၩခိၬယဟိဝၩ မိမၩ ဆၧနီၪလမံၩ့ လၧခးဖၧၩ့လီၫ.
6ဆၧဖၩ့ထၪ့လနံၩနီၪ ယဟိဝၩမၩဆၧနီၪလမံၩ့တၭ, ၦအံဇံၭဖိၪအဆၧဖိၪဆၧဎါအဒိၩ့နီၪ ၥံၫဝ့ၫထီးအလူၬ လီၫ.အ့ၪမွဲၦအံၫစရ့လၭဖိၪ အဆၧဖိၪဆၧဎါနီၪၥံၫဝ့ၫ 7နးဒုၩအ့ၬ.- ဖၫရိၫအၪ့မၧၫ့လၩ့ဆၧတၭ, ယိခွါ, ၦအံၫ စရ့လၭဖိၪ အဆၧဖိၪဆၧဎါနီၪ ၥံၫဘၪနးဒုၩအ့ၬ. တၭ ဖၫရိၫအၥၭနီၩ့ထၪ့ဝ့ၫတၭ, ကွဲၪဖျါၦခမျၧးအ့ၬ.
ဝံၫ့လဖၪ.
8တၭယဟိဝၩစံၭစမိစ့ၭဒဲစအၫရၧၫ့, အၪ့မၩန့ဖံၫ့ချၪ အမုၬဎွ့ၩစူၪလဖၪတၭ, မွဲစမိစ့ၭဎွံၪထၪ့ လၧမူၭခိၪလၧ 9ဖၫရိၫအမ့ၬယၫနီၪဆံၭ.- ဆၧမိကဲၪထၪ့ဆၧအမုၬလၧ ခးအံဇံၭ ထၧၫ့ခးယၫအဖၧၩ့တၭ, မိကဲၪထၪ့ ဆၧဝံၫ့ ဖၭဒိၪဖၭထီၫ ဒဲဆၧဖၧၩ့လး လၧၦၡၩအလီၩ့, ဒဲလၧ ဆၧဖိၪဆၧဎါအလီၩ့, လၧခးအံဇံၭထၧၫ့ခးယၫအဖၧၩ့ 10လီၫ.- အဝ့ၫၥံၪအၪ့မၩန့ဖံၫ့ချၪအမုၬတၭ, ဆၧၫ့ထုၪ့ လၧဖၫရိၫအမ့ၬယၫတၭ, စမိစ့ၭ ဎွံၪထၪ့ဝ့ၫလၧမူၭခိၪ နီၪးဆၧကဲၪထၪ့ဝ့ၫလၧဝံၫ့, ဒဲဆၧဖၧၩ့လး, လၧၦၡၩ 11အလီၩ့,ဒဲလၧဆၧဖိၪဆၧဎါအလီၩ့လီၫ.- တၭၦမၩက ဒၩၦမ့ၬလဖၪနီၪ ဆၧၫ့ထုၪ့ဝ့ၫ လၧစမိစ့ၭ အမ့ၬယၫလ ကဲၪဘၪလၧဆၧဝံၫ့အကၠီၩ့လီၫ. အဂဲးဘဲၫယီၩ ဆၧဝံၫ့ နီၪအီၪဝ့ၫ လၧၦမၩကဒၩၦမ့ၬၥံၪအလီၩ့, ဒဲလၧၦအံဇံၭ 12ဖိၪထီးအလူၬလဖၪအလီၩ့လီၫ.- ယဟိဝၩဒုၭနီၩ့ထၪ့ ဖၫရိၫအၥၭတၭ, အဝ့ၫလခိၭနၪဘၪအလူ ဘဲၫယဟိဝၩ လီၩဘၪဝဲၩစမိစ့ၭအၥိၭနီၪလီၫ.
မုၥၪ.
13ယဟိဝၩစံၭစမိစ့ၭ ကဲဂီၩခိၬဂဲထုၪ့ဂီၩဂီၩတၭ,ဆၧၫ့ ထုၪ့လၧဖၫရိၫအမ့ၬယၫတၭ, စံၭအဝ့ၫ, ယဟိဝၩၦဟံ ဘြူၫဖိၪအယွၩစံၭဘဲၫယီၩ, ကွဲၪဖျါခွံၬ ယၡၩခမျၧးဘဲၫ 14အမိမၩယဆၧမၩအၥိၭဆံၭ.- အဂဲးဘဲၫယီၩအယီၩ လဖၧၫ့ယမိဒုၭဘၪနၥၭ ဒဲနခ့ၫနၡၩၥံၪ, ဒဲၦခမျၧးလၧယ ဆၧၡၪ့ဆၧနၭထီးအလူၬ, ဘဲၫၥိၭနမိၥ့ၪယၫလၧၦဘဲၫ ယၧၩအၥိၭ လၧဂၪ့ခိၪချိၫ့ထၧၫ့ဖျိၪ့ယၫ အီၪနးဂၩအ့ၬ. 15အဂဲးဘဲၫယီၩ ဘိၩ့နဲၪ့ယီၩ, ယမိယၩ့ထၪ့ယစူၪဘဲၫ ၥိၭယမိကျီၪ့နၧၩ ဒဲနၡၩခမျၧး လၧဆၧဆၫဖျဲၪတၭ, နမိ 16ဂၭဂီၩ့ခွံၬ လၧဂၪ့ခိၪချိၫ့လီၫ.- တၭမွဲမၬ, ယအီၪက့ၪ ထၪ့ထီၫနၧၩ လၧဆၧအဂဲးယီၩ, ဘဲၫၥိၭယမိဒုၭနဲၪယ စီၩ့ယမၩ့လၧနၧၩ, ဒဲဘဲၫၥိၭဆၧမိလီၩလၩ့လၬလၩ့ယ 17မံၩ့လၧဂၪ့ခိၪချိၫ့ယီၩ ထၧၫ့ဖျိၪ့ယၫလီၫ.- နအီၪက့ၪထၪ့ ထီၫနၥၭ လၧယခ့ၫယၡၩခမျၧးအဖၫ့ခိၪ, လၧနလကွဲၪ 18ဖျါဘၪဝ့ၫဆ့ဧၪ.- ယိခွါ, ကဲဂီၩခိၬဆၧၫ့အလးဘိၩ့နဲၪ့ ယီၩ,ယမိအၪ့မၧၫ့ဆၧဂဲၫဆၧၩ့လၩ့န့ မုၥၪဎၧၫ့ဎၧၫ့လ့ၬ နီၪ,တၭလၧမုလနံၩ လၧအခၪ့ထံၭအီၪထၪ့ခီးဘိၩ့နဲၪ့ ယီၩ ဆၧမၩအၥၭဘဲၫနီၪ လၧအံဇံၭအဖၧၩ့ နးဆိၭ 19အ့ၬ.- ဘိၩ့နဲၪ့ယီၩအၪ့မၧၫ့လၩ့ဆၧတၭ, နဆၧဖိၪဆၧ ဎါအဒိၩ့လၧအအီၪ လၧခီၫ့ထီးအလူၬနီၪ, ဒုၭအီၪကီၪ့ ဝ့ၫချဲၫ့ချဲၫ့ဆံၭ, ကယဲၦၡၩဒဲဆၧဖိၪဆၧဎါ လၧဆၧမိဒၪ န့ဝ့ၫလၧခီၫ့နီၪ, လအီၪကီၪ့ဘၪလၧဂံၪ့ဖၧၩ့တၭ, မုၥၪ မိဂဲၫလၩ့ဘၪဝ့ၫတၭ, မိၥံၫဝ့ၫကိၭဒုၩကိၭဂၩဒ့ၭလီၫ.
20တၭၦလၧအၥၭမဲၪ ယဟိဝၩအလူ လၧဖၫရိၫအခ့ၫ အၡၩအကျၩနီၪ, အၪ့မၧၫ့အဎီးအၡၩ ဒဲအဆၧဖိၪဆၧ 21ဎါအဒိၩ့လဖၪ, စဲၪ့နုၬလၧအဂံၪ့ဖၧၩ့လီၫ.- တၭၦလၧ အလအီၪက့ၪဘၪ ယဟိဝၩ အလူအထၫ လၧအၥၭခံ ဖၧၩ့နီၪ, ဒုၭအီၪလၩ့ထးအဎီးအၡၩ ဒဲအဆၧဖိၪဆၧဎါ 22အဒိၩ့လၧခီၫ့လီၫ.- တၭယဟိဝၩစံၭစမိစ့ၭ, ယၩ့ထၪ့ နစူၪလၧမူၭခိၪ, ဘဲၫၥိၭမုၥၪမိလၩ့ လၧခးအံဇံၭထၧၫ့ ခးယၫအဖၧၩ့, လၧၦၡၩအဖၫ့ခိၪ, ဒဲလၧဆၧဖိၪဆၧ ဎါအဖၫ့ခိၪ, ဒဲလၧကယဲဆၧမဲၪထၪ့ လၧခီၫ့လၧခးအံ ဇံၭထၧၫ့ခးယၫအဖၧၩ့ လၧဆၧကိၭအမံၩ့ဒ့ၭ အဖၫ့ခိၪ 23ဆံၭ.- စမိစ့ၭယၩ့ထၪ့အနိၪထိၭဘီၩ့ လၧမူၭခိၪတၭ, ယဟိဝၩအၪ့မၧၫ့လၫ့ဎွံၩ့ ဒဲမုၥၪလၩ့း ဒဲမ့ၪၥံၪလ့ၩဝံၩ့ဝၩ့ လၧဂၪ့ခိၪအဖၫ့ခိၪတၭ, ယဟိဝၩအၪ့မၧၫ့ဆၧဂဲၫဆၧၩ့ 24လၩ့န့မုၥၪ လၧခးအံဇံၭအဖၫ့ခိၪလီၫ.- တၭမုၥၪအီၪ လၧမ့ၪလၪနီၪ ကျီၪမွံၩအၥၭ လၧမုၥၪလၩ့နီၪ နၭမၬ လီၫ.ဆၧဘဲၫနီၪၥိၭ လအီၪဘၪလၧအံဇံၭအဖၧၩ့း ခီၫ 25ဒၪလၧအကဲၪထၪ့, ၦလဆၨၩခီးဘိၩ့ယီၩလီၫ.- တၭမု ၥၪနီၪ လၩ့ဘၪဆၧအီၪ လၧခးအံဇံၭ ထၧၫ့ခးယၫ အ ဖၧၩ့,ကယဲဆၧအီၪ လၧခီၫ့လၧၦၡၩဖိး လၧဆၧဖိၪဆၧ ဎါအဒိၩ့, ဒဲမုၥၪနီၪ ဘၪကယဲဆၧမဲၪထၪ့လၧခီၫ့, ဒဲမၩ 26ခါလၩ့ၥံၪ့ၥံၪဝၪၥံၪ လၧခီၫ့ကိၭအမံၩ့ဒ့ၭလီၫ.- အ့ၪမွဲ လၧခးဂိၡံၫ့, လၧၦအံၫစရ့လၭဖိၪ အီၪဝ့ၫနီၪ မုၥၪအီၪ အ့ၬ.
27ဖၫရိၫအၪ့မၧၫ့လၩ့ဆၧတၭ, ကိၭထဲၩ့စမိစ့ၭ, ဒဲစအၫ ရၧၫ့တၭ, စံၭအဝ့ၫၥံၪ, အယီၩလဖၧၫ့ယမၩမၪဘၪယူၭ ဆၧယူၭ. ယဟိဝၩမွဲဆၧတီၩဆၧလီၩ့လဂၩနီၪ, အ့ၪမွဲ ယၧၩ, ဒဲယခ့ၫယၡၩခမျၧးလဖၪနီၪ, မွဲၦအတီၩအလီၩ့ 28အ့ၬ.- ဘိၩ့နဲၪ့ယီၩ, ဘၪယူၭ, အၪ့ကံၩ့ယဟိဝၩ, ဘဲၫ ၥိၭယွၩအလၫ့ဎွံၩ့ ဒဲမုၥၪလၩ့နီၪ ထီးအီၪလၧၩ့လဂ့ၩ တၭ,ယမိကွဲၪဖျါခွံၬနၥံၪတၭ, နၥံၪအီၪဘၪလၧၩ့ထီး 29ယီၩအ့ၬ.- တၭစမိစ့ၭစံၭအဝ့ၫ, ထီးယအ့ၪစဲၪ့ထၪ့ခွံၬ လၧဒိၩ့ဖၧၩ့တၭ, ယမိယူၬထၪ့ယစူၪ လၧယဟိဝၩအ အီၪတၭး လၫ့ဎွံၩ့မိထုၬဝ့ၫဒဲမုၥၪအီၪလၧၩ့ဝ့ၫအ့ၬး ဘဲၫ ၥိၭနမိၥ့ၪယၫ လၧဂၪ့ခိၪအီၪလၧယဟိဝၩ အစူၪဖၧၩ့ 30လီၫ.- မွဲလါနၫ့တၭ, နၧၩဒဲနခ့ၫနၡၩလဖၪယီၩ, ယၥ့ၪ ယၫလၧနၥံၪလၥၭမဲၪဒံၭဘၪ ယဟိဝၩယွၩလီၫ.
31တၭဆၧဘၪၥီၫကဘၩ့, ဒဲမုယီၩလီၫ. အဂဲးဘဲၫယီၩ မုယီၩအဆဲၩ အီၪထၪ့ယူၭ, ဒဲၥီၫကဘၩ့ၥၪထၪ့ယူၭ. 32အ့ၪမွဲဘုၪကၠိၩ့ဒဲဘုၪကူၭစမ့ၭနီၪ မုၥၪဘၪဝ့ၫအ့ၬ. အဂဲး ဘဲၫယီၩ မွဲအလဒိၭထၪ့ဒံၭဘၪလီၫ.
33စမိစ့ၭစဲၪ့ထၪ့ခွံၬ လၧဖၫရိၫအအီၪ လၧဒိၩ့ဖၧၩ့နီၪ, ယူၬထၪ့အစူၪၥံၪ လၧယဟိဝၩအအီၪတၭ, လၫ့ဎွံၩ့ဒဲမု ၥၪလၩ့နီၪထုၬဝ့ၫဒၪတၭ, ဆၧဂဲၫဆၧၩ့လၩ့လၧၩ့လၧဂၪ့ 34ခိၪချိၫ့ယီၩအ့ၬ.- ဖၫရိၫဒၪဘၪဝ့ၫ လၧဆၧဆၧၩ့ဒဲမုၥၪ လၩ့ဒဲလၫ့ဎွံၩ့နီၪထုၬဝ့ၫတၭ, မၩအၪထၪ့အဆၧဒဲၩဘၭ 35တၭ,မၩနီၩ့ထၪ့အၥၭ, အဝ့ၫဒၪဒဲအခ့ၫအၡၩလီၫ.- ဖၫ ရိၫ အၥၭနီၩ့ထၪ့တၭ, ကွဲၪဖျါၦအံၫစရ့လၭဖိၪအ့ၬ, ဘဲၫယဟိဝၩလီၩဘၪယူၭ စမိစ့ၭအၥိၭနီၪလီၫ.
Currently Selected:
၂ မိ 9: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
