လံာ်တၢ်ကဲထီၣ်အခီၣ်ထံး 38
38
စီၤယူဒၤဒီးနီၢ်တၤမၢ်
1အကတီၢ်ဖဲန့ၣ်စီၤယူဒၤဟးသဒၣ်အဒီပုၢ်ဝဲၢ်တဖၣ်ဒီးလဲၤတၢ်ဒ် သိးအကအိၣ်ဒီးပှၤတဂၤလၢအမံၤမ့ၢ်ဝဲစီၤဃံရၤလၢအဘၣ်ဃးဒီး ဝ့ၢ်ဧဒူးလၣ်န့ၣ်လီၤ. 2ဖဲန့ၣ်စီၤယူဒၤထံၣ်လိာ်အသးဒီးပှၤကနၤဧၣ်မုၣ်ဖိတဂၤလၢအပၢ် အမံၤမ့ၢ်စီၤၡူာ်န့ၣ်လီၤ. အဝဲဒိးတ့ဒိးဖျီအသးဒီးအီၤ, 3ဒီးပိာ်မုၣ်န့ၣ်ဆံးစၢ်န့ၢ်အီၤအဖိခွါတဂၤဒီးယုၢ်ဝဲအမံၤ လၢစီၤအ့ၢ်လီၤ. 4ဒီးဒၢထီၣ်ကဒီးဝဲ, ဒီးဆံးစၢ်န့ၢ်အဖိခွါအဂၤတဂၤဒီးယုၢ် ဝဲအမံၤလၢစီၤအိၤနၣ်လီၤ. 5မၤကဒီး, ပိာ်မုၣ်န့ၣ်မၤန့ၢ်ဖိခွါတဂၤဒီးယုၢ်ဝဲအမံၤလၢ စီၤၡ့လၤလီၤ. စီၤယူဒၤအိၣ်ဝဲဖဲဝ့ၢ်ကစံာ်ဖဲဖိသၣ်ပိာ်ခွါအံၤအိၣ်ဖျဲၣ် ထီၣ်န့ၣ်လီၤ.
6စီၤယူဒၤမၤန့ၢ်အဖိခွါဝဲၢ်ကိစီၤအ့ၢ်လၢအမါတဂၤလၢအမံၤ မ့ၢ်ဝဲနီၢ်တၤမၢ်န့ၣ်လီၤ. 7စီၤအ့ၢ်အသကဲးပဝးအၢဝဲသီဝဲဒီးမ့ၢ်တၢ်လၢတဘၣ်ယွၤအသးအဃိ ယွၤမၤသံကွံာ်အီၤလီၤ. 8ဒီးစီၤယူဒၤစံးဘၣ်စီၤအ့ၢ်အပုၢ်စီၤအိၤနၣ်, “လဲၤဒီးမံဃုာ်ဒီးနဝဲၢ်အမါမုၣ်ကမဲတက့ၢ်. မၤလၢပှဲၤတၢ်လၢနဂ့ၤမၤလၢအဂီၢ်ဒ်အဝၤအဒီပုၢ်ဝဲၢ်ခွါတဂၤအ သိး, ဒ်သိးနဝဲၢ်ခွါကအိၣ်ဒီးအစၢၤအသွဲၣ်တဖၣ်တက့ၢ်.” 9ဘၣ်ဆၣ်စီၤအိၤနၣ်သ့ၣ်ညါတ့ၢ်ဝဲလၢဖိသၣ်တဖၣ်န့ၣ်တမ့ၢ်ကကဲထီၣ် အတၢ်ဘၣ်အဃိ, တုၤအမံဃုာ်ဒီးအဝဲၢ်အမါမုၣ်ကမဲတဘျီ လၢ်လၢ်န့ၣ်, အဝဲဒုးဟးထီၣ်ကွံာ်ပိာ်ခွါအချံအသၣ်ဆူတၢ်ချၢ, ဒ်သိးဖိသၣ်အသုတအိၣ်နီတဂၤလၢအဝဲၢ်အဂီၢ်တဂ့ၤန့ၣ်လီၤ. 10တၢ်လၢအမၤတ့ၢ်ဝဲန့ၣ်တဘၣ်ယွၤအသးဘၣ်အဃိယွၤမၤသံ ကွံာ်စ့ၢ်ကီးအီၤန့ၣ်လီၤ. 11ဒီးစီၤယူဒၤစံးဘၣ်အဒဲၣ်မုၣ်နီၢ်တၤမၢ်, “က့ၤကဒါက့ၤဆူ နပၢ်အဟံၣ်ဒီးအိၣ်ဒံးဒ်မုၣ်ကမဲတဂၤအသိးတုၤယဖိခွါစီၤၡ့ လၤဒိၣ်ထီၣ်တက့ၢ်.” အဝဲစံးတၢ်အံၤ, မ့ၢ်လၢအပျံၤဝဲဒၣ်လၢ အဖိခွါစီၤၡ့လၤကဘၣ်တၢ်မၤသံအီၤဒ်အဝဲၢ်သ့ၣ်တဖၣ်အသိးအဃိ န့ၣ်လီၤ. လၢတၢ်န့ၣ်အဃိနီၢ်တၤမၢ်က့ၤကဒါက့ၤဆူအဟံၣ်န့ၣ် လီၤ.
12မုၢ်နံၤမုၢ်သီတနီၤဝံၤအလီၢ်ခံ, စီၤယူဒၤအမါသံဝဲန့ၣ် လီၤ. တုၤအဟီၣ်တၢ်ယၢၤတၢ်အဆၢကတီၢ်ဝံၤဝဲဒီး, အဝဲဒီးအတံၤသကိးစီၤဃံရၤလၢဝ့ၢ်ဧဒူးလၣ်တခီလဲၤဝဲဆူ တံးမနၤဖဲပှၤတံာ်အသိတဖၣ်အဆူၣ်န့ၣ်လီၤ. 13ပှၤတဂၤစံးဘၣ်နီၢ်တၤမၢ်လၢအမံၤပှၢ်ပိာ်ခွါလဲၤဆူဝ့ၢ်တံး မနၤလၢကတံာ်အသိတဖၣ်အဆူၣ်န့ၣ်လီၤ. 14လၢတၢ်န့ၣ်အဃိ, နီၢ်တၤမၢ်လဲလိာ်ကွံာ်မုၣ်ကမဲအကူအသိးတဖၣ် လၢအကူဝဲသိးဝဲ, မၤဘၢအမဲာ်ဒီးနီၣ်ကျၢၢ်ဘၢမဲာ်, ဒီးဆ့ၣ်နီၤဝဲဖဲဝ့ၢ်အံန့ၢ်, အခီပညီထံထီၣ်ပၢၢ်ခံပူၤ, ဝ့ၢ်တဝ့ၢ်လၢအအိၣ်ဖဲကျဲလဲၤဆူဝ့ၢ်တံးမနၤအကျဲစၢၤအဖီ ခိၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်ညါတ့ၢ်ဝဲဒၣ်လၢခဲအံၤစီၤ ယူဒၤအဖိခွါသဒါစီၤၡ့ၤလၤဒိၣ်ထီၣ်လံ, ဒီးအန့ၣ်ဒၣ်လဲာ်တၢ်တဟ့ၣ်ဒံးအီၤလၢကဒိးတ့ဒိးဖျီအသးဒီး စီၤၡ့လၤဘၣ်.
15ဖဲစီၤယူဒၤထံၣ်ဘၣ်အီၤန့ၣ်, ဆိကမိၣ်ဝဲဒၣ်လၢအဝဲမ့ၢ်ဃဲသဲ မုၣ်တဂၤ, မ့ၢ်လၢအကျၢၢ်ဘၢအမဲာ်အဃိန့ၣ်လီၤ. 16အဝဲလဲၤဃီၤဆူအအိၣ်လၢကျဲကပၤဒီးစံးဝဲ, “ကဲၤ, နကဃ့တၢ်အပှ့ၤထဲလဲၣ်.” (အဝဲတသ့ၣ်ညါဘၣ်ဝဲလၢပိာ်မုၣ်န့ၣ်မ့ၢ်အဒဲၣ်မုၣ်ဘၣ်.)
ဒီးပိာ်မုၣ်အံၤစံးဆၢအီၤ, “နကဟ့ၣ်ယၤမနုၤလဲၣ်.”
17အဝဲစံးဆၢဝဲ, “ယကဆှၢလီၤန့ၢ်နၤမဲာ်တဲးလဲးဖိတဒုလၢ ယမဲာ်တဲးလဲးတဖုအကျါလီၤ.”
ပိာ်မုၣ်စံးဆၢအီၤ, “ဂ့ၤလံ. ဟ့ၣ်ယၤတၢ်တမံၤမံၤလၢယကပာ် အီၤဒ်အမ့ၢ်တၢ်ဟ့ၣ်ကီၤတမံၤအသိးတုၤနဆှၢလီၤမဲာ်တဲးလဲးတစု တက့ၢ်.”
18အဝဲသံကွၢ်ဝဲ, “ယကဘၣ်ဟ့ၣ်နၤတၢ်ဟ့ၣ်ကီၤမနုၤတမံၤန့ၣ် လဲၣ်.”
ပိာ်မုၣ်န့ၣ်စံးဆၢအီၤ, “နတၢ်စဲဃာ်ပနီၣ်ဒီးအပျံၤဒီးနီၣ် ထိးဘိလၢနစိာ်အီၤန့ၣ်လီၤ.” အဝဲဟ့ၣ်လီၤအီၤလၢတၢ်တဖၣ်န့ၣ်လီၤ. ဒီးအဝဲသ့ၣ်မံဃုာ်, ဒီးပိာ်မုၣ်အံၤဒၢထီၣ်ဝဲလီၤ. 19နီၢ်တၤမၢ်က့ၤဆူဟံၣ်, ဘ့ၣ်လီၤကွံာ်နီၣ်ကျၢၢ်ဘၢမဲာ်ဒီးကူ ထီၣ်သိးထီၣ်က့ၤအမုၣ်ကမဲအကူအသိးန့ၣ်လီၤ.
20စီၤယူဒၤမၢလီၤအတံၤသကိးစီၤဃံရၤဒ်သိးကလဲၤစိာ်မဲာ်တဲး လဲးဒီးမၤန့ၢ်က့ၤတၢ်အပီးအလီတဖၣ်လၢအပာ်ကီၤတ့ၢ်ဝဲလၢပိာ် မုၣ်အအိၣ်န့ၣ်လီၤ. ဘၣ်ဆၣ်ဒီးစီၤဃံရၤဃုပိာ်မုၣ်န့ၣ်တဘၣ်ဘၣ်. 21အဝဲသံကွၢ်ပှၤတနီၤလၢအအိၣ်ဖဲဝ့ၢ်အံန့ၢ်, “ပှၤဃဲသဲမုၣ်လၢအအိၣ်ဖဲကျဲအံၤအကပၤတဂၤမ့ၢ်အအိၣ်ဖဲ လဲၣ်.”
အဝဲသ့ၣ်စံးဆၢဝဲ, “ပှၤဃဲသဲမုၣ်တအိၣ်တ့ၢ်ဘၣ်ဖဲအံၤနီတဂၤ ဘၣ်.”
22အဝဲက့ၤကဒါက့ၤဆူစီၤယူဒၤအအိၣ်ဒီးစံးဝဲ, “ယဃုအီၤတဘၣ်ဘၣ်. ပှၤတဖၣ်လၢအအိၣ်ဖဲတၢ်လီၢ်န့ၣ်စံးဝဲလၢ ပှၤဃဲသဲမုၣ်တအိၣ်တ့ၢ်ဘၣ်ဖဲန့ၣ်နီတဂၤနီတစုဘၣ်.”
23စီၤယူဒၤစံးဆၢဝဲ, “မ်ပိာ်မုၣ်ဟံးန့ၢ်တၢ်သ့ၣ်တဖၣ်န့ၣ်တ က့ၢ်. ပတအဲၣ်ဒိးလၢပှၤကနံၤဘၣ်ဖၣ်လဲပှၤဘၣ်. ယကျဲးစၢးဟ့ၣ်အီၤတၢ်အပှ့ၤဘၣ်ဆၣ်နဃုအီၤတဘၣ်ဘၣ်.”
24သၢလါဝံၤအလီၢ်ခံန့ၣ်, ပှၤတဂၤစံးဘၣ်စီၤယူဒၤ, “နဒဲၣ်မုၣ်နီၢ်တၤမၢ်မၤအသးဒ်ပှၤဃဲသဲမုၣ်တဂၤအသိးဒီးခဲ ကနံၣ်အံၤဒၢထီၣ်ဝဲလံ.”
စီၤယူဒၤဟ့ၣ်လီၤအကလုၢ်, “ဟံးထီၣ်အီၤဒီးဒွဲၣ်သံကွံာ် အီၤလၢမ့ၣ်အူတက့ၢ်.” 25ဖဲအဝဲဘၣ်တၢ်ဟံးထီၣ်အီၤန့ၣ်အဝဲမၢပှၤစံးဘၣ်အမံၤပှၢ်ပိာ် ခွါ, “ယဒၢထီၣ်လၢပှၤပိာ်ခွါလၢတၢ်သ့ၣ်တဖၣ်မ့ၢ်အတၢ်န့ၣ်လီၤ. တၢ်စဲပနီၣ်ဒီးအပျံၤဒီးနီၣ်ထိးဘိအံၤ, မ့ၢ်မတၤအတၢ်လဲၣ်. ကွၢ်တၢ်တဖၣ်အံၤတက့ၢ်.”
26စီၤယူဒၤသ့ၣ်ညါနီၣ်တၢ်န့ၣ်တဖၣ်ဒီးစံးဝဲဒၣ်, “ပိာ်မုၣ်အံၤတဲတၢ်ဘၣ်လီၤ. ယလီၤတိၢ်ကွံာ်လၢယကမၤလၢပှဲၤ န့ၢ်တၢ်လၢယဂ့ၤမၤလၢအဂီၢ်လီၤ. ယကြၢးဟ့ၣ်တ့ၢ်အီၤလၢယဖိခွါစီၤၡ့လၤဒ်သိးကဒိးတ့ဒိး ဖျီအသးဒီးအီၤလီၤ.” ဒီးစီၤယူဒၤတမံဃုာ်လၢၤဒီးအီၤနီတစု လၢၤဘၣ်.
27တုၤတၢ်ဆၢကတီၢ်ဘၣ်ဝဲလၢကဆံးစၢ်န့ၣ်, တၢ်သ့ၣ်ညါဘၣ်ဝဲလၢအဝဲ ကမၤန့ၢ်အဖိသဃံာ်လီၤ. 28ဖဲအဟုးဆါအခါန့ၣ်, အဖိအကျါတဂၤအစုအိၣ်ဖျါထီၣ်တခီ, ဒီးပှၤကွၢ်ပဟုးဖီၣ်န့ၢ်ဒီးကံၢ်အစုလၢလုၣ်ဂီၤတဘိဒီးစံး ဝဲ, “အဝဲတဂၤအံၤအိၣ်ဖျဲၣ်ထီၣ်ဆိဝဲလီၤ.” 29ဘၣ်ဆၣ်ဖိသၣ်ပိာ်ခွါန့ၣ်ထုးနုာ်ကဒါက့ၤအစုဒီးအဒီပုၢ်ဝဲၢ် ခွါအိၣ်ဖျဲၣ်ထီၣ်ဆိဝဲန့ၣ်လီၤ. ဒီးပှၤကွၢ်ပဟုးစံးဝဲ, “နဘၢၣ်ဖျိထီၣ်တၢ်ဒ်အံၤတခီန့ၣ်ဧါ.” လၢတၢ်န့ၣ်အဃိယုၢ်န့ၢ်ဝဲအမံၤလၢစီၤဖ့ၤရ့းလီၤ. 30ဒီးအဒီပုၢ်ဝဲၢ်ခွါအိၣ်ဖျဲၣ်ထီၣ်အိၣ်ဒီးလုၣ်ဂီၤလၢအစုလိၤ ဒီးယုၢ်န့ၢ်ဝဲအမံၤလၢစီၤစ့ၤရးလီၤ.
Currently Selected:
လံာ်တၢ်ကဲထီၣ်အခီၣ်ထံး 38: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
