ມັດທາຍ 6
6
ເຢຊູ ອຈ໋າວ ມ່ຽນ ທສວດ ຟິມ ເຍີຍ ເຈົ໊າ ຮນັ້ງ ຫາຍ ນໍ
1“ເມີ່ຍ ບົວ ອ໋ອຍ ຕສຸ ໄຝ ຟິມ. ທິນ-ຮູ່ງ ອ໋ອຍ ເມີ່ຍ ບົວ ໂຕສ໋ວ ເຍີຍ ຄູ້ ສີ່ ໄມ້ ຕູ໋ງ ຕອງ ຕສວັ໋ງ ໂຕສ໋ວ ເຫວີ່ຍ ປຸນ ມ່ຽນ ປວັດ. ເຊ ກ໊ອງ ເມີ່ຍ ບົວ ຕອງ ຕສວັ໋ງ ໂຕສ໋ວ, ເມີ່ຍ ບົວ ໄມ້ ຕຸ໊ ຕສິ໊ບ ທິນ-ຕ້ອງ ເຕ໋ຍ ປຸນ ເຍີຍ ຕສີ້ງ ເຫຍີ່ຍ. #ມັດທາຍ 23:5
2“ວົ້ວ ຫຍູ່ງ, ເມີ່ຍ ທສວດ ຟິມ ເຖງ ມ່ຽນ ຈົ່ມ ມ່ຽນ, ໄມ້ ຕູ໋ງ ຮູໆ ຮຢ້າງໆ ເຍີຍ ໂຕສ໋ວ, ຮນັ້ງ ເປີ້ຍ ຕສະ ໂຮຍ້ວ ອຈ໊ວດ ເຍີຍ ມ່ຽນ ຢຽມ ຫວຸ່ຍ ຕ້ອງ ຢ່າ ຢຽມ ຈາຍ-ຫ່ອງ ໂຕສ໋ວ, ເຫວີ່ຍ ອ໋ອຍ ປຸນ ມ່ຽນ ເທສງ ນໍ. ເຢຍ ບົ໋ວ ຕສຽນ ເມີ່ຍ ບົວ, ນິ່ນ ບົວ ເຍີຍ ຕສີ້ງ ເຫຍີ່ຍ ນິ່ນ ບົວ ຕຸ໊ ຕສິ໊ບ ລິ໌ວ ອ໊ະ. 3ທສວດ ຟິມ ເຖງ ມ່ຽນ ຈົ່ມ ມ່ຽນ ວົ້ວ ຕສັ່ນ, ລ່ຽມ ໄມ້ ຕູ໋ງ ປຸນ ເມີ່ຍ ຕສົວະ ເຈ໋ຍ ເຍີຍ ໂລ໌-ແກງ ຕ່ອຍ #6:3 ຟານ ຕສະ ກີກ ຫວ່າ ກ໊ອງ “ລ່ຽມ ໄມ້ ຕູ໋ງ ປຸນ ເມີ່ຍ ເຍີຍ ຕສ໋າຍ ເຈັ໊ຍ ປົ໌ວ ຮິ້ວ ຕຸ໊ ເມີ່ຍ ເຍີຍ ບຢ່າວ ເຈັ໊ຍ ປົ໌ວ ໂຕສ໋ວ ເຍີຍ ສີ່”. ຮິ້ວ.
4“ຮນັ້ງ ໜ່າຍ, ໄມ້ ມ່າຍ ຫາຍ ເຕົ້າ ຮິ້ວ ຕຸ໊ ເມີ່ຍ ໂຕສ໋ວ ນ້າຍ ເຕີ໋ຍ ເຈົ໊າ, ມປ່າ ເມີ່ຍ ເຍີຍ ຕສັ່ງ ເຕ໋ຍ, ຕົ້ງ ໝັ່ງ ຕຸ໊ ປວັດ ເມີ່ຍ ເກມ ຈ໊ຽນ ໂຕສ໋ວ ເຍີຍ ສີ່, ຕສ່ຽວ ປຸນ ຕສີ້ງ ເຫຍີ່ຍ ເມີ່ຍ ອ໊ະ.
ເຢຊູ ອຈ໋າວ ເຕົ໋າ ເກົ໋າ ເຍີຍ ເຈົ໊າ
(ເປີ໊ຍ ໝັ່ງ ລູກາ 11:2-4)
5“ເມີ່ຍ ບົວ ຫາຍ ຕສັ່ນ ເຕົ໋າ ເກົ໋າ, ໄມ້ ຕູ໋ງ ໂຕສ໋ວ ຮນັ້ງ ເປີ້ຍ ຕສະ ໂຮຍ້ວ ອຈ໊ວດ ເຍີຍ ມ່ຽນ. ນິ່ນ ບົວ ອະເຮນີ້ຍ ໂຊ້ວ ຈ໊ຽນ ວົ້ວ ຫວຸ່ຍ ຕ້ອງ ຢ່າ ໂຊ້ວ ວົ້ວ ຈາຍ-ຫ່ອງ ເຍີຍ ເຈົ໊າ-ຖສາ ເຕົ໋າ ເກົ໋າ ເຫວີ່ຍ ປຸນ ຕສວັ໋ງ ມ່ຽນ ປວັດ. ເຢຍ ບົ໋ວ ຕສຽນ ເມີ່ຍ ບົວ, ນິ່ນ ບົວ ເຍີຍ ຕສີ້ງ ເຫຍີ່ຍ ນິ່ນ ບົວ ຕຸ໊ ຕສິ໊ບ ລິ໌ວ ອ໊ະ. #ລູກາ 18:10-14 6ເມີ່ຍ ເຕົ໋າ ເກົ໋າ ເຍີຍ ຕສຢັ້ງ ໂຫ່, ອ໋ອຍ ຕສຸ ເປັຍ ເກນ ມີ່ງ, ກວນ ຈ໊ຽນ ແກ້ງ, ເຖສົາ ເມີ່ຍ ໝັ່ງ ໄມ້ ປວັດ ເຍີຍ ຕສັ່ງ ເຕ໋ຍ ກ໊ອງ ຫວ່າ. ຮນັ້ງ ໜ່າຍ, ເມີ່ຍ ເຍີຍ ຕສັ່ງ ເຕ໋ຍ, ຕົ້ງ ໝັ່ງ ປວັດ ເມີ່ຍ ເກມ ຈ໊ຽນ ໂຕສ໋ວ ເຍີຍ ສີ່, ຕສ່ຽວ ປຸນ ຕສີ້ງ ເຫຍີ່ຍ ເມີ່ຍ ອ໊ະ.
7“ເມີ່ຍ ບົວ ເຕົ໋າ ເກົ໋າ ເຍີຍ ຕສຢັ້ງ ໂຫ່, ໄມ້ ຕູ໋ງ ພານ ມີ່ງ ພົວະ ດສ໋ວນ ເຍີຍ ກ໊ອງ ຮນັ້ງ ໄມ້ ແກ້ງ ຮິ້ວ ຕຸ໊ ທິນ-ຮູ່ງ ວົ້ວ ເຕີ໋ຍ ມ່ຽນ ນໍ. ນິ່ນ ບົວ ຫລ່າຍ ກ໊ອງ ຫວ່າ ທສ້ຳ ທິນ-ຮູ່ງ ຖສີງ ຕ້າຍ ໝວັງ ຕຸ໊ ໄຮ໌ ນິ່ນ ບົວ ເຕົ໋າ ເກົ໋າ ເຍີຍ ຫວ່າ. 8ໄມ້ ຕູ໋ງ ຮນັ້ງ ນິ່ນ ບົວ ນໍ ໂຕສ໋ວ. ເມີ່ຍ ບົວ ໄມ້ ແກ້ງ ໂທ້, ເມີ່ຍ ບົວ ເຍີຍ ຕສັ່ງ ເຕ໋ຍ ຕສູ໊ງ ຈາ-ດ່າງ ຮິ້ວ ຕຸ໊ ເມີ່ຍ ບົວ ຖຈຽມ ຕສຸ ເຍີຍ ຫຍູ່ງໆ.
9“ເມີ່ຍ ບົວ ຫອບ ຕສຸ ຮນັ້ງ ນ້າຍ ນໍ ເຕົ໋າ ເກົ໋າ.
‘ເຢຍ ບົວ ເຍີຍ ທິນ-ຕ້ອງ ເຕ໋ຍ ອ້າ!
ໂທ້ ປຸນ ມ່ຽນ ທ່າຍ ເມີ່ຍ ເຍີຍ ທສີງ-ເດສ່ງ ບົ໋ວ.
10ໂທ້ ປຸນ ເມີ່ຍ ໂຕສ໋ວ ຕສ໊ຽວ ກຸ໊ນ ມ່ຽນ ເຍີຍ ຮນອຍ ເຖົາ.
ໂທ້ ປຸນ ຢຽມ ນ້າຍ ປ້າມ ເກນ ຫຍູ່ງໆ ເອີຍ ເມີ່ຍ ເຍີຍ ເອີ໋ຍ ທສວດ ຕ້າຍ,
ຮນັ້ງ ຢຽມ ທິນ-ຕ້ອງ ຫຍູ່ງໆ ເອີຍ ເມີ່ຍ ເຍີຍ ເອີ໋ຍ ທສວດ ຕ້າຍ ນໍ.
11ເຢຍ ບົວ ຮນອຍໆ ຖຈຽມ ຕສຸ ເຍີຍ ຫຍັ່ນ ຮົບ, ໂທ້ ປຸນ ເກົ໋າ ອີ້ ຮນອຍ ຫຍັ່ນ.
12ໂທ້ ກວັ່ງ ເຢຍ ບົວ ໂຕສ໋ວ ເຍີຍ ຕສຸ໌ຍ,
ຮນັ້ງ ເຢຍ ບົວ ກວັ່ງ ໂຕສ໋ວ ຕ່ອງ ເຢຍ ບົວ ວົ້ວ ເຕີ໋ຍ ມ່ຽນ ເຍີຍ ຕສຸ໌ຍ ນໍ.
13ໄມ້ ຕູ໋ງ ປຸນ ເຢຍ ບົວ ປວັ້ງ ເສີຍ ໂຮຍ້ວ ເຍີຍ ສີ່,
ມປ່າ ໂອຈ໋ວ ເຢຍ ບົວ ເລີ່ຍ ດຸ໊ດ ຮຢວັງ ເອ໊າະ ວົ້ວ ເຕົ້າ. #6:13 ມ່າຍ ເຕີ໋ຍ ໂລ໌-ຮນອຍ ເຍີຍ ກີງ-ໂຊວ ຢ່າ ທິບ 6:13 ເຕວີ໊ຍ ວົ້ວ ເຕີ໋ຍ ຫວ່າ.
ເຫວີ່ຍ ຕສຸ ເມີ່ຍ ຢຽດ ລິ໌ວ ມ່າຍ ຮູ່ງ ຫລີ່ງ,
ມ່າຍ ທຈະ, ມ່າຍ ອຈັງ-ຫລ່າງ,
ເຖົາ ໝ່ານ ໂກ໊ວ ໝ່ານ ຕ່ອຍ. ອາເມນ.’
14“ເຊ ກ໊ອງ ມ່ຽນ ຕ່ອງ ເມີ່ຍ ບົວ, ເມີ່ຍ ບົວ ຢ່າ ກວັ່ງ ປຸນ ນິ່ນ ບົວ ນໍ, ເມີ່ຍ ບົວ ເຍີຍ ທິນ-ຕ້ອງ ເຕ໋ຍ ຢ່າ ກວັ່ງ ເມີ່ຍ ບົວ ເຍີຍ ຕສຸ໌ຍ. #ມາໂຄ 11:25-26 15ມປ່າ ມ່ຽນ ຕ່ອງ ເມີ່ຍ ບົວ, ເມີ່ຍ ບົວ ຢ່າ ໄມ້ ກວັ່ງ ນໍ, ເມີ່ຍ ບົວ ເຍີຍ ຕສັ່ງ ເຕ໋ຍ ຢ່າ ໄມ້ ກວັ່ງ ເມີ່ຍ ບົວ ເຍີຍ ຕສຸ໌ຍ.
ເຢຊູ ອຈ໋າວ ມ່ຽນ ເຕສີຍ ໄມ້ ຫຍັ່ນ ຫາຍ ຫຍູ່ງ
16“ເມີ່ຍ ບົວ ເຕສີຍ ໄມ້ ຫຍັ່ນ ຫາຍ ຫຍູ່ງ ວົ້ວ ຕສັ່ນ, ໄມ້ ຕູ໋ງ ໂຕສ໋ວ ຮມຽນ ຫຮມວັງ ຮນັ້ງ ເປີ້ຍ ຕສະ ໂຮຍ້ວ ອຈ໊ວດ ເຍີຍ ມ່ຽນ ໂຕສ໋ວ. ນິ່ນ ບົວ ໂຕສ໋ວ ຮມຽນ ຫຮມວັງ ຮນັ້ງ ໂຄ້ວໆ ວົ້ວ, ອ໋ອຍ ຕສວັ໋ງ ມ່ຽນ ເຕສັ໊ຍ ຕຸ໊ ນິ່ນ ບົວ ເຕສີຍ ໄມ້ ຫຍັ່ນ ຫາຍ ຫຍູ່ງ. ເຢຍ ບົ໋ວ ຕສຽນ ເມີ່ຍ ບົວ, ນິ່ນ ບົວ ເຍີຍ ຕສີ້ງ ເຫຍີ່ຍ ນິ່ນ ບົວ ຕຸ໊ ຕສິ໊ບ ລິ໌ວ ອ໊ະ. 17ເມີ່ຍ ບົວ ເຕສີຍ ໄມ້ ຫຍັ່ນ ຫາຍ ຫຍູ່ງ ເຍີຍ ຕສຢັ້ງ ໂຫ່, ອ໋ອຍ ຕສຸ ດສ໋າວ ເດສ່ງ ຮມຽນ, ເຕສ໊າະ ໂຢ້ວ ດສ໊າດ ຈ໊ຽນ ບະເປຢີຍ ໄປ່ ຊູງ 18ເຫວີ່ຍ ໄມ້ ປຸນ ມ່ຽນ ຮິ້ວ ຕຸ໊ ເມີ່ຍ ເຕສີຍ. ຂູງ ເມີ່ຍ ໝັ່ງ ໄມ້ ປວັດ ເຍີຍ ຕສັ່ງ ເຕ໋ຍ ຮິ້ວ ຮນັ້ງ. ເມີ່ຍ ເຍີຍ ຕສັ່ງ ເຕ໋ຍ, ຕົ້ງ ໝັ່ງ ຕຸ໊ ປວັດ ເມີ່ຍ ເກມ ຈ໊ຽນ ໂຕສ໋ວ ເຍີຍ ສີ່, ຕສ່ຽວ ປຸນ ຕສີ້ງ ເຫຍີ່ຍ ເມີ່ຍ ອ໊ະ.
ອ໋ອຍ ຕສຸ ຊຽວ ຈ໋າຍ ເຍີຍ ກະນ້າຍ ຢຽມ ທິນ-ຕ້ອງ
(ເປີ໊ຍ ໝັ່ງ ລູກາ 12:33-34)
19“ໄມ້ ຕູ໋ງ ເຫວີ່ຍ ກັ້ນ ຊຽວ ຈ໋າຍ ເຍີຍ ກະນ້າຍ ຢຽມ ນ້າຍ ປ້າມ ເກນ, ເຫວີ່ຍ ຕສຸ ໄຮ່ ເຈ໋ຍ ສຽວ ເຈ໋ຍ ດສີ໋ງ ເຍີຍ. ແກງ ຢ່າ ໄຮ່ ຫງາດ ຫວ່າຍ ເດສ່ງ. ຈັ໋ນ-ຕສະ ຢ່າ ໄຮ່ ເປ໊ດ ເປັຍ ຕ້າຍ ໜິ່ມ. #ຢາກອບ 5:2-3 20ອ໋ອຍ ຕສຸ ເຫວີ່ຍ ກັ້ນ ຊຽວ ຈ໋າຍ ເຍີຍ ກະນ້າຍ ຢຽມ ວົ້ວ ທິນ-ຕ້ອງ ເຫວີ່ຍ ຕສຸ ໄມ້ ໄຮ່ ເຈ໋ຍ ສຽວ ເຈ໋ຍ ດສີ໋ງ. ແກງ ຢ່າ ໄມ້ ໄຮ່ ຫງາດ ຫວ່າຍ. ຈັ໋ນ-ຕສະ ຢ່າ ໄມ້ ໄຮ່ ເປ໊ດ ເປັຍ ຕ້າຍ ໜິ່ມ. 21ເມີ່ຍ ຊຽວ ຈ໋າຍ ເຍີຍ ກະນ້າຍ ຢຽມ ຫາຍ ນອມ ຕ໋ອງ, ເມີ່ຍ ເຍີຍ ໂຮຍ້ວ ຫາຍ ຕສັ່ນ ຢ່າ ຈັ໋ງ ຈ໊ຽນ ວົ້ວ ອ໊ະ.
ມຕສີງ ເປີ໊ຍ ຊິນ ເຍີຍ ຕັງ
(ເປີ໊ຍ ໝັ່ງ ລູກາ 11:34-36)
22“ມຕສີງ ເປີ໊ຍ ຊິນ ເຍີຍ ຕັງ. ເຊ ກ໊ອງ ເມີ່ຍ ເຍີຍ ມຕສີງ ອຈັງ ນໍ, ຕສຢັ້ງ ຊິນ ຕສ່ຽວ ອຈັງ ເດສ່ງ. 23ເມີ່ຍ ເຍີຍ ມຕສີງ ໄມ້ ອຈັງ ນໍ, ເມີ່ຍ ເຍີຍ ຊິນ ຕສ່ຽວ ຫຮມວັງ ອ໊ະ. ຮນັ້ງ ໜ່າຍ, ເຊ ກ໊ອງ ຢຽມ ເມີ່ຍ ກະຍົ໌ວ ເຍີຍ ອຈັງ ຫຮມວັງ ມີ່ງ, ຕສ່ຽວ ຕສະເກ້ງ ຫຮມວັງ ໄຫ່ ອ໊ະ.
ໄມ້ ໄຮ່ ໂຕສ໋ວ ອີ ເຕົ້າ ຕສ໊ຽວ ເຍີຍ ໂປວ
(ເປີ໊ຍ ໝັ່ງ ລູກາ 16:13)
24“ໄມ້ ມ່າຍ ຫາຍ ເຕົ້າ ໄຮ່ ໂຕສ໋ວ ຕຸ໊ ອີ ເຕົ້າ ຕສ໊ຽວ ເຍີຍ ໂປວ. ຮນັ້ງ ໜ່າຍ, ນິ່ນ ອ໋ອຍ ດສອງ ນ້າຍ ເຕົ້າ, ອ໋ອຍ ຮນ້ຳ ວົ້ວ ເຕົ້າ. ໄມ້ ເຕສີຍ ແອ໊ະ, ນິ່ນ ອ໋ອຍ ທ່າຍ ນ້າຍ ເຕົ້າ, ອ໋ອຍ ໝັ່ງ ເຜຍ ວົ້ວ ເຕົ້າ. ເມີ່ຍ ບົວ ໄມ້ ໄຮ່ ຕົ້ງ ຕັ້ງ ໂຕສ໋ວ ທິນ-ຮູ່ງ ເຍີຍ ໂປວ ຢ່າ ໂຕສ໋ວ ຍ່ານ ເຍີຍ ໂປວ.
ໄມ້ ຕູ໋ງ ຂວນ ໂຮຍ້ວ ເສີຍ ຕສັ່ງ ເຍີຍ ເຈົ໊າ
(ເປີ໊ຍ ໝັ່ງ ລູກາ 12:22-31)
25“ເຫວີ່ຍ ນ້າຍ ເຢຍ ກ໊ອງ ບົ໋ວ ເມີ່ຍ ບົວ, ໄມ້ ຕູ໋ງ ເຫວີ່ຍ ຢູ໌ງ ແໝ່ງ ເຍີຍ ຫຍັ່ນ ຮົບ ຂວນ ໂຮຍ້ວ. ຢ່າ ໄມ້ ຕູ໋ງ ເຫວີ່ຍ ຊິນ ຕສັ່ງ ເຍີຍ ລຸຍ-ໂຫວ ຂວນ ໂຮຍ້ວ. ແໝ່ງ ເກົ້າ ຈ໋າຍ ເຈ໋ຍ ຫຍັ່ນ ຮົບ ໄມ້ ເຕສີ໌ຍ? ຊິນ ຢ່າ ເກົ້າ ຈ໋າຍ ເຈ໋ຍ ລຸຍ-ໂຫວ ໄມ້ ເຕສີ໌ຍ? 26ໝັ່ງ ກ໋າ, ໄດ໋ ດ໊າມ-ລູ່ງ ເຍີຍ ເໜາະ! ນິ່ນ ບົວ ໄມ້ ຕສວັ໋ງ ຫາຍ ຫຍູ່ງ ຢ່າ ໄມ້ ຊຽວ ຕັ໊ບ ລ໌ຳ. ມປ່າ ເມີ່ຍ ບົວ ເຍີຍ ທິນ-ຕ້ອງ ເຕ໋ຍ ຫວຸຍ ນິ່ນ ບົວ. ເມີ່ຍ ບົວ ຕສູ໊ງ ເກົ້າ ຈ໋າຍ ເຈ໋ຍ ເໜາະ ໄມ້ ເຕສີ໌ຍ? 27ເມີ່ຍ ບົວ ຫາຍ ເຕົ້າ ຫລາຍ ຂວນ ໂຮຍ້ວ ໄຮ່ ເປ໊າະ ຕຸ໊ ແໝ່ງ ດ໊າວ ເຕີ໋ຍ? #6:27 ໄຟ “ໄຮ່ ປຸນ ຊິນ ຮລັງ ເຕີ໋ຍ?” ໄຟ “ໄຮ່ ປຸນ ຊິນ ເກົ້າ ຮລັງ ຢຽດ ເດາະ?”
28“ເມີ່ຍ ບົວ ເຫວີ່ຍ ຫາຍ ຕິ່ວ ຫລາຍ ລຸຍ-ໂຫວ ຂວນ ໂຮຍ້ວ? ຮນ້ຳ ໝັ່ງ ກ໋າ, ຫລົ່ມ ເຍີຍ ແປະ ເຫາະ ປຢັ້ງ ຮນັ້ງ ຫາຍ ນໍ ຕສຢັ້ງ! ປຢັ້ງ ໄມ້ ໂຕສ໋ວ ກົງ, ໄມ້ ແປງ ສຸຍ ດັ໊ດ ເດຍ. 29ມປ່າ ເຢຍ ບົ໋ວ ເມີ່ຍ ບົວ, ລ່ຽມ ຊາໂລມອນ ຮູ່ງ ດົ່ງ ໜ່າຍ ປຸ໊ດ ຕສ້ອຍ, ຢ່າ ໄມ້ ມ່າຍ ຕສອງ-ຕສຸ໊ ດົ່ງ ຢຽດ ຕໍ໊ ນ້າຍ ເຕີ໋ຍ ປຢັ້ງ ເດສວີ່ຍ. #1 ຮູ່ງ ໂຕ້ວ 10:4-7; 2 ຕສຸ້ນ ຕ່ອຍ ໂຕ້ວ 9:3-6 30ຫລົ່ມ ເຍີຍ ເມ້ຍ ອີ້ ຮນອຍ ຕສຢັ້ງ, ອຈັງ ຮນອຍ ໂຄວ ອກາຍ, ຕສຸ ໂຕ໌ວ ປົ໊ວ, ມປ່າ ທິນ-ຮູ່ງ ຕສອງ ເມ້ຍ ເດສວີ່ຍ. ວົ້ວ ຫຍູ່ງ, ທິນ-ຮູ່ງ ເກົ້າ ອ໋ອຍ ຕສອງ ເມີ່ຍ ບົວ ໄມ້ ເຕສີ໌ຍ? ເມີ່ຍ ບົວ ສຽນ ຕຸ໊ ເຮີຍ ໄຫ່ ເວ່ະ!
31“ຮນັ້ງ ໜ່າຍ, ໄມ້ ຕູ໋ງ ຂວນ ໂຮຍ້ວ ກ໊ອງ, ‘ເຢຍ ບົວ ຮນັ້ງ ຫາຍ ນໍ ໄຮ່ ລໍ໌ ຕຸ໊ ຫຍັ່ນ ລໍ໌ ຕຸ໊ ຮົບ, ລໍ໌ ຕຸ໊ ລຸຍ-ໂຫວ ຕສຸ໊?’ 32ໄມ້ ແກ້ງ ສຽນ ທິນ-ຮູ່ງ ວົ້ວ ເຕີ໋ຍ ມ່ຽນ ຫາຍ ຕສັ່ນ ຢ່າ ຂູງ ລໍ໌ ນ້າຍ ເຕີ໋ຍ ກະນ້າຍ ຮນັ້ງ. ເມີ່ຍ ບົວ ເຍີຍ ທິນ-ຕ້ອງ ເຕ໋ຍ ຮິ້ວ ຕຸ໊ ເມີ່ຍ ບົວ ຖຈຽມ ຕສຸ ຫລົ່ງ ນ້າຍ ເຕີ໋ຍ ກະນ້າຍ. 33ເກົ້າ ຫລົ່ງ ຈ໊ຽນ ເຈ໋ຍ, ເມີ່ຍ ບົວ ອ໋ອຍ ຕສຸ ປຸນ ທິນ-ຮູ່ງ ໂຕສ໋ວ ຕສ໊ຽວ ກຸ໊ນ ເມີ່ຍ ບົວ ດ່າງ, ຢ່າ ອ໋ອຍ ຕສຸ ເອີຍ ເດສ່ງ ນິ່ນ ເຍີຍ ເອີ໋ຍ, ນ້າຍ ເຕີ໋ຍ ຢຽດ ຕສູ໊ງ ເຍີຍ ກະນ້າຍ ນິ່ນ ຕສ່ຽວ ຈາ ທິບ ປຸນ ເມີ່ຍ ບົວ. 34ເຫວີ່ຍ ນ້າຍ ເມີ່ຍ ບົວ ໄມ້ ຕູ໋ງ ເດສົ້າ ອຈັງ ຮນອຍ ເຍີຍ ສີ່. ອຈັງ ຮນອຍ ເຍີຍ ສີ່ ມ່າຍ ເກົ໋າ ອຈັງ ຮນອຍ ເດສົ້າ. ໂມ໌ວ ຮນອຍ ມ່າຍ ໂມ໌ວ ຮນອຍ ເຍີຍ ສີ່ ເດສົ້າ ເກົ໋າ ອ໊ະ.
Currently Selected:
ມັດທາຍ 6: IuMiLAO
Highlight
Share
Copy
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.
