लूका 4:5-8
लूका 4:5-8 GCMB
च लिउँइँ चइ खीलाइ नुबै कोंर बोसि ह्युलर्बै ताँन् ग्याल्समैं उँइँइ। दष्टइ येशूने बिइ, “चु ताँन् ग्याल्सर्बै सैमैं पिंसि ङइ क्हि चुर्बै क्ल्हे तल् पिंस्यो। तलेबिस्याँ चु ताँन् ङइ योंइमुँ छतसि ङइ खाबलाइ पिंदा ङ्हाँमुँ पिंल् खाँम्। छतसि क्हिइ ङ फ्योस्याँ ङइ चु तोन्दोंरि सैमैं क्हिलाइ पिंब्मुँ।” येशूजी चने बिइ, “क्हिइ याहवेह ह्रोंसए परमेश्वरलाइ मत्त्रे फ्योद्, धै खीए सेवा मत्त्रे लद्,” बिसि परमेश्वरए छ्वेर छले प्ह्रिइमुँ।