ຟີເລມົນ 1
1
1ເຢຍ, ເປົາໂລ, ເຫວີ່ຍ ກີຕູ່ ເຢຊູ ຕສຸ ຫວວນ ຈ໊ຽນ ໂລ່. ເຢຍ ເຖສົາ ບົວ ເຍີຍ ໂຢ໌ວ, ທິໂມໄທ, ເຟ້ຍ ຝຽນ ປຸນ ເຢຍ ບົວ ຮນ້ຳ ເຍີຍ ຕ່ອຍ, ຕົ້ງ ເຖສົາ ເຢຍ ບົວ ຈວັ່ງ ກົງ ໂຕສ໋ວ ເຍີຍ ມ່ຽນ, ຟີເລມົນ, 2ຢ່າ ເຟ້ຍ ປຸນ ເຢຍ ບົວ ເຍີຍ ໝົ່ວ, ອັບເຟຍ, ແອ໋ງ ເຖສົາ ເຢຍ ບົວ ລົ່ມ ດສ້ອຍ ໂຕສ໋ວ ແປງ ວົ້ວ ເຕົ້າ ອານຄິບປັດ, #ໂຄໂລສີ 4:17 ເຖສົາ ຢຽມ ຟີເລມົນ ເຍີຍ ເປຢົ໊າ ກັ໊ບ ຕສຸ໊ນ ໂຕສ໋ວ ເລີ໌ຍ-ປ໋າຍ ເຍີຍ ຈິວ-ປາງ.
3ໂທ້ ບົວ ເຍີຍ ຕສັ່ງ ເຕ໋ຍ ທິນ-ຮູ່ງ ເຖສົາ ຕສ໊ຽວ ເຢຊູ ກີຕູ່ ເຖສີຍ ເອນ ເຖສີຍ ແປ້ງ ອອນ ປຸນ ເມີ່ຍ ບົວ.
ຟີເລມົນ ສຽນ ຫລົງ
4ຟີເລມົນ ໂຢ໌ວ ອ່າ, ເຢຍ ເຕົ໋າ ເກົ໋າ ເຍີຍ ຕສຢັ້ງ ໂຫ່ ເຢຍ ຈັ໋ງ ຕສຸ ເມີ່ຍ ຢ່າ ຕສັ່ນໆ ເຫວີ່ຍ ເມີ່ຍ ແລ໌ງ ຕສີ້ງ ເຢຍ ເຍີຍ ທິນ-ຮູ່ງ, 5ເຫວີ່ຍ ຕສຸ ເຢຍ ໄຮ໌ ກ໊ອງ ເມີ່ຍ ສຽນ ຫລົງ ຕສ໊ຽວ ເຢຊູ ຢ່າ ຮນ້ຳ ໄຫ່ ທິນ-ຮູ່ງ ເຍີຍ ຕສວັ໋ງ ມ່ຽນ. 6ເຢຍ ໂທ້ ທິນ-ຮູ່ງ ປຸນ ບົວ ເຫວີ່ຍ ບົວ ຕົ້ງ ຫຍູ່ງ ສຽນ ມ່າຍ ເຍີຍ ຈິວ ທົງ, ເຖງ ບົວ ຈາ ຮິ້ວ ຕຸ໊ ບົວ ເຖສົາ ກີຕູ່ ຈວັ່ງ ແໝ່ງ ຕສຢັ້ງ ຕຸ໊ ຕ້າຍ ຫລົງ ເຍີຍ ຢຽດ ຕສູ໊ງ. 7ໂຢ໌ວ ອ່າ, ເມີ່ຍ ດົ່ງ ໜ່າຍ ຮນ້ຳ ມ່ຽນ ປຸນ ເຢຍ ເກ້ງ ອຈຽນ-ໂຢ້ວ ອອນ-ເຫລາະ ໄຫ່, ເຫວີ່ຍ ຕສຸ ເມີ່ຍ ເຖງ ທິນ-ຮູ່ງ ເຍີຍ ຕສວັ໋ງ ມ່ຽນ ເຍີຍ ໂຮຍ້ວ ເຮ້ນ ເຈ໌ຍ ຕ້າຍ.
ເປົາໂລ ເຖງ ໂອເນສິມັດ ໂທ້ ຟີເລມົນ
8ເຫວີ່ຍ ຕສຸ ບົວ ເຊ ລົ່ມ ດສ້ອຍ ສຽນ ກີຕູ່ ເຍີຍ ກໍ໋-ໂຢ໌ວ, ເຢຍ ໄຮ່ ປູ໋ງ ຫລ່າງ ເຍີຍ ພ້າຍ ເມີ່ຍ ໂຕສ໋ວ ເມີ່ຍ ຫອບ ຕສຸ ໂຕສ໋ວ ເຍີຍ ສີ່. 9ມປ່າ ເຫວີ່ຍ ຕສຸ ເຢຍ ຮນ້ຳ ເມີ່ຍ, ເຢຍ ຖສີງ ຕ້າຍ ໂທ້ ເມີ່ຍ ຮນັ້ງ. ເຢຍ, ເປົາໂລ, ມ່ຽນ ໂກ໋ ມ່ຽນ, #9 ມ່ຽນ ໂກ໋ ມ່ຽນ ໄຟ ໂຕ່ວ ຝຽນ ມ່ຽນ. ອີ້ ຕສັ່ນ ຢ່າ ເຫວີ່ຍ ກີຕູ່ ເຢຊູ ຕສຸ ຫວວນ ຈ໊ຽນ ໂລ່. 10ເຢຍ ເຖງ ເຢຍ ເຍີຍ ຕອນ, ໂອເນສິມັດ, #10 ໂອເນສິມັດ ວົ້ວ ນອມ ບົ໋ວ ເຍີຍ ເອີ໋ຍ ເລີ໌ຍ ເຊ ມ່າຍ ລ່ຳ ຫລົ່ງ. ໂທ້. ເຢຍ ຕສຸ ຫວວນ ຈ໊ຽນ ໂລ່ ເຍີຍ ຕສຢັ້ງ ໂຫ່ ເຢຍ ຕຸ໊ ໂອເນສິມັດ ຕ້າຍ ໂຕສ໋ວ ເຢຍ ເຍີຍ ຕອນ. #ໂຄໂລສີ 4:9 11ຕສິ້ນ ດ່າງ ເມີ່ຍ ປວັດ ນິ່ນ ໄມ້ ລ່ຳ ຫລົ່ງ. ມປ່າ ອີ້ ຕສັ່ນ ນິ່ນ ເຫວີ່ຍ ເມີ່ຍ ຢ່າ ເຫວີ່ຍ ເຢຍ ມ່າຍ ລ່ຳ ຫລົ່ງ ໄຫ່ ອ໊ະ.
12ອີ້ ຕສັ່ນ ເຢຍ ຝູງ ນິ່ນ ດສ໋ວນ ເມີ່ຍ ໜ່າຍ, ເຊ ຮນັ້ງ ແມະ ຢຽດ ປ່ວນ ເຢຍ ເຍີຍ ບະດສິວ ກັນ ຈ໊ຽນ ມີ່ງ ໝີ່ ອ໊ະ ນໍ. 13ເຢຍ ເຫວີ່ຍ ຄູ້ ຝຽນ ຕສຸ ຫວວນ ຈ໊ຽນ ໂລ່ ຢ່າ ໄຮ໌ ອ໋ອຍ ລ່ຽວ ນິ່ນ ຢຽມ ນ້າຍ ຕີ໊ ເມີ່ຍ ເຖງ ເຢຍ. 14ມປ່າ ເຢຍ ໄມ້ ແກ້ງ ໂຕສ໋ວ ຫາຍ ຫຍູ່ງ ເຖົາ ເມີ່ຍ ອກອຍ ດສຸ້ຍ, ເຫວີ່ຍ ປຸນ ເມີ່ຍ ໂຕສ໋ວ ຫາຍ ຫຍູ່ງ ຫລົງ ເຊ ຢຽມ ເມີ່ຍ ກັ້ນ ມ່າຍ ໂຮຍ້ວ ໂຕສ໋ວ, ໄມ້ ເຕສີ໌ຍ ອ໊າບ ໂຕສ໋ວ.
15ເດສ໋ຍ ໂອເນສິມັດ ເລີ່ຍ ຖສາມ ປ໊າ ເມີ່ຍ ເຊ ເຫວີ່ຍ ປຸນ ເມີ່ຍ ຕຸ໊ ນິ່ນ ດສ໋ວນ ຕ້າຍ ຢຽດ ລິ໌ວ ຢຽມ. 16ມປ່າ ອີ້ ຕສັ່ນ ນິ່ນ ໄມ້ ເຕສີ໌ຍ ຂູງ ໂຕສ໋ວ ໂນ່ວ, ນິ່ນ ໂຕສ໋ວ ເກົ້າ ຫລົງ ເຈ໋ຍ ໂນ່ວ, ເຊ ໂຕສ໋ວ ຮນ້ຳ ເຍີຍ ກໍ໋-ໂຢ໌ວ. ເຢຍ ຕສະເກ້ງ ຮນ້ຳ ນິ່ນ, ມປ່າ ເມີ່ຍ ຕສູ໊ງ ອ໋ອຍ ຮນ້ຳ ນິ່ນ ເກົ້າ ທສ້ຳ ເຫວີ່ຍ ຕສຸ ນິ່ນ ເຊ ເມີ່ຍ ເຍີຍ ມ່ຽນ ຢ່າ ເຖສົາ ເມີ່ຍ ໂຕສ໋ວ ສຽນ ຕສ໊ຽວ ເຍີຍ ກໍ໋-ໂຢ໌ວ.
17ຮນັ້ງ ນ້າຍ, ເຊ ກ໊ອງ ເມີ່ຍ ຝຸນ ເຢຍ ເຖສົາ ເມີ່ຍ ຈວັ່ງ ກົງ ໂຕສ໋ວ ເຍີຍ ມ່ຽນ, ອ໋ອຍ ຕສຸ ຕສິ໊ບ ໂອເນສິມັດ ຮນັ້ງ ຕສິ໊ບ ເຢຍ ນໍ. 18ເຊ ກ໊ອງ ນິ່ນ ໂຕສ໋ວ ຫາຍ ຫຍູ່ງ ຕ່ອງ ເມີ່ຍ ໄຟ ຖຈຽມ ເມີ່ຍ ເຍີຍ ຫາຍ ຫຍູ່ງ ແຕສ໊ະ, ອ໋ອຍ ຕສຸ ຝຸນ ເປ໋ນ ເຢຍ ເຍີຍ. 19ເຢຍ ຫລົ່ງ ເຢຍ ກັ້ນ ເຍີຍ ປົ໌ວ ເຟ້ຍ ນ້າຍ. “ເຢຍ, ເປົາໂລ, ແລ໌ງ ຈ໊າວ ຊູງ ເມີ່ຍ.” ເຢຍ ໄມ້ ກ໊ອງ ເມີ່ຍ ຖຈຽມ ເຢຍ ເຍີຍ ແຕສ໊ະ, ເຊ ເມີ່ຍ ຕສູ໊ງ ຖຈຽມ ເມີ່ຍ ກັ້ນ ເຢຍ. 20ໂຢ໌ວ ອ່າ, ໂທ້ ເມີ່ຍ ເຫວີ່ຍ ຕສ໊ຽວ ຮນັ້ງ ນ້າຍ ນໍ ເຖງ ເຢຍ, ປຸນ ເຢຍ ເຍີຍ ໂຮຍ້ວ ອອນ-ເຫລາະ, ເຫວີ່ຍ ຕສຸ ບົວ ລົ່ມ ດສ້ອຍ ສຽນ ກີຕູ່.
21ເຢຍ ເຟ້ຍ ນ້າຍ ເຕສີ໊ຍ ຝຽນ, ເຢຍ ຮິ້ວ ຕີ່ງ ເມີ່ຍ ອ໋ອຍ ເອີຍ ຈ໊ຽນ ເຢຍ ໂທ້ ເຍີຍ ໂຕສ໋ວ. ຢ່າ ຮິ້ວ ຕຸ໊ ເມີ່ຍ ຕສູ໊ງ ອ໋ອຍ ໂຕສ໋ວ ທສ້ຳ ເຈ໋ຍ ດ່າງ ເຢຍ ໂທ້ ເຍີຍ. 22ແອ໋ງ ມ່າຍ ຕິ່ວ. ໂທ້ ເມີ່ຍ ບົວ ຫລິ່ວ ເລີ໌ຍ ຕ໋ອງ ປຸນ ເຢຍ ຮິດ. ເຢຍ ຮນ້ຳ ຕ້າຍ ທິນ-ຮູ່ງ ອ໋ອຍ ເຕົາ ເມີ່ຍ ບົວ ເຕົ໋າ ເກົ໋າ ເຍີຍ ຫວ່າ ປຸນ ເຢຍ ໄມ້ ເລົ່າ ແອ໋ງ ຕຸ໊ ດສ໋ວນ ເມີ່ຍ ບົວ ໜ່າຍ.
ເຊດ ເມວີ໌ຍ ຫວ່າ
23ເອປາຟາ, #ໂຄໂລສີ 1:7; 4:12 ຕົ້ງ ເຫວີ່ຍ ກີຕູ່ ເຢຊູ ຕສຸ ເຖສົາ ເຢຍ ຫວວນ ຈ໊ຽນ ນ້າຍ ໂລ່ ວົ້ວ ເຕົ້າ, ຈັ໋ງ ເຖົາ ເມີ່ຍ ບົວ. 24ເຖສົາ ເຢຍ ຈວັ່ງ ກົງ ໂຕສ໋ວ ເຍີຍ ມ່ຽນ, ມາໂຄ, #ກົງ-ໂຕສ້ 12:12,25; 13:13; 15:37-39; ໂຄໂລສີ 4:10 ອາລິດທາຄັດ, #ກົງ-ໂຕສ້ 19:29; 27:2; ໂຄໂລສີ 4:10 ເດມາດ #ໂຄໂລສີ 4:14; 2 ທິໂມໄທ 4:10 ເຖສົາ ລູກາ #ໂຄໂລສີ 4:14; 2 ທິໂມໄທ 4:11 ຢ່າ ຈັ໋ງ ເຖົາ ເມີ່ຍ ບົວ. 25ໂທ້ ຕສ໊ຽວ ເຢຊູ ກີຕູ່ ເຖສີຍ ເອນ ປຸນ ເມີ່ຍ ບົວ. #25 ກີກ ຫວ່າ ກ໊ອງ “ໂທ້ ຕສ໊ຽວ ເຢຊູ ກີຕູ່ ເຍີຍ ເອນ ເຖສົາ ເມີ່ຍ ບົວ ເຍີຍ ລີ່ງ ວ່ວນ ຢຽມ”.
Currently Selected:
ຟີເລມົນ 1: IuMiLAO
Highlight
Share
Copy
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.
