၂ မိ 7

1တၭယဟိဝၩစံၭစမိစ့ၭ, ယိခွါ, ယအီၪက့ၪနၧၩဘဲၫ ယွၩအၥိၭလၧဖၫရိၫအဂးတၭ, နထၧၫ့ဖုဝဲစအၫရၧၫ့မိ 2ကဲၪထၪ့ဝ့ၫ လၧနမီၪလဂၩနီၪလီၫ.- နဘၪချဲၩ့ဆၧဘဲၫ ယမၪလူၬနၧၩ ထီးအလူၬတၭ, နထၧၫ့ဖုဝဲစအၫရၧၫ့ ဘၪချဲၩ့ဆၧလၧ ဖၫရိၫဘဲၫၥိၭ အမိဖျါခွံၬၦအံၫစရ့လၭ 3ဖိၪလၧအခးဖၧၩ့လီၫ.- တၭယမိဒုၭဆီၪ့ထၪ့စဎွၩဖၫ ရိၫအၥၭတၭ, မၩအၪထၪ့ယဆၧလၩ့လၭ အဆၧမၩ နဲၪ့,ဒဲယဆၧလၩ့ လိလၩ့လၭ လၧခးအံဇံၭအဖၧၩ့ 4လီၫ.- တၭဖၫရိၫမိခိၭနၪ နၥံၪအလူအ့ၬး တၭယမိအီၪ က့ၪလၩ့ယစူၪ လၧအံဇံၭအဖၫ့ခိၪတၭ, ယမိဒုၭစဲၪ့ထၪ့ ခွံၬယၥုၭမုလဖၪ, ယၡၩခမျၧးၦအံၫစရ့လၭဖိၪ, လၧ 5ဆၧစ့ၩရၫ့ဖၭဒိၪ လၧခးအံဇံၭအဖၧၩ့နီၪလီၫ.- တၭထီး ယအ့ၪယၩ့ထၪ့ယစူၪ လၧအံဇံၭ အဖၫ့ခိၪနီၪ, ဒုၭစဲၪ့ ထၪ့ခွံၬၦအံၫစရ့လၭဖိၪ လၧအကျၩတၭ, ၦအံဇံၭဖိၪ မိၥ့ၪယၫလၧယမွဲယဟိဝၩလီၫ.

6စမိစ့ၭဒဲစအၫရၧၫ့မၩဝ့ၫ, ဘဲၫယဟိဝၩမၪလူၬဝ့ၫအ 7ၥိၭနီၪတၭ, အဝ့ၫၥံၪမၩဝ့ၫဘဲၫနီၪအၥိၭလီၫ.- တၭလၧ အဝ့ၫၥံၪ ချဲၩ့ဆၧလၧဖၫရိၫနီၪ, စမိစ့ၭအၥၭၡါယူၭအ နံၪ့ဎိၭဆံၫတၭ, စအၫရၧၫ့အၥၭၡါယူၭ အနံၪ့ဎိၭဆံၫ ၥၧၫ့နံၪ့လီၫ.

စအၫရၧၫ့ အနိၪထိၭဘီၩ့.

8တၭယဟိဝၩစံၭစမိစ့ၭ ဒဲစအၫရၧၫ့တၭ, စံၭဝ့ၫဒၪ, 9ထီးဖၫရိၫအ့ၪချဲၩ့ဆၧလၧနၥံၪတၭ, စံၭဝ့ၫဖ့ၪလၫ့ဆၧ လၩ့လၭလမံၩ့မံၩ့ လၧနၥံၪ အဂးနီၪတၭ, နဘၪစံၭ စအၫရၧၫ့, အၪ့မၩန့နနိၪထိၭဘီၩ့တၭ, ခွံၬလၩ့ခွံၬလၧ ဖၫရိၫအမ့ၬယၫဆံၭ. တၭဆၧမိကဲၪထၪ့ ၡီၩ့လဘီၩ့ 10လီၫ.- စမိစ့ၭဒဲစအၫရၧၫ့လ့ၩနုၬဝ့ၫ လၧဖၫရိၫ အအီၪ တၭ,မၩဝ့ၫ, ဘဲၫယဟိဝၩမၪလူၬဝ့ၫအၥိၭနီၪး စအၫ ရၧၫ့ခွံၬလၩ့ခွံၬအနိၪထိၭဘီၩ့ လၧဖၫရိၫ အမ့ၬယၫ, ဒဲလၧအခ့ၫအၡၩလဖၪအမ့ၬယၫတၭ, ကဲၪထၪ့ဝ့ၫၡီၩ့ 11လဘီၩ့လီၫ.- ဖၫရိၫကိၭန့ဆ့ၦကိၪ့ဆၧၥ့ၪ, ဒဲၦလီးဆၧ ၥ့ၪလီၫ. တၭၦအံဇံၭဖိၪၥံၪ လၧအမၩကဒၩ ၦမ့ၬနီၪ မၩဝ့ၫဘဲၫနီၪၥိၭ လၧအဝ့ၫၥံၪအဆၧမၩလဖၪ အဖၧၩ့ 12ဆ့လီၫ.- တၭအဝ့ၫၥံၪခွံၬလၩ့ခွံၬ လဂၩအနိၪထိၭဘီၩ့ ဒၪဝ့ၫ,လဂၩအနိၪထိၭဘီၩ့ဒၪဝ့ၫတၭ, ဆၧလဖၪနီၪကဲၪ ထၪ့ၡီၩ့ဆ့လီၫ. မွဲလါနၫ့တၭစအၫရၧၫ့ အနိၪထိၭဘီၩ့ နီၪအၪ့ယုလၩ့ခွံၬအဝ့ၫၥံၪအနိၪထိၭဘီၩ့လဖၪနီၪလီၫ.

13ဖၫရိၫအၥၭနီၩ့ထၪ့ဝ့ၫတၭ, ခိၭနၪအဝ့ၫၥံၪအလူအ့ၬ, ဘဲၫယဟိဝၩစံၭဝ့ၫအၥိၭနီၪလီၫ.

ဆၧၡၪ့ဆၧနၭလဖၪ ဆၧၥွံၪလၩ့ဘၪခးအံဇံၭ.

14ယဟိဝၩစံၭစမိစ့ၭ ဖၫရိၫအၥုၪ့နီၩ့အၥၭနီၩ့တၭ, မိ 15ကွဲၪဖျါခွံၬၦခမျၧးနီၪအၥၭအီၪအ့ၬ.- ထီးဆၧဖၩ့ထၪ့နီၪ လ့ၩလၧဖၫရိၫအအီၪဆံၭး ယိခွါ, အဝ့ၫဒၪလ့ၩဆၧလၧထံၫ နဲၩ့လီၫ. တၭနဘၪဆၧၫ့ထုၪ့လၧထံၫမိၡါအနဲၩ့ လၧနမိ ဘၪခီၩ့အဝ့ၫဒၪတၭ, နိၪထိၭဘီၩ့လၧ အကဲၪထၪ့ၡီၩ့လဘီၩ့ 16နီၪမၩန့လၧနစူၪဖၧၩ့ဆံၭ.- တၭနဘၪစံၭအဝ့ၫ, ယဟိ ဝၩၦဟံဘြူၫဖိၪအယွၩအၪ့မၧၫ့ယဂဲၫလၧနအီၪတၭ, စံၭ ဝ့ၫဒၪ,ကွဲၪဖျါခွံၬယၡၩခမျၧးဘဲၫၥိၭ အမိလ့ၩမၩယ ဆၧလၧမံၩ့လၬကျၩနီၪဆံၭး တၭယိခွါ, ခီးဘိၩ့နဲၪ့ယီၩ 17နခိၭနၪအလူအ့ၬ.- တၭယဟိဝၩစံၭဘဲၫယီၩ, နၥံၪမိၥ့ၪ ယၫလၧယမွဲယဟိဝၩလၧဆၧယီၩ, ယိခွါ, ယမိဒိၪ ထံၫလၧထံၫမိၡါအဖၧၩ့ လၧနိၪထိၭဘီၩ့အီၪလၧယစူၪ 18ဖၧၩ့ယီၩတၭ မွဲအမိကဲၪထၪ့ဆၧၥွံၪလီၫ.- ဒ့ၪၥံၪယၪ ၥံၪအီၪလၧထံၫမိၡါ အဖၧၩ့မိၥံၫတၭ, ထံၫမိၡါမိနၧၫ့ အုၪဝ့ၫတၭ, ၦအံဇံၭဖိၪမိၥၭလိၪအီၩထံၫ လၧထံၫမိၡါ နီၪလီၫ.

19ယဟိဝၩ စံၭစမိစ့ၭ, လီၩဘၪစအၫရၧၫ့, အၪ့မၩန့ နနိၪထိၭဘီၩ့တၭ, ယၩ့ထၪ့နစူၪ လၧအံဇံၭအဖၫ့ခိၪ, လၧအထံၫချိၬၥံၪအဖၫ့ခိၪ, လၧအထံၫမိၡါၥံၪအဖၫ့ခိၪ, ဒဲလၧအကမၫၥံၪအဖၫ့ခိၪ, ဒဲလၧကယဲထံၫအီၪကီၪ့အ လး ထီးအလူၬအဖၫ့ခိၪ, ဘဲၫၥိၭအမိကဲၪထၪ့ဆၧၥွံၪ, ဒဲဆၧၥွံၪမိအီၪ လၧအံဇံၭအခးထၧၫ့ဘံၪ့ယၫအဖၧၩ့, လၧဖၧၩ့ၥံၪ့ဒဲ လၧဖၧၩ့လိးအဖၧၩ့နီၪဆံၭ.

20စမိစ့ၭဒဲစအၫရၧၫ့မၩဝ့ၫဘဲၫနီၪ, ဘဲၫယဟိဝၩမၪလူၬ ဝ့ၫအၥိၭနီၪတၭ, ယၩ့ထၪ့အနိၪထိၭဘီၩ့နီၪတၭ, ဒိၪ ထံၫလၧထံၫမိၡါအဖၧၩ့ လၧဖၫရိၫအမ့ၬယၫ, ဒဲလၧအ ခ့ၫအၡၩလဖၪ အမ့ၬယၫတၭ, ထံၫအီၪလၧထံၫမိၡါ 21အဖၧၩ့ကဲၪထၪ့ ဆၧၥွံၪထီးအလူၬလီၫ.- တၭဒ့ၪၥံၪ ယၪၥံၪလၧထံၫမိၡါအဖၧၩ့ၥံၫဝ့ၫ, ဒဲထံၫမိၡါနၧၫ့အုၪဝ့ၫ တၭ,ၦအံဇံၭဖိၪ, အီၩထံၫလၧထံၫမိၡါအဖၧၩ့ ကဲၪ အ့ၬး တၭဆၧၥွံၪအီၪဝ့ၫ လၧအံဇံၭအခးထၧၫ့ခးယၫ 22လီၫ.- တၭၦအံဇံၭဖိၪၥံၪ လၧအမၩကဒၩ ၦမ့ၬနီၪမၩ ဝ့ၫဘဲၫနီၪၥိၭ လၧအဝ့ၫၥံၪ အဆၧမၩအဖၧၩ့ဆ့လီၫ. ဖၫ ရိၫအၥၭနီၩ့ထၪ့ဝ့ၫတၭ, လခိၭနၪဘၪအဝ့ၫၥံၪ အလူ 23ဘဲၫယဟိဝၩစံၭဝ့ၫအၥိၭနီၪလီၫ.- ဖၫရိၫကၠၪထဲၩ့အ ၥၭတၭ,ထဲၩ့ထဲၩ့ လၧအဂံၪ့လါနၫ့တၭ, အီၪက့ၪဆၧနီၪ 24လမံၩ့လၧအၥၭအ့ၬ.- တၭကယဲၦအံဇံၭဖိၪ ခုၪ့ဆၧ လၧထံၫမိၡါအနဲၩ့ထံၭ ဘဲၫၥိၭအမိန့ဘၪထံၫ လၧအ မိအီၩဝ့ၫလီၫ. အဂဲးဘဲၫယီၩ အီၩထံၫလၧထံၫမိၡါအ 25ဖၧၩ့ကဲၪအ့ၬ.- တၭယဟိဝၩအဆၧစ့ၩရၫ့ဒိၪထံၫမိၡါ နီၪလၧၫ့ထၪ့ဎွ့ၩထၪ့ နွ့ၫနံၩအထးဖၧၩ့လီၫ.

Currently Selected:

၂ မိ 7: pwokyn2

Highlight

Copy