ທສົງ-ເມ່ງ ຫວ່າ 4
4
ທສົງ-ເມ່ງ ມ່າຍ ລ່ຳ ຫລົ່ງ ໄຫ່
1ຕສວັ໋ງ ຝຸຈ໊ວຍ ອ່າ, ອ໋ອຍ ຕສຸ ໝວັງ ເຕຍ ອຈ໋າວ ເຍີຍ ຫວ່າ,
ອ໋ອຍ ຕສຸ ຫລົ່ງ ໂຮຍ້ວ ໝວັງ ຕສ່ຽວ ໄຮ່ ເມ່ງ ແປະ.
2ເຢຍ ອຈ໋າວ ເມີ່ຍ ບົວ ເຊ ຫລົງ ໄຫ່ ເຍີຍ ເລີ໌ຍ,
ໄມ້ ຕູ໋ງ ກວັ່ງ ເຢຍ ອຈ໋າວ ເຍີຍ ຫວ່າ.
3ເຢຍ ໂຕສ໋ວ ຝຸຈ໊ວຍ-ໄຝ ເຖສົາ ເຢຍ ເຍີຍ ເຕຍ ຢຽມ ວົ້ວ ຕສັ່ນ,
ເຢຍ ເຊ ເຢຍ ເຍີຍ ມາ ຮນ້ຳ ເຍີຍ ໂດະ ຕອນ.
4ເຢຍ ເຍີຍ ເຕຍ ອຈ໋າວ ເຢຍ ຢ່າ ກ໊ອງ ບົ໋ວ ເຢຍ,
“ອ໋ອຍ ຕສຸ ຫລົ່ງ ໂຮຍ້ວ ໝວັງ ຫລົງ ເຕຍ ອຈ໋າວ ເຍີຍ ຫວ່າ,
ເອີຍ ຈ໊ຽນ ເຢຍ ຫັດ ເຍີຍ ຫວ່າ ຕສ່ຽວ ຕຸ໊ ແໝ່ງ ຕສຢັ້ງ.
5ອ໋ອຍ ຕສຸ ຕຸ໊ ທສົງ-ເມ່ງ, ອ໋ອຍ ຕສຸ ເມ່ງ ແປະ,
ໄມ້ ຕູ໋ງ ຫລະຄຸ ຢ່າ ໄມ້ ຕູ໋ງ ເລີ່ຍ ກວັ່ງ ເຢຍ ເຍີຍ ດສຸ້ຍ ກ໊ອງ ເຍີຍ ຫວ່າ.
6ໄມ້ ຕູ໋ງ ກວັ່ງ ທສົງ-ເມ່ງ, ທສົງ-ເມ່ງ ຕສ່ຽວ ໄຮ່ ເປວ ຈ໊ຽນ ເມີ່ຍ.
ອ໋ອຍ ຕສຸ ຮນ້ຳ ນິ່ນ, #4:6 ເປີ໊ຍ ໝັ່ງ ທສົງ-ເມ່ງ ຫວ່າ 3:15. ນິ່ນ ຕສ່ຽວ ໂກ໋ວ ຈ໊ຽນ ເມີ່ຍ.
7ທສົງ-ເມ່ງ ເຍີຍ ກອນ ເຊ ຮນັ້ງ ນ້າຍ. ອ໋ອຍ ຕສຸ ຕຸ໊ ທສົງ-ເມ່ງ,
ຢ່າ ໄມ້ ກຸ໊ນ ເມີ່ຍ ແອ໋ງ ຕຸ໊ ຫາຍ ຫຍູ່ງ, #4:7 ໄຟ “ໄມ້ ກຸ໊ນ ຫລົ່ງ ເດສ່ງ ເມີ່ຍ ມ່າຍ ເຍີຍ...” ອ໋ອຍ ຕສຸ ຕຸ໊ ໄຮ່ ເມ່ງ ແປະ ເຍີຍ ເຈົ໊າ.
8ອ໋ອຍ ຕສຸ ທ່າຍ ທສົງ-ເມ່ງ ເວີ່ຍ ຈ໋າຍ, ນິ່ນ ຕສ່ຽວ ເທສງ ເມີ່ຍ.
ເຊ ກ໊ອງ ເມີ່ຍ ທຈຳ ຈ໊ຽນ ນິ່ນ, ນິ່ນ ຕສ່ຽວ ທ່າຍ ເມີ່ຍ.
9ນິ່ນ ອ໋ອຍ ເຕສ໊າະ ນອມ ເດສວີ່ຍ ເຍີຍ ນີ້ງ ປຸນ ເມີ່ຍ ດົ໋ງ,
ເຕສ໊າະ ອຈັງ-ຫລ່າງ ເຍີຍ ນີ້ງ ຈິວ ປຸນ ເມີ່ຍ.”
10ເຢຍ ເຍີຍ ຕອນ ອ່າ, ເມີ່ຍ ອ໋ອຍ ຕສຸ ໝວັງ ຢ່າ ຕສິ໊ບ ເຢຍ ເຍີຍ ຫວ່າ,
ເຫວີ່ຍ ປຸນ ເມີ່ຍ ຕສຢັ້ງ ເຍີຍ ຮນອຍ-ເຫຍັຍ ດ໊າວ.
11ເຢຍ ອຈ໋າວ ທສົງ-ເມ່ງ ເຍີຍ ເຈົ໊າ ປຸນ ເມີ່ຍ.
ເຢຍ ຕໍ້ ເມີ່ຍ ຢັ້ງ ໂຕສ໋ວ ຫອບ ເຍີຍ ເຈົ໊າ.
12ເມີ່ຍ ຢັ້ງ ເຍີຍ ຕສຢັ້ງ ໂຫ່ ຕສ່ຽວ ໄມ້ ມ່າຍ ຫາຍ ຫຍູ່ງ ທ້ອງ ເມີ່ຍ ເຍີຍ ເຕສົ໋າ-ເບ່ຍ.
ເຊ ກ໊ອງ ເມີ່ຍ ຖິວ ເມີ່ຍ ຢ່າ ໄມ້ ດອບ.
13ອ໋ອຍ ຕສຸ ຕສັ່ນໆ ຈັ໋ງ ຈ໊ຽນ ເມີ່ຍ ໂຫະ ຮິ້ວ ເຍີຍ ເຈົ໊າ, ໄມ້ ຕູ໋ງ ປູ໋ງ ດ໊ອດ.
ອ໋ອຍ ຕສຸ ໂກ໋ວ ຫລົງ ເຫວີ່ຍ ຕສຸ ເມີ່ຍ ໂຫະ ຮິ້ວ ເຍີຍ ເຈົ໊າ ປຸນ ເມີ່ຍ ຕຸ໊ ແໝ່ງ ຕສຢັ້ງ.
14ໄມ້ ຕູ໋ງ ຢັ້ງ #4:14 ຮິບລູ ຫວ່າ ກ໊ອງ ເປັຍ. ເອ໊າະ ມ່ຽນ ຢັ້ງ ເຍີຍ ເຈົ໊າ,
ໄມ້ ຕູ໋ງ ກັນ ມ່ຽນ ຫວ່າຍ ມ່ຽນ ເຍີຍ ເຈົ໊າ-ໂຫລ່ວ.
15ອ໋ອຍ ຕສຸ ຊິ້ມ ອກອຍ, ໄມ້ ຕູ໋ງ ກັນ ໜ່າຍ ມີ່ງ,
ອ໋ອຍ ຕສຸ ຫວີ່ງ ຢັ້ງ ກັ້ນ ປູງ ເຈ໋ຍ.
16ເຫວີ່ຍ ຕສຸ ເອ໊າະ ມ່ຽນ ໄມ້ ຕຸ໊ ໂຕສ໋ວ ເອ໊າະ ສີ່, ນິ່ນ ບົວ ເປວີ໋ຍ ໄມ້ ອຈ້ອມ.
ໄມ້ ຕຸ໊ ຫ່ອຍ ມ່ຽນ ດິ໊ ຕສຸ ດອບ, ນິ່ນ ບົວ ເປວີ໋ຍ ໄມ້ ອອນ.
17ນິ່ນ ບົວ ໂຕສ໋ວ ເອ໊າະ ສີ່ ເຫວີ່ຍ ເປ໋ນ ນິ່ນ ບົວ ເຍີຍ ຫຮນາງ-ຕົ໋ນ,
ໂຕສ໋ວ ໂຕະ ເຍີຍ ສີ່ ເປ໋ນ ນິ່ນ ບົວ ເຍີຍ ອະຫງຸ່ນ ຕິ໊ວ.
18ມປ່າ ຄູ້ ມ່ຽນ ເຍີຍ ເຈົ໊າ ເຊ ຮນັ້ງ ລູ່ງ ດອມ ດສ໊ຽວ ເຍີຍ ອຈັງ,
ກຸ໊ນ ໂຕສ໋ວ ກຸ໊ນ ອຈັງ ເຖົາ ລູ່ງ ຕສຢັ໋ງ ອ໋ານ.
19ເອ໊າະ ມ່ຽນ ເຍີຍ ເຈົ໊າ ມັບ ແມ່ງ ມັບ ຫຮມວັງ ເຍີຍ,
ນິ່ນ ບົວ ໄມ້ ຮິ້ວ ຕຸ໊ ນິ່ນ ບົວ ດິ໊ ຕສຸ ຫາຍ ຫຍູ່ງ ດອບ.
20ເຢຍ ເຍີຍ ຕອນ ອ້າ! ໝວັງ ຫລົງ ເຢຍ ເຍີຍ ຫວ່າ,
ປູ໋ງ ມນ່ອມ ໝວັງ ເຢຍ ກ໊ອງ ເຍີຍ ຍິ່ນ ໂຍ໌ວ.
21ໄມ້ ຕູ໋ງ ປຸນ ນິ່ນ ບົວ ເລີ່ຍ ອກອຍ ເມີ່ຍ ເຍີຍ ມຕສີງ-ດ່າງ.
ອ໋ອຍ ຕສຸ ປຸນ ຢຽມ ເມີ່ຍ ເຍີຍ ໂຮຍ້ວ ຈັ໋ງ ຈ໊ຽນ.
22ເຫວີ່ຍ ຕສຸ ຫາຍ ເຕົ້າ ລໍ໌ ປວັດ ນ້າຍ ເຕີ໋ຍ ຫວ່າ ຕສ່ຽວ ຕຸ໊ ແໝ່ງ ຕສຢັ້ງ,
ຢ່າ ປຸນ ນິ່ນ ເຍີຍ ຊິນ ຕສັ່ງ ຢຽດ ຕສູ໊ງ ຫວັ່ງ ສຢັງ.
23ອ໋ອຍ ຕສຸ ໄຝ ຟິມ, ໂກ໋ວ ຫລົງ ກັ້ນ ເຍີຍ ໂຮຍ້ວ,
ເຫວີ່ຍ ຕສຸ ຕສຢັ້ງ ແໝ່ງ ເຍີຍ ກອນ ຢຽມ ໂຮຍ້ວ ທສວດ ຕ້າຍ.
24ເມີ່ຍ ອ໋ອຍ ຕສຸ ກວັ່ງ ເດສ່ງ ກ໊ອງ-ແປະ ດົ໊ວ ມ່ຽນ ເຍີຍ ຫວ່າ,
ປຸນ ຈ໊າ ເຍີຍ ຫວ່າ ເລີ່ຍ ອກອຍ ເມີ່ຍ ເຍີຍ ດສຸ້ຍ.
25ອ໋ອຍ ຕສຸ ປຸນ ເມີ່ຍ ເຍີຍ ມຕສີງ ໝັ່ງ ຕສະ ວົ້ວ ດ່າງ.
ອ໋ອຍ ຕສຸ ປູ໋ງ ມຕສີງ ໝັ່ງ ຕສຢັ໋ງ ວົ້ວ ດ່າງ ມີ່ງ.
26ອ໋ອຍ ຕສຸ ປຸນ ເມີ່ຍ ເຍີຍ ເຕສົ໋າ ຢັ້ງ ເຍີຍ ເຈົ໊າ ຢ້ວນ, #4:26 ໄຟ “ຫລົງໆ ເຍີຍ ຮນ້ຳ ເຖົາ ເມີ່ຍ ຢັ້ງ ເຍີຍ ເຈົ໊າ”.
ເມີ່ຍ ມີ່ງ ເຍີຍ ຕິ້ວໆ ເຈົ໊າ ຕສ່ຽວ ວ້ວນ. #ຮິບລູ 12:13
27ໄມ້ ຕູ໋ງ ພຽນ ມີ່ງ ຕສ໋າຍ ໄຟ ບຢ່າວ,
ອ໋ອຍ ຕສຸ ປຸນ ເມີ່ຍ ເຍີຍ ເຕສົ໋າ ເລີ່ຍ ອກອຍ ເອ໊າະ ເຍີຍ ເຈົ໊າ.
Currently Selected:
ທສົງ-ເມ່ງ ຫວ່າ 4: IuMiLAO
Highlight
Share
Copy
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.