ໂຢຮັນ 8
8
ມເຊັຍ ຕອນ ຫຮຢຽນ ໂອກ໋ ຕສຸ ມ່ຽນ ເຕສ໊າະ ຕ້າຍ
1ມປ່າ ເຢຊູ ມີ່ງ ວົ້ວ ກະລັ້ນ ບົງ. 2ຕະເຫຍີ່ຍ ດອມ ດສ໊ຽວ ເຍີຍ, ເຢຊູ ແອ໋ງ ມີ່ງ ຕສັ່ງ ທິນ-ຮູ່ງ ເຍີຍ ເປຢົ໊າ. ຕສວັ໋ງ ມ່ຽນ ຕ້າຍ ກັ໊ບ ຕສຸ໊ນ ນິ່ນ ວົ້ວ. ນິ່ນ ຕສ່ຽວ ເຕສວີ໌ຍ ຈ໊ຽນ ອຈ໋າວ ນິ່ນ ບົວ. 3ມ່າຍ ເຕີ໋ຍ ອຈ໋າວ ເລີ໌ຍ ເຍີຍ ຟິນ-ແຊງ ເຖສົາ ຟາລິສີ ມ່ຽນ ຕໍ້ ເຕົ້າ ຫຮຢຽນ ຈ໊ຽນ ໂອກ໋ ເຕສ໊າະ ຕ້າຍ ເຍີຍ ມເຊັຍ ຕອນ, ປຸນ ນິ່ນ ໂຊ້ວ ຈ໊ຽນ ຕສວັ໋ງ ມ່ຽນ ເຍີຍ ດສະຮມຽນ. 4ນິ່ນ ບົວ ກ໊ອງ ບົ໋ວ ເຢຊູ, “ຟິນ-ແຊງ ອ້າ! ນ້າຍ ເຕົ້າ ມເຊັຍ ຕອນ ຫຮຢຽນ ຈ໊ຽນ ໂອກ໋ ວົ້ວ ຕສັ່ນ ມ່ຽນ ເຕສ໊າະ ຕ້າຍ. 5ໂມເຊ ເຍີຍ ເລີ໌ຍ-ຫລັດ ຫັດ ບົວ ອ໋ອຍ ຕສຸ ຫລົ່ງ ຫລະເປຢີ໊ຍ ຕສົງ ນ້າຍ ຫຍູ່ງ ມ່ຽນ ໄຕ່. ເມີ່ຍ ນີ? ຮນັ້ງ ຫາຍ ນໍ ກ໊ອງ?” #ເລວີ 20:10; ດສ່ຳ ເລີ໌ຍ-ຫລັດ 22:22-24 6ນິ່ນ ບົວ ຮນັ້ງ ນ້າຍ ນໍ ໜ່າຍ ເຊ ອ໋ອຍ ດົ໊ວ ເຢຊູ ກ໊ອງ ຕ່ອງ ຕສ່ຽວ ໄຮ່ ລໍ໌ ກອນ-ແປ໋ງ ໂກ໋ ນິ່ນ. ມປ່າ ເຢຊູ ໂດ໊ະ ເອຈ່ຍ ຫລົ່ງ ປົ໌ວ-ໂດ໊ະ ເຟ້ຍ ກະເດ໊ຍ ເດົາ.
7ວົ້ວ ເຕີ໋ຍ ມ່ຽນ ໄມ້ ຕີ້ງ ລ່ຽວ ເຍີຍ ໜ່າຍ. ເຢຊູ ຕສ່ຽວ ເທສົາ ເຈ໌ຍ ຕ້າຍ ກ໊ອງ ບົ໋ວ ນິ່ນ ບົວ, “ເມີ່ຍ ບົວ ຫາຍ ເຕົ້າ ໄມ້ ປ໌າມ ເຈ໋ຍ ຕສຸ໌ຍ, ກຸ໊ນ ເຕສ໊າະ ຫລະເປຢີ໊ຍ ຕສົງ ດ່າງ ມ່າະ!” 8ກ໊ອງ ລິ໌ວ, ເຢຊູ ແອ໋ງ ໂດ໊ະ ເອຈ່ຍ ຫລົ່ງ ປົ໌ວ-ໂດ໊ະ ເຟ້ຍ ເດົາ.
9ນິ່ນ ບົວ ໄຮ໌ ເຢຊູ ຮນັ້ງ ນ້າຍ ນໍ ກ໊ອງ, ນິ່ນ ບົວ ຕສ່ຽວ ໂຕສະ ເຕົ້າ ໂຕສະ ເຕົ້າ ເຍີຍ ທສວດ. ເກົ້າ ໂກ໋ ວົ້ວ ເຕີ໋ຍ ທສວດ ດ່າງ, ທສວດ ເດສ່ງ ອ໊ະ. ຂູງ ເຢຊູ ກັ້ນ ຢຽມ ວົ້ວ ຮນັ້ງ. ມປ່າ ວົ້ວ ເຕົ້າ ມເຊັຍ ຕອນ ຖສໍ່ ໂຊ້ວ ຈ໊ຽນ ວົ້ວ ເຍີຍ. 10ເຢຊູ ແອ໋ງ ເທສົາ ເຈ໌ຍ ຕ້າຍ ໜ່າຍ ວົ້ວ ເຕົ້າ ມເຊັຍ ຕອນ, “ຕໍ່ ອ້າ! ວົ້ວ ເຕີ໋ຍ ມ່ຽນ ເຈ໋ຍ ຫາຍ ເດສ່ງ ໝີ່ ອ໊ະ. ໄມ້ ມ່າຍ ຫາຍ ເຕົ້າ ຕີ່ງ ເມີ່ຍ ເຍີຍ ຕສຸ໌ຍ?”
11ວົ້ວ ເຕົ້າ ມເຊັຍ ຕອນ ເຕົາ, “ຕົ້ມ ກໍ໋ ອ້າ! ໄມ້ ມ່າຍ ຫາຍ ເຕົ້າ ອ໊ະ.”
ເຢຊູ ກ໊ອງ, “ເຢຍ ຢ່າ ໄມ້ ຕີ່ງ ເມີ່ຍ ເຍີຍ ຕສຸ໌ຍ. ກຸ໊ນ ມີ່ງ ອ໊ະ. ຢັ້ງ ນ້າຍ ເຈ໋ຍ ໄມ້ ຕູ໋ງ ແອ໋ງ ປ໌າມ ຕສຸ໌ຍ ໂອ່.”
ເຢຊູ ເຊ ອຈັງ ຕສິ໋ວ ປ້າມ ເກນ
12ເຢຊູ ແອ໋ງ ອຈ໋າວ ຕສວັ໋ງ ມ່ຽນ. ນິ່ນ ກ໊ອງ, “ເຢຍ ເຊ ອຈັງ ຕສິ໋ວ ປ້າມ ເກນ. ຫາຍ ເຕົ້າ ກັນ ເຢຍ, ວົ້ວ ເຕົ້າ ຢຽດ ລິ໌ວ ໄມ້ ຕສຸ ຢັ້ງ ຫຮມວັງ ກະຍົ໌ວ, ຕສູ໊ງ ຕຸ໊ ອຈັງ ຕສິ໋ວ ນິ່ນ ເຍີຍ ແໝ່ງ.” #ມັດທາຍ 5:14; ໂຢຮັນ 9:5
13ຟາລິສີ ມ່ຽນ ແອ໋ງ ກ໊ອງ, “ເມີ່ຍ ເຖງ ເມີ່ຍ ກັ້ນ ໂຕສ໋ວ ຕສອງ-ເຕສ໋ງ, ເມີ່ຍ ກ໊ອງ ເຍີຍ ຫວ່າ ເຊ ໄມ້ ຕສຽນ.” #ໂຢຮັນ 5:31
14ເຢຊູ ເຕົາ, “ໄມ້ ກຸ໊ນ ເຢຍ ເຖງ ເຢຍ ກັ້ນ ໂຕສ໋ວ ຕສອງ-ເຕສ໋ງ, ເຢຍ ເຍີຍ ຫວ່າ ຕສະເກ້ງ ຕສຽນ ເຍີຍ, ເຫວີ່ຍ ຕສຸ ເຢຍ ຮິ້ວ ຕຸ໊ ເຢຍ ຢຽມ ຫາຍ ຕ້າຍ ຢ່າ ຮິ້ວ ຕຸ໊ ເຢຍ ອ໋ອຍ ມີ່ງ ຫາຍ. ມປ່າ ເມີ່ຍ ບົວ ໄມ້ ຮິ້ວ ຕຸ໊ ເຢຍ ຢຽມ ຫາຍ ຕ້າຍ ຢ່າ ອ໋ອຍ ມີ່ງ ຫາຍ.
15“ເມີ່ຍ ບົວ ເອີຍ ປ້າມ ມ່ຽນ ເຍີຍ ຕສະເອີ໋ຍ ຊ້ຽມ ມ່ຽນ. ເຢຍ ໄມ້ ຊ້ຽມ ຫາຍ ເຕົ້າ. 16ມປ່າ ເຊ ກ໊ອງ ເຢຍ ຊ້ຽມ ມ່ຽນ ນໍ, ເຢຍ ຊ້ຽມ ຕຸ໊ ຫອບ, ເຫວີ່ຍ ຕສຸ ໄມ້ ເຕສີ໌ຍ ເຢຍ ກັ້ນ ຊ້ຽມ. ຕສັ່ງ ເຕ໋ຍ ພ້າຍ ເຢຍ ຕ້າຍ ຢ່າ ເຖສົາ ເຢຍ ຊ້ຽມ. 17ເມີ່ຍ ບົວ ກັ້ນ ເຍີຍ ເລີ໌ຍ-ຫລັດ ເຟ້ຍ ຈ໊ຽນ ກ໊ອງ, ‘ມ່າຍ ອີ ລ່ານ ມ່ຽນ ໂຕສ໋ວ ຕສອງ-ເຕສ໋ງ, ກ໊ອງ ເຍີຍ ຫວ່າ ຕ໋ອຍ ນໍ, ສຽນ ຕຸ໊ ອ໊ະ.’ #ດສ່ຳ ເລີ໌ຍ-ຫລັດ 19:15 18ເຢຍ ເຖງ ເຢຍ ກັ້ນ ໂຕສ໋ວ ຕສອງ-ເຕສ໋ງ. ແອ໋ງ ມ່າຍ ເຢຍ ເຍີຍ ເຕຍ, ຕົ້ງ ພ້າຍ ເຢຍ ຕ້າຍ ວົ້ວ ເຕົ້າ, ຢ່າ ເຖງ ເຢຍ ໂຕສ໋ວ ຕສອງ-ເຕສ໋ງ.”
19ນິ່ນ ບົວ ໜ່າຍ, “ເມີ່ຍ ເຍີຍ ເຕຍ ຢຽມ ຫາຍ?”
ເຢຊູ ເຕົາ, “ເມີ່ຍ ບົວ ໄມ້ ຮິ້ວ ເຢຍ, ຢ່າ ໄມ້ ຮິ້ວ ເຢຍ ເຍີຍ ເຕຍ. ເຊ ກ໊ອງ ເມີ່ຍ ບົວ ຮິ້ວ ຕຸ໊ ເຢຍ ນໍ, ເມີ່ຍ ບົວ ຕສ່ຽວ ຮິ້ວ ຕຸ໊ ເຢຍ ເຍີຍ ເຕຍ.” 20ເຢຊູ ຢຽມ ຕສັ່ງ ທິນ-ຮູ່ງ ເຍີຍ ເປຢົ໊າ, ນິດ ມ່ຽນ ຝົ່ງ ຫໍ່ ຍ່ານ ວົ້ວ ເຕີ໋ຍ ຟາງ ເຍີຍ ຕ໋ອງ ອຈ໋າວ ມ່ຽນ ວົ້ວ ຕສັ່ນ, ນິ່ນ ກ໊ອງ ນ້າຍ ເຕີ໋ຍ ຫວ່າ. ຢ່າ ໄມ້ ມ່າຍ ຫາຍ ເຕົ້າ ເຕສ໊າະ ນິ່ນ ເຫວີ່ຍ ຕສຸ ນິ່ນ ເຍີຍ ຕສຢັ້ງ ໂຫ່ ໄມ້ ແກ້ງ ເຖົາ.
ເຢຍ ມີ່ງ ເຍີຍ ຕ໋ອງ ເມີ່ຍ ບົວ ມີ່ງ ໄມ້ ຕຸ໊
21ເຢຊູ ແອ໋ງ ກ໊ອງ ບົ໋ວ ນິ່ນ ບົວ, “ເຢຍ ອ໋ອຍ ມີ່ງ ອ໊ະ. ເມີ່ຍ ບົວ ອ໋ອຍ ລໍ໌ ເຢຍ, ມປ່າ ເມີ່ຍ ບົວ ໄຕ່ ເມີ່ຍ ບົວ ຖສໍ່ ມ່າຍ ຈ໊ຽນ ຕສຸ໌ຍ ເຍີຍ. ເຢຍ ມີ່ງ ເຍີຍ ຕ໋ອງ ເມີ່ຍ ບົວ ໄມ້ ໄຮ່ ມີ່ງ.”
22ໂຕສ໋ວ ໂຮລ ເຍີຍ ຢິວໄທ ມ່ຽນ ກ໊ອງ, “ນິ່ນ ອ໋ອຍ ໄຕ໋ ນິ່ນ ກັ້ນ ໄຕ່ ໄຟ? ເຫວີ່ຍ ຕສຸ ນິ່ນ ກ໊ອງ ນິ່ນ ມີ່ງ ເຍີຍ ຕ໋ອງ ບົວ ມີ່ງ ໄມ້ ຕຸ໊.”
23ເຢຊູ ບົ໋ວ ນິ່ນ ບົວ, “ເມີ່ຍ ບົວ ເປ໋ນ ລູ່ງ ເດ໊ຍ ເຍີຍ, ເຢຍ ເປ໋ນ ທິນ-ຕ້ອງ ເຍີຍ. ເມີ່ຍ ບົວ ເກວີຍ ປ້າມ ເກນ, ເຢຍ ໄມ້ ເກວີຍ ປ້າມ ເກນ. 24ເຫວີ່ຍ ນ້າຍ ເຢຍ ກ໊ອງ ບົ໋ວ ເຈ໋ຍ ເມີ່ຍ ບົວ, ເຖົາ ໄຕ່ ວົ້ວ ຕສັ່ນ ເມີ່ຍ ບົວ ຖສໍ່ ມ່າຍ ຈ໊ຽນ ຕສຸ໌ຍ ເຍີຍ. ເຊ ກ໊ອງ ເມີ່ຍ ບົວ ໄມ້ ສຽນ ເຢຍ ໂຕສ໋ວ ຕົ້ງ ເຢຍ ກ໊ອງ ເຢຍ ໂຕສ໋ວ ວົ້ວ ເຕົ້າ ນໍ, ເມີ່ຍ ບົວ ໄຕ່ ມປ່າ ຖສໍ່ ມ່າຍ ຈ໊ຽນ ຕສຸ໌ຍ ເຍີຍ.”
25ນິ່ນ ບົວ ໜ່າຍ ເຢຊູ, “ເມີ່ຍ ຕົ້ງ ຫາຍ ເຕົ້າ ແລ່?”
ເຢຊູ ເຕົາ, “ຕສິ້ນ ດ່າງ ເຢຍ ບົ໋ວ ເຈ໋ຍ ເມີ່ຍ ບົວ ເຢຍ ຕົ້ງ ຫາຍ ເຕົ້າ, ເຢຍ ເຊ ຕົ້ງ ວົ້ວ ເຕົ້າ ອ໊ະ. 26ເຢຍ ແອ໋ງ ມ່າຍ ທສ້ຳ-ຫຍູ່ງ ເຈົ໊າ ກ໊ອງ ເມີ່ຍ ບົວ, ຕີ່ງ ເມີ່ຍ ບົວ ເຍີຍ ຕສຸ໌ຍ. ມປ່າ ພ້າຍ ເຢຍ ຕ້າຍ ວົ້ວ ເຕົ້າ ເຊ ຕສຽນ ເຍີຍ. ເຢຍ ໄຮ໌ ນິ່ນ ກ໊ອງ ເຈ໋ຍ ເຍີຍ ຫວ່າ, ເຢຍ ຢ່າ ກ໊ອງ ບົ໋ວ ປ້າມ ມ່ຽນ.”
27ວົ້ວ ເຕີ໋ຍ ມ່ຽນ ໄມ້ ເມ່ງ ແປະ ເຢຊູ ກ໊ອງ ເຖົາ ຕສັ່ງ ເຕ໋ຍ. 28ເຢຊູ ຕສ່ຽວ ກ໊ອງ, “ເມີ່ຍ ບົວ ຫລຽບ ເຢຍ, ປ້າມ ມ່ຽນ ເຍີຍ ຕອນ, ຝາວ ຮລັງ ວົ້ວ ຕສັ່ນ, ເມີ່ຍ ບົວ ຕສ່ຽວ ຮິ້ວ ຕຸ໊ ເຢຍ ເຊ ຢຽດ ລິ໌ວ ຕສຢັ້ງ ຈ໊ຽນ ວົ້ວ ເຕົ້າ. #ທສວດ ອີຢິ໊ບ 3:14 ວົ້ວ ຕສັ່ນ ເມີ່ຍ ບົວ ຕສ່ຽວ ຮິ້ວ ຕຸ໊ ເຢຍ ໄມ້ ເຕສີ໌ຍ ເຊວີ່ຍ ເອີ໋ຍ ໂຕສ໋ວ ຫາຍ ຫຍູ່ງ. ຕສັ່ງ ເຕ໋ຍ ອຈ໋າວ ເຢຍ ຮນັ້ງ ຫາຍ ນໍ ກ໊ອງ, ເຢຍ ຕສ່ຽວ ຮນັ້ງ ວົ້ວ ນໍ ກ໊ອງ. 29ພ້າຍ ເຢຍ ຕ້າຍ ວົ້ວ ເຕົ້າ ຢ່າ ເຖສົາ ເຢຍ ຢຽມ. ນິ່ນ ໄມ້ ກວັ່ງ ປຸນ ເຢຍ ກັ້ນ ຢຽມ ເຫວີ່ຍ ຕສຸ ເຢຍ ຕສັ່ນໆ ໂຕສ໋ວ ຫອບ ນິ່ນ ເຍີຍ ໂຮຍ້ວ.” 30ມ່ຽນ ທສ້ຳ ເຍີຍ ໄຮ໌ ເຢຊູ ກ໊ອງ ນ້າຍ ເຕີ໋ຍ ຫວ່າ ຕສ່ຽວ ສຽນ ນິ່ນ.
ອັບລາຮຳ ເຍີຍ ເຕສີ໊ຍ-ຟຸນ
31ເຢຊູ ກ໊ອງ ບົ໋ວ ສຽນ ນິ່ນ ວົ້ວ ເຕີ໋ຍ ຢິວໄທ ມ່ຽນ, “ເຊ ກ໊ອງ ເມີ່ຍ ບົວ ຕສັ່ນໆ ເອີຍ ຈ໊ຽນ ເຢຍ ອຈ໋າວ ເຍີຍ ຫວ່າ ໂຕສ໋ວ, ເມີ່ຍ ບົວ ຕສະເກ້ງ ໂຕສ໋ວ ເຢຍ ເຍີຍ ໄຊ-ກໍ໋. 32ເມີ່ຍ ບົວ ຕສ່ຽວ ຮິ້ວ ຕຸ໊ ຕສຽນ ເລີ໌ຍ. ຕສຽນ ເລີ໌ຍ ຢ່າ ອ໋ອຍ ປູ໋ງ ອກອຍ ເມີ່ຍ ບົວ.”
33ນິ່ນ ບົວ ເຕົາ, “ເຢຍ ບົວ ໂຕສ໋ວ ອັບລາຮຳ ເຍີຍ ເຕສີ໊ຍ-ຟຸນ, ຢຽດ ລິ໌ວ ໄມ້ ເຖງ ຫາຍ ເຕົ້າ ໂຕສ໋ວ ເຈ໋ຍ ໂນ່ວ. ວົ້ວ ຫຍູ່ງ, ເມີ່ຍ ຝູ່ງ ກ໊ອງ ເຢຍ ບົວ ຕຸ໊ ປູ໋ງ ອກອຍ?” #ມັດທາຍ 3:9; ລູກາ 3:8
34ເຢຊູ ເຕົາ ນິ່ນ ບົວ, “ເຢຍ ກ໊ອງ ຕສຽນ ບົ໋ວ ເມີ່ຍ ບົວ, ຫາຍ ເຕົ້າ ປ໌າມ ຕສຸ໌ຍ, ວົ້ວ ເຕົ້າ ໂຕສ໋ວ ຕສຸ໌ຍ ເຍີຍ ໂນ່ວ. 35ໂຕສ໋ວ ໂນ່ວ ເຍີຍ ມ່ຽນ ໄມ້ ໄຮ່ ຢຽດ ລິ໌ວ ເຖສົາ ເປຢົ໊າ-ຕສ໊ຽວ ຢຽມ. ຂູງ ທສຽນ ຕອນ ຕຸ໊ ຢຽດ ລິ໌ວ ຢຽມ ຮນັ້ງ. 36ເຊ ກ໊ອງ ທິນ-ຮູ່ງ ເຍີຍ ຕອນ ປູ໋ງ ອກອຍ ເມີ່ຍ ບົວ, ເມີ່ຍ ບົວ ຕສະເກ້ງ ເປ໋ນ ປູ໋ງ ອກອຍ ເຍີຍ ມ່ຽນ. 37ເຢຍ ຮິ້ວ ຕຸ໊ ເມີ່ຍ ບົວ ໂຕສ໋ວ ອັບລາຮຳ ເຍີຍ ເຕສີ໊ຍ-ຟຸນ. ມປ່າ ເມີ່ຍ ບົວ ຖສໍ່ ອ໋ອຍ ໄຕ໋ ເຢຍ ເຫວີ່ຍ ຕສຸ ເຢຍ ອຈ໋າວ ເຍີຍ ເລີ໌ຍ ເມີ່ຍ ບົວ ໄມ້ ໝວັງ. 38ເຢຍ ກ໊ອງ ເຍີຍ ເຊ ຢຽມ ຕສັ່ງ ເຕ໋ຍ ວົ້ວ ປວັດ ເຈ໋ຍ ເຍີຍ ສີ່. ເມີ່ຍ ບົວ ໂຕສ໋ວ ເຍີຍ ເຊ ເມີ່ຍ ບົວ ເຍີຍ ເຕຍ ບົ໋ວ ເມີ່ຍ ບົວ ໂຕສ໋ວ.”
39ນິ່ນ ບົວ ເຕົາ, “ເຢຍ ບົວ ເຍີຍ ເຕຍ ເຊ ອັບລາຮຳ.”
ເຢຊູ ແອ໋ງ ເຕົາ ນິ່ນ ບົວ, “ເຊ ກ໊ອງ ເມີ່ຍ ບົວ ຕສະເກ້ງ ໂຕສ໋ວ ອັບລາຮຳ ເຍີຍ ເຕສີ໊ຍ-ຟຸນ ນໍ, ເມີ່ຍ ບົວ ໂຕສ໋ວ ເຍີຍ ສີ່ ຕສ່ຽວ ຮນັ້ງ ອັບລາຮຳ ໂຕສ໋ວ ເຍີຍ. 40ເຢຍ ຂູງ ກ໊ອງ ຕົ້ງ ເຢຍ ໄຮ໌ ທິນ-ຮູ່ງ ກ໊ອງ ເຈ໋ຍ ເຍີຍ ຕສຽນ ເລີ໌ຍ ບົ໋ວ ເມີ່ຍ ບົວ, ມປ່າ ເມີ່ຍ ບົວ ອ໋ອຍ ໄຕ໋ ເຢຍ. ອັບລາຮຳ ໄມ້ ຮນັ້ງ ໜ່າຍ ໂຕສ໋ວ. 41ເມີ່ຍ ບົວ ຂູງ ໂຕສ໋ວ ຮນັ້ງ ເມີ່ຍ ບົວ ເຍີຍ ເຕຍ ນໍ ໂຕສ໋ວ.”
ນິ່ນ ບົວ ເຕົາ, “ເຢຍ ບົວ ເຊ ໄມ້ ເຕສີ໌ຍ ກູ້ ງວ໌າ-ທອຍ. ເຢຍ ບົວ ມ່າຍ ດຸ ເຕົ້າ ເຕຍ ຮນັ້ງ, ເຊ ທິນ-ຮູ່ງ.”
ມ້ຽນ ເຍີຍ ຮູ່ງ ເຍີຍ ເຕສີ໊ຍ-ຟຸນ
42ເຢຊູ ກ໊ອງ ບົ໋ວ ນິ່ນ ບົວ, “ເຊ ກ໊ອງ ທິນ-ຮູ່ງ ຕສະເກ້ງ ໂຕສ໋ວ ເມີ່ຍ ບົວ ເຍີຍ ເຕຍ ນໍ, ເມີ່ຍ ບົວ ຕສ່ຽວ ຮນ້ຳ ເຢຍ ເຫວີ່ຍ ຕສຸ ເຢຍ ຢຽມ ນິ່ນ ຕ້າຍ, ອີ້ ຕສັ່ນ ເຢຍ ຢຽມ ນ້າຍ. ເຢຍ ໄມ້ ເຕສີ໌ຍ ເອີຍ ເຢຍ ກັ້ນ ເຍີຍ ເອີ໋ຍ ຕ້າຍ. ນິ່ນ ພ້າຍ ເຢຍ ຕ້າຍ. 43ເມີ່ຍ ບົວ ເຫວີ່ຍ ຫາຍ ຕິ່ວ ໄມ້ ເມ່ງ ແປະ ເຢຍ ກ໊ອງ ເຍີຍ ຫວ່າ? ເຊ ເຫວີ່ຍ ຕສຸ ເມີ່ຍ ບົວ ໄມ້ ໄຮ່ ໝວັງ ເຢຍ ເຍີຍ ໂຕ໌. 44ເມີ່ຍ ບົວ ເຍີຍ ເຕຍ ເຊ ມ້ຽນ ເຍີຍ ຮູ່ງ. ເມີ່ຍ ບົວ ຂູງ ອ໋ອຍ ເອີຍ ຈ໊ຽນ ເມີ່ຍ ບົວ ເຍີຍ ເຕຍ ເຍີຍ ເອີ໋ຍ ໂຕສ໋ວ ຮນັ້ງ. ຢຽມ ກອນ ວົ້ວ ນິ່ນ ມຕ້າຍ ໄຕ໋ ມ່ຽນ. ນິ່ນ ຢຽດ ລິ໌ວ ໄມ້ ອະເຮນີ້ຍ ຕສຽນ ເລີ໌ຍ, ເຫວີ່ຍ ຕສຸ ຢຽມ ນິ່ນ ກັ້ນ ໄມ້ ມ່າຍ ຕສຽນ ເລີ໌ຍ. ນິ່ນ ກ໊ອງ-ແປະ ເຫວີ່ຍ ຕສຸ ນິ່ນ ເອີຍ ນິ່ນ ກັ້ນ ເຍີຍ ຟຽມ-ຝີງ ມຕ້າຍ ກ໊ອງ-ແປະ. ນິ່ນ ຂູງ ກ໊ອງ-ແປະ ຮນັ້ງ ຢ່າ ໂຕສ໋ວ ກ໊ອງ-ແປະ ເຍີຍ ເຕຍ. 45ມປ່າ ເຢຍ ກ໊ອງ ຕສຽນ ເຍີຍ, ເມີ່ຍ ບົວ ຖສີງ ຕ້າຍ ໄມ້ ສຽນ ເຢຍ. 46ເມີ່ຍ ບົວ ຫາຍ ເຕົ້າ ໄຮ່ ຕສ້າ ຕຸ໊ ທສວດ ເຢຍ ມ່າຍ ຕສຸ໌ຍ? ວົ້ວ ຫຍູ່ງ, ເຊ ກ໊ອງ ເຢຍ ກ໊ອງ ຕສຽນ ເລີ໌ຍ, ເມີ່ຍ ບົວ ເຫວີ່ຍ ຫາຍ ຕິ່ວ ໄມ້ ສຽນ ເຢຍ? 47ຫາຍ ເຕົ້າ ຢຽມ ທິນ-ຮູ່ງ ຕ້າຍ, ວົ້ວ ເຕົ້າ ຕສູ໊ງ ໝວັງ ທິນ-ຮູ່ງ ເຍີຍ ຫວ່າ. ເມີ່ຍ ບົວ ໄມ້ ເຕສີ໌ຍ ຢຽມ ທິນ-ຮູ່ງ ຕ້າຍ ຖສີງ ຕ້າຍ ໄມ້ ໝວັງ ນິ່ນ ເຍີຍ ຫວ່າ.”
ເຢຊູ ຢຽມ ດ່າງ ອັບລາຮຳ
48ວົ້ວ ເຕີ໋ຍ ຢິວໄທ ມ່ຽນ ເຕົາ ເຢຊູ, “ນ້າຍ ເຢຍ ບົວ ກ໊ອງ ຕຸ໊ ຕສຸ ເຍີຍ ຊ່າະ? ເຢຍ ບົວ ກ໊ອງ ເມີ່ຍ ເຊ ສະມາເລຍ ຈັ໋ນ ຢ່າ ມ່າຍ ມ້ຽນ ຢຽມ ເມີ່ຍ ເຍີຍ ຊິນ.”
49ເຢຊູ ເຕົາ, “ເຢຍ ໄມ້ ເຕສີ໌ຍ ມ່າຍ ມ້ຽນ ຢຽມ ເຢຍ ເຍີຍ ຊິນ. ເຢຍ ທ່າຍ ເຢຍ ເຍີຍ ເຕຍ, ມປ່າ ເມີ່ຍ ບົວ ໝັ່ງ ເຜຍ ເຢຍ. 50ເຢຍ ໄມ້ ເຕສີ໌ຍ ລໍ໌ ມ່ຽນ ທ່າຍ ເຢຍ, ມປ່າ ມ່າຍ ເຕົ້າ ເຖງ ເຢຍ ລໍ໌, ຢ່າ ຕົ້ງ ນ້າຍ ເຕົ້າ ອ໋ອຍ ເຖງ ເຢຍ ຊ້ຽມ. 51ເຢຍ ກ໊ອງ ຕສຽນ ບົ໋ວ ເມີ່ຍ ບົວ, ຫາຍ ເຕົ້າ ເອີຍ ຈ໊ຽນ ເຢຍ ອຈ໋າວ ເຍີຍ ຫວ່າ ໂຕສ໋ວ, ວົ້ວ ເຕົ້າ ຢຽດ ລິ໌ວ ໄມ້ ໄຕ່.”
52ຢິວໄທ ມ່ຽນ ກ໊ອງ ບົ໋ວ ນິ່ນ, “ອີ້ ຕສັ່ນ ເຢຍ ບົວ ຕສະເກ້ງ ຮິ້ວ ຕຸ໊ ເມີ່ຍ ມ່າຍ ມ້ຽນ ຢຽມ ເມີ່ຍ ເຍີຍ ຊິນ. ອັບລາຮຳ ໄຕ່ ໝີ່ ອ໊ະ. ທິນ-ຮູ່ງ ເຍີຍ ຕສວັ໋ງ ໂຕ່ວ ຫວ່າ ມ່ຽນ ຢ່າ ໄຕ່ ເດສ່ງ ໝີ່ ອ໊ະ. ມປ່າ ເມີ່ຍ ກ໊ອງ ຫາຍ ເຕົ້າ ເອີຍ ຈ໊ຽນ ເມີ່ຍ ອຈ໋າວ ເຍີຍ ຫວ່າ ໂຕສ໋ວ, ວົ້ວ ເຕົ້າ ຢຽດ ລິ໌ວ ໄມ້ ໄຕ່. 53ບົວ ເຍີຍ ອົງ-ຖາຍ-ແງະ, ອັບລາຮຳ, ຕສູ໊ງ ໄຕ່ ໝີ່ ອ໊ະ. ເມີ່ຍ ໂຕສ໋ວ ເກົ້າ ໂຮລ ເຈ໋ຍ ນິ່ນ ໄຟ? ທິນ-ຮູ່ງ ເຍີຍ ຕສວັ໋ງ ໂຕ່ວ ຫວ່າ ມ່ຽນ ຢ່າ ໄຕ່ ໝີ່ ອ໊ະ. ເມີ່ຍ ກ໊ອງ ເມີ່ຍ ກັ້ນ ໂຕສ໋ວ ຫາຍ ເຕົ້າ?”
54ເຢຊູ ເຕົາ ນິ່ນ ບົວ, “ເຊ ກ໊ອງ ເຢຍ ກັ້ນ ທ່າຍ ເຢຍ ກັ້ນ ນໍ, ນ້າຍ ໄມ້ ມ່າຍ ຫາຍ ຫຍູ່ງ ເອີ໋ຍ ເລີ໌ຍ. ທ່າຍ ເຢຍ ວົ້ວ ເຕົ້າ ເຊ ເຢຍ ເຍີຍ ເຕຍ, ຕົ້ງ ເມີ່ຍ ບົວ ກ໊ອງ ໂຕສ໋ວ ເມີ່ຍ ບົວ ເຍີຍ ທິນ-ຮູ່ງ ວົ້ວ ເຕົ້າ. 55ເມີ່ຍ ບົວ ຢຽດ ລິ໌ວ ໄມ້ ຮິ້ວ ຕຸ໊ ນິ່ນ, ມປ່າ ເຢຍ ຮິ້ວ ຕຸ໊ ນິ່ນ ເຍີຍ. ເຊ ກ໊ອງ ເຢຍ ກ໊ອງ ເຢຍ ໄມ້ ຮິ້ວ ຕຸ໊ ນິ່ນ ນໍ, ເຢຍ ຕສ່ຽວ ຮນັ້ງ ເມີ່ຍ ບົວ ນໍ ກ໊ອງ-ແປະ. ມປ່າ ເຢຍ ຮິ້ວ ຕຸ໊ ນິ່ນ, ຢ່າ ເອີຍ ຈ໊ຽນ ນິ່ນ ເຍີຍ ຫວ່າ ໂຕສ໋ວ. 56ເມີ່ຍ ບົວ ເຍີຍ ອົງ-ຖາຍ, ອັບລາຮຳ, ອະເຮນີ້ຍ ອ໋ອຍ ຕຸ໊ ປວັດ ເຢຍ ຕ້າຍ ເຍີຍ ຮນອຍ-ເຫຍັຍ. ນິ່ນ ຕຸ໊ ປວັດ ລິ໌ວ ຕສ່ຽວ ອອນ-ເຫລາະ ໄຫ່.”
57ນິ່ນ ບົວ ແອ໋ງ ກ໊ອງ ນິ່ນ, “ອາ, ເມີ່ຍ ຕສູ໊ງ ໄມ້ ແກ້ງ ຕຸ໊ ຮມ໌ ຕສຽບ ຫຮຍັງ. ເມີ່ຍ ປວັດ ເຈ໋ຍ ອັບລາຮຳ ເຍີຍ?”
58ເຢຊູ ເຕົາ, “ເຢຍ ກ໊ອງ ຕສຽນ ບົ໋ວ ເມີ່ຍ ບົວ, ອັບລາຮຳ ໄມ້ ແກ້ງ ທສວດ ເສີຍ, ເຢຍ ຕສູ໊ງ ຢຽມ ເຍີຍ.”
59ນິ່ນ ບົວ ໄຮ໌ ນ້າຍ ເຕີ໋ຍ ຫວ່າ ຕສ່ຽວ ເຕສ໊າະ ຫລະເປຢີ໊ຍ ອ໋ອຍ ຕສົງ ນິ່ນ, ມປ່າ ນິ່ນ ປີ໋ງ ຈ໊ຽນ ທສວດ ຕສັ່ງ ທິນ-ຮູ່ງ ເຍີຍ ເປຢົ໊າ ໝີ່ ອ໊ະ.
Currently Selected:
ໂຢຮັນ 8: IuMiLAO
Highlight
Share
Copy
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.
