2 ໂຄລິນໂທ 4
4
ຈ໋າຍ ເຍີຍ ກະນ້າຍ ຕັ໊ບ ເນຍ-ອົ໋ງ ກະຍົ໌ວ
1ທິນ-ຮູ່ງ ຄໍ້-ລ່ຽນ ເຢຍ ບົວ, ປຸນ ເຢຍ ບົວ ມ່າຍ ນ້າຍ ຫຍູ່ງ ກົງ ໂຕສ໋ວ, ເຢຍ ບົວ ຕສ່ຽວ ໄມ້ ໜຳ ໂຮຍ້ວ. 2ເຢຍ ບົວ ຊິ້ມ ອກອຍ ເປີ່ຍ ເດ໊ຍ, ໄຍ້ ໄຫ່ ເຍີຍ ສີ່. ເຢຍ ບົວ ໄມ້ ໂຕສ໋ວ ກູ໊ ໄກວ໋ ເຍີຍ ເຈົ໊າ ດົ໊ວ ມ່ຽນ, ຢ່າ ໄມ້ ອ໋າວ ທິນ-ຮູ່ງ ເຍີຍ ຫວ່າ ກ໊ອງ ຈ໊າ. ຕ໋າວ ດສ໋ວນ ເຢຍ ບົວ ກ໊ອງ ຕສຽນ ເລີ໌ຍ ເມ່ງ ເຍີຍ, ຢ່າ ຕອງ ຈ໊ຽນ ທິນ-ຮູ່ງ ອ໋ອຍ ໂຕສ໋ວ ຫອບ ຕສວັ໋ງ ມ່ຽນ ເຍີຍ ໂຮຍ້ວ. 3ເຊ ກ໊ອງ ເຢຍ ບົວ ຕສຸ້ນ ເຍີຍ ຄູ້ ຝຽນ ເຊ ຮນັ້ງ ມ່າຍ ເດຍ ປວັງ ຈ໊ຽນ ປຸນ ມ່ຽນ ໄມ້ ເມ່ງ ແປະ ນໍ, ເຊ ຂູງ ປວັງ ຈ໊ຽນ ປຸນ ຕສຸ ໝຽດ ເຍີຍ ມ່ຽນ ໄມ້ ເມ່ງ ແປະ ຮນັ້ງ. 4ນິ່ນ ບົວ ໄມ້ ສຽນ ເຫວີ່ຍ ຕສຸ ກຸ໊ນ ປ້າມ ເກນ ວົ້ວ ເຕົ້າ ມ້ຽນ ເຍີຍ ຮູ່ງ, ຊາຕານ, ປຸນ ນິ່ນ ບົວ ເຍີຍ ໂຮຍ້ວ ຫຮມວັງ, ໄມ້ ເມ່ງ ແປະ. ນິ່ນ ແອກ໊ະ ຈ໊ຽນ ໄມ້ ປຸນ ຄູ້ ຝຽນ ເຍີຍ ອຈັງ ຕສິ໋ວ ນິ່ນ ບົວ. ນ້າຍ ຄູ້ ຝຽນ ເຊ ກ໊ອງ ກີຕູ່, ຕົ້ງ ຕສວັ໊ງ ທິນ-ຮູ່ງ ວົ້ວ ເຕົ້າ, ເຍີຍ ອຈັງ-ຫລ່າງ. 5ເຢຍ ບົວ ໄມ້ ເຕສີ໌ຍ ຕສຸ້ນ ເຢຍ ບົວ ກັ້ນ. ເຢຍ ບົວ ຕສຸ້ນ ເຍີຍ ເຊ ເຢຊູ ກີຕູ່ ໂຕສ໋ວ ຕສ໊ຽວ, ເຢຍ ບົວ ຢ່າ ເຫວີ່ຍ ເຢຊູ ກີຕູ່ ໂຕສ໋ວ ເມີ່ຍ ບົວ ເຍີຍ ໂປວ. 6ເຫວີ່ຍ ຕສຸ ທິນ-ຮູ່ງ, ຕົ້ງ ປຸນ ອຈັງ ຢຽມ ຫຮມວັງ ຕສິ໋ວ ທສວດ ຕ້າຍ #ທິນ ເຕີ່ຍ ໂຕ້ວ 1:3 ວົ້ວ ເຕົ້າ, ປຸນ ນິ່ນ ເຍີຍ ອຈັງ ຕສິ໋ວ ຈ໊ຽນ ເຢຍ ບົວ ເຍີຍ ໂຮຍ້ວ. ນິ່ນ ເຍີຍ ອຈັງ ປຸນ ເຢຍ ບົວ ຮິ້ວ ຕຸ໊ ທິນ-ຮູ່ງ ເຍີຍ ອຈັງ-ຫລ່າງ, ຕົ້ງ ຢຽມ ກີຕູ່ ເຍີຍ ຮມຽນ ຕສິ໋ວ ທສວດ ຕ້າຍ ເຍີຍ ອຈັງ-ຫລ່າງ.
7ມປ່າ ເຢຍ ບົວ ເຊ ຮນັ້ງ ເນຍ-ອົ໋ງ ຢ່າ ມ່າຍ ນ້າຍ ຫຍູ່ງ ຈ໋າຍ ເຍີຍ ກະນ້າຍ ຕັ໊ບ ຈ໊ຽນ ກະຍົ໌ວ, ປຸນ ທສີງ ໂຮລ ເຈ໋ຍ ເຍີຍ ຕົ້ມ ທຈະ ເຊ ຢຽມ ທິນ-ຮູ່ງ ຕ້າຍ, ໄມ້ ເຕສີ໌ຍ ຢຽມ ເຢຍ ບົວ ຕ້າຍ. 8ເຢຍ ບົວ ຕສຸ ຫຍູ່ງໆ ຂວນ ນ່ານ ມປ່າ ໄມ້ ເຊວີຍ. ມ່າຍ ຕສຢັ້ງ ໂຫ່ ເຢຍ ບົວ ໄມ້ ຮິ້ວ ຕຸ໊ ຮນັ້ງ ຫາຍ ນໍ ໂຕສ໋ວ ມປ່າ ຖສໍ່ ມ່າຍ ລ່ຳ ຮນ້ຳ ເຍີຍ. 9ຕສຸ ມ່ຽນ ໂຕສ໋ວ ໂຕະ ມປ່າ ທິນ-ຮູ່ງ ໄມ້ ກວັ່ງ ເຢຍ ບົວ. ຕສຸ ເບ໊າະ ຄີງ ມປ່າ ໄມ້ ໄຕ່. 10ເຢຍ ບົວ ເຍີຍ ຊິນ ຕສັ່ນໆ ປວັ້ງ ຕສຸ ໄຮ່ ໄຕ່ ເຍີຍ ສີ່ ຮນັ້ງ ເຢຊູ ຕສຸ ໄຕ່ ນໍ, ເຢຍ ບົວ ເຍີຍ ຊິນ ຕສ່ຽວ ປຸນ ມ່ຽນ ເຕສັ໊ຍ ຕຸ໊ ເຢຊູ ຕສຢັ້ງ ຈ໊ຽນ ເຍີຍ. 11ເຢຍ ບົວ ຕສຢັ້ງ ເສີຍ ຕສັ່ງ ຕສັ່ນໆ ເຫວີ່ຍ ເຢຊູ ຕສຸ ປວັ້ງ ໄຮ່ ໄຕ່ ເຍີຍ ສີ່ ເຫວີ່ຍ ປຸນ ນິ່ນ ເຍີຍ ແໝ່ງ ຢຽມ ເຢຍ ບົວ ໄຮ່ ໄຕ່ ເຍີຍ ຊິນ ປິ໋ວ ເມ່ງ ທສວດ ຕ້າຍ. 12ຮນັ້ງ ໜ່າຍ, ໄຕ່ ເຍີຍ ທຈະ ຢຽມ ເຢຍ ບົວ ກະຍົ໌ວ ໂຕສ໋ວ ກົງ, ມປ່າ ປຸນ ມ່ຽນ ຕຸ໊ ຕສຢັ້ງ ຈ໊ຽນ ເຍີຍ ທຈະ ຢຽມ ເມີ່ຍ ບົວ ກະຍົ໌ວ ໂຕສ໋ວ ກົງ.
13ເຢຍ ບົວ ມ່າຍ ໂຮຍ້ວ ສຽນ ຮນັ້ງ ເຟ້ຍ ຈ໊ຽນ ກີງ-ໂຊວ ວົ້ວ ເຕົ້າ ກ໊ອງ ນໍ. ນິ່ນ ກ໊ອງ,
“ເຫວີ່ຍ ຕສຸ ເຢຍ ສຽນ, ເຢຍ ຖສີງ ຕ້າຍ ກ໊ອງ.” #ສີງ ດສູງ 116:10
ເຢຍ ບົວ ຢ່າ ສຽນ ຕສ່ຽວ ກ໊ອງ. 14ເຢຍ ບົວ ຮິ້ວ ຕຸ໊ ປຸນ ຕສ໊ຽວ ເຢຊູ ນັ່ງ ຕ້າຍ ວົ້ວ ເຕົ້າ ຢ່າ ອ໋ອຍ ປຸນ ເຢຍ ບົວ ຮນັ້ງ ເຢຊູ ນໍ ນັ່ງ ຕ້າຍ, ຕໍ້ ເຢຍ ບົວ ເຖສົາ ຈ໊ຽນ ເມີ່ຍ ບົວ ລົ່ມ ດສ້ອຍ ມີ່ງ ຢຽມ ນິ່ນ ເຍີຍ ດສະຮມຽນ. 15ນ້າຍ ຢຽດ ຕສູ໊ງ ເຊ ເຫວີ່ຍ ປຸນ ເມີ່ຍ ບົວ ຕຸ໊ ຫລົງ. ທິນ-ຮູ່ງ ເຍີຍ ເອນ ຕສ່ຽວ ມີ່ງ ເຖົາ ມ່ຽນ ທສ້ຳ ປຸນ ມ່ຽນ ຈາ ທສ້ຳ ແລ໌ງ ຕສີ້ງ ທິນ-ຮູ່ງ. ຮນັ້ງ ໜ່າຍ, ມ່ຽນ ທສ້ຳ ຈາ ທ່າຍ ທິນ-ຮູ່ງ.
16ເຫວີ່ຍ ນ້າຍ ບົວ ໄມ້ ໜຳ ໂຮຍ້ວ. ໄມ້ ກຸ໊ນ ບົວ ເຍີຍ ຊິນ ກຸ໊ນ ໂຕສ໋ວ ກຸ໊ນ ເຮີຍ ຈ໊ຽນ ເອຈ່ຍ, ມປ່າ ບົວ ເຍີຍ ໂຮຍ້ວ ຢຽດ ຮນອຍ ເປີ໊ຍ ຢຽດ ຮນອຍ ຊຢັງ. 17ບົວ ປວັ້ງ ຕສຸ ຕັ້ງ ປ໊າ ນ້າຍ ເຕີ໋ຍ ໄຝ-ຟິ້ວ ສີ່ ອ໋ອຍ ປຸນ ບົວ ຕຸ໊ ຢຽດ ລິ໌ວ ເຍີຍ ອຈັງ-ຫລ່າງ, ລ່ຽມ ໄມ້ ລ່ຳ ເປີ໊ຍ ຕ໋ອງ ເຍີຍ ອຈັງ-ຫລ່າງ. 18ເຫວີ່ຍ ຕສຸ ບົວ ໄມ້ ໂຕ້ວ ໝັ່ງ ຕຸ໊ ປວັດ ເຍີຍ ຫາຍ ຫຍູ່ງ. ຂູງ ໂຕ້ວ ໝັ່ງ ໄມ້ ປວັດ ເຍີຍ ຮນັ້ງ. ໝັ່ງ ຕຸ໊ ປວັດ ເຍີຍ ວົ້ວ ເຕີ໋ຍ ໄຮ່ ເຈ໋ຍ ເດສ່ງ, ມປ່າ ໝັ່ງ ໄມ້ ປວັດ ເຍີຍ ຢຽດ ລິ໌ວ ຢຽມ.
Currently Selected:
2 ໂຄລິນໂທ 4: IuMiLAO
Highlight
Share
Copy
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.
