मत्ती 6:16-18
मत्ती 6:16-18 GCMB
“झाइले क्हेमैं बर्त टिमा फिब्लो पार्दिब्मैंइ धोंले लि छुले आटिद्। तलेबिस्याँ म्हिमैंने ‘बर्त टिइमुँ’ बिसि उँइँबर चमैंइ लि छु लम्। क्ह्रोंसेंन ङ क्हेमैंने बिमुँ चमैंइ योंल् त्हुबै इनाम योंल् खाँइमुँ। दिलेया क्हेमैं बर्त टिमा लि ख्रुसि क्रर छ्युगु फोसि सैं तोंन्ले टिद्। ‘क्हिइ बर्त टिमा’ म्हिमैंइ म्रोंरिगे बिसि आङिं। दिलेया क्हेमैंए परमेश्वर आबाजी म्रोंरिगे। आम्रोंन्ले लबै के म्रोंबै परमेश्वर आबाजी क्हेमैं इनाम पिंब्मुँ।
Bible App
Bible App for Kids
