လံာ်စီၤပီလူးကွဲးန့ၢ်ပှၤကရံၣ်သူးဖိအခီၣ်ထံးတဘ့ၣ်. ၄
၄
1မ်ပှၤကညီပာ်ပှၤ ဒ်ခရံာ်အခ့အပှၤဒီးပှၤကွၢ်ယွၤအ တၢ်ခူသူၣ်အသိးန့ၣ်တက့ၢ်. 2ဒီးပှၤကွၢ်တၢ်တဖၣ်န့ၣ် ဘၣ်မ့ၢ်ပှၤအကလုၢ်တီလီၤ. 3ဘၣ်ဆၣ်ဒီးသုစံၣ်ညီၣ် ယၤမ့ၢ်ဂ့ၤ, ပှၤကညီစံၣ်ညီၣ်ယၤမ့ၢ်ဂ့ၤ,ယပာ်လၢတၢ် အဆံးကတၢၢ်လီၤ. 4မ့ၢ်မး,ယတစံၣ်ညီၣ်လီၤယသး ဒၣ်ယဲဘၣ်.အဂ့ၢ်ဒ်အံၤ, ယတသ့ၣ်ညါဘၣ်တၢ်ကမၣ် လၢယလိၤဒၣ်ယဲနာ်သက့ဒီး, တၢ်တပာ်တီပာ်လိၤ ယၤလၢအဝဲန့ၣ်အဃိဘၣ်. ပှၤလၢအစံၣ်ညီၣ်ယၤန့ၣ်, မ့ၢ်ကစၢ်လီၤ. 5မၤသးဒ်န့ၣ်ဒီး လၢအဆၢအကတီၢ်တ ဘၣ်ဒံးဘၣ်, ကစၢ်တချုးဟဲလီၤဒံးဘၣ်ဒီး, သုတစံၣ် ညီၣ်တၢ်နီတမံၤတဂ့ၤ. အဝဲဒၣ်န့ၣ်ကထုးဖျါထီၣ်တၢ် ခူသူၣ်အိၣ်လၢတၢ်ခံးကျါ, ဒီးကမၤအိၣ်ဖျါပသးအတၢ် ကူၣ်န့ၣ်လီၤ. တုၤနုၤတစုပှၤတဂၤဒီးတဂၤကန့ၢ်ဘၣ် အတၢ်စံးထီၣ်ပတြၢၤလၢယွၤလီၤ.
6ဒီးပုၢ်သ့ၣ်ဝဲၢ်သ့ၣ်ဧၢ, တၢ်တဖၣ်န့ၣ်ယကတိၤဒိလီၤ ယကစၢ်ဒၣ်ယဲဒီးစီၤအပီးလိၤအဂ့ၢ်အကျိၤလၢသုဂီၢ်, ဒ် သိးသုကမၤလိလၢပပူၤ, လၢသုသုတဆိကမိၣ်တၢ် လၢတၢ်ကွဲးအသးအဖီခိၣ်တဂ့ၤ, ဒ်သိးသုသုတပာ်သု သးကဖၢလၢလၢပှၤတဂၤအပူၤ, လၢအဝဲတဂၤအဖီခိၣ် တဂ့ၤလီၤ. 7အဂ့ၢ်ဒ်အံၤ, မ့ၢ်မတၤဒုးလီၤဆီနၤတဂၤ လဲၣ်. ဒီးနတၢ်လၢနတဒိးန့ၢ်ဘၣ်န့ၣ်မ့ၢ်တၢ်မနုၤလဲၣ်. ဒီးနမ့ၢ်ဒိးန့ၢ်အီၤဒီး, ဘၣ်မနုၤလၢနပာ်နသးကဖၢလၢ ဒ်နတဒိးန့ၢ်ဘၣ်အသိးန့ၣ်လဲၣ်. 8ခဲကနံၣ်အံၤ,သုအီၣ် ကုးအီပှဲၤ, ခဲကနံၣ်အံၤ,သုထူးသုတီၤ, သုကဲစီၤပၤလၢ အတအိၣ်ဘၣ်ဒီးပှၤဘၣ်. ဒီးဘၣ်မးယသးလၢသုကဲ စီၤပၤလံ,ဒ်သိးပကကဲဃုာ်စီၤပၤဒီးသုလီၤ.
9အဂ့ၢ်ဒ်အံၤ, ယဆိကမိၣ်လၢယွၤပာ်ဖျါပှၤတၢ်မၢဖိပ ဝဲဒၣ်အံၤ, လၢပှၤအလီၢ်ခံကတၢၢ်,ဒ်ပှၤဒိးတၢ်စံၣ်ညီၣ် ဘၢသံအီၤအသိးလီၤ. အဂ့ၢ်ဒ်အံၤ,ပကဲလံလၢတၢ်ကွၢ် ကီအဂီၢ်လၢဟီၣ်ခိၣ်, ဒီးလၢကလူး, ဒီးလၢပှၤကညီ သ့ၣ်တဖၣ်,အမဲာ်ညါလီၤ. 10ပဝဲဒၣ်အံၤ,ပမ့ၢ်ပှၤဟးဂီၤ ဖိလၢခရံာ်အဂီၢ်, မ့မ့ၢ်သုဝဲသ့ၣ်သုမ့ၢ်ပှၤကူၣ်တၢ်သ့ လၢခရံာ်အပူၤလီၤ. ပဝဲဒၣ်အံၤ,ပမ့ၢ်ပှၤလၢအဂံၢ်စၢ်အ ဘါစၢ်, မ့မ့ၢ်သုဝဲဒၣ်,သုဂံၢ်ဆူၣ်သုဘါဆူၣ်လီၤ. သု လၢသုကပီၤအိၣ်ဝဲ,မ့မ့ၢ်ပဝဲဒၣ်အံၤ, ပလၤကပီၤတအိၣ် ဘၣ်. 11တုၤလီၤလၢနၣ်ရံၣ်ခဲကနံၣ်အံၤဒၣ်လဲာ်, တၢ် သၣ်ဝံၤပသးဒီးတၢ်သူပသးလၢထံ, ဒီးပအိၣ်ဘ့ၣ်ဆ့, ဒီးတၢ်မၤအၢမၤနးပှၤ, ဒီးပအိၣ်အလီၢ်လီၤတံၢ်တအိၣ် ဘၣ်. 12ဒီးပမၤတၢ်ဝံတၢ်လၢပစုဒၣ်ပဝဲလီၤ.ပှၤဒုၣ်ဒွဲၣ် ပှၤ,ဒီးပဆိၣ်ဂ့ၤတၢ်,ပှၤမၤအၢမၤသီပှၤ, ဒီးပဝံသးစူၤတၢ် လီၤ. 13ပှၤစံးအၢပှၤဒီးပဃ့ကညးတၢ်, တၢ်ပာ်ပှၤဒ် ဟီၣ်ခိၣ်အတၢ်ကမှံၤအသိး, ဒ်တၢ်ခဲလၢာ်အဃံၣ်အမူး အသိးတုၤခဲကနံၣ်အံၤလီၤ. 14ယကွဲးတၢ်တဖၣ်အံၤ, ဒ်သိးယကမၤမဲာ်ဆှးသုတမ့ၢ်ဘၣ်. မ့မ့ၢ်ဒ်ယဖိသးဘိအသိး, ဒုးပလီၢ်သုသးလီၤ.-
15အဂ့ၢ်ဒ်အံၤ, သုမ့ၢ်အိၣ်ဒီးပှၤသိၣ်က့ၤသီက့ၤသုလၢခရံာ် အပူၤတကလးညါဘၣ်ဆၣ်ဒီး, သုပၢ်အါဂၤတအိၣ် ဘၣ်.အဂ့ၢ်ဒ်အံၤ, ယထီၣ်ဖိသုလၢတၢ်သးခုအကစီၣ် လၢယ့ၣ်ရှူးခရံာ်အပူၤလီၤ. 16မၤသးဒ်န့ၣ်ဒီးယဃ့က ညးသု,ကွၢ်လိယၤတက့ၢ်. 17မ့ၢ်တၢ်န့ၣ်အဃိဒီး,ယမၢ စီၤတံၤမသ့း, လၢအမ့ၢ်ယဖိသးဘိအကလုၢ်တီလၢ ကစၢ်အပူၤတဂၤ, ဆူသုအိၣ်,ဒီးကဒုးသ့ၣ်နီၣ်ထီၣ်က့ၤ သုလၢယကျဲလၢခရံာ်အပူၤ, ဒ်ယသိၣ်က့ၤသီက့ၤတၢ် လၢကယဲၢ်တၢ်အိၣ်ဖှိၣ်ကိးပူၤဒဲးအသိးန့ၣ်လီၤ.
18ဒီးပှၤတနီၤနီၤပာ်အသးကဖၢလၢ ဒ်ယတဟဲဘၣ်ဆူ သုအိၣ်အသိးလီၤ. 19ဘၣ်ဆၣ်ဒီးမ့ၢ်ဘၣ်ကစၢ်အသး ဒီး,ယကဟဲဆူသုအိၣ်လၢအဆိအချ့, ဒီးပှၤလၢအပာ် အသးကဖၢလၢတဖၣ်န့ၣ်, ယကသ့ၣ်ညါထဲအတၢ် ကတိၤဧိၤတမ့ၢ်ဘၣ်. မ့ၢ်အစိအကမီၤလီၤ. 20အဂ့ၢ်ဒ် အံၤ,ယွၤအဘီအမုၢ်တမ့ၢ်ဘၣ်လၢတၢ်ကတိၤဘၣ်, မ့ၢ် လၢတၢ်အစိအကမီၤလီၤ. 21သုသးအိၣ်ဒ်လဲၣ်.ယက ဟဲဆူသုအိၣ်, အိၣ်ဒီးနီၣ်တီၢ်,မ့တမ့ၢ်ဘၣ်ဒီး,လၢတၢ် အဲၣ်တၢ်ကွံဒီးတၢ်သူၣ်စူၤသးစူၤလဲၣ်.
Currently Selected:
လံာ်စီၤပီလူးကွဲးန့ၢ်ပှၤကရံၣ်သူးဖိအခီၣ်ထံးတဘ့ၣ်. ၄: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.