2 ໂຄລິນໂທ 10
10
ມ່ຽນ ເອກ້ມ ເປົາໂລ
1ເຢຍ, ເປົາໂລ, ເຫວີ່ຍ ກັ້ນ ໂທ້ ເມີ່ຍ ບົວ. ມ່ຽນ ກ໊ອງ ເຢຍ ເຖສົາ ເມີ່ຍ ບົວ ຢຽມ ເຍີຍ ຕສຢັ້ງ ໂຫ່ ເຢຍ ສ່ວນ ເຍີຍ, ຮໍ່ ນໍ່ ເຍີຍ, ມປ່າ ໄມ້ ເຖສົາ ເມີ່ຍ ບົວ ຢຽມ ເຢຍ ປູ໋ງ ຫລ່າງ ເຍີຍ. ກີຕູ່ ເຊ ສ່ວນ ເຍີຍ, ຮໍ່ ນໍ່ ເຍີຍ, ເຢຍ ຕສ່ຽວ ເຂົາ ນິ່ນ 2ໂທ້! ເມີ່ຍ ບົວ, ເຢຍ ມີ່ງ ເຖົາ ເມີ່ຍ ບົວ ໜ່າຍ, ໄມ້ ຕູ໋ງ ປຸນ ເຢຍ ອ໋ອຍ ຕສຸ ປູ໋ງ ຫລ່າງ ກ໊ອງ, ຮນັ້ງ ເຢຍ ຮນ້ຳ ຕ້າຍ ເຢຍ ອ໋ອຍ ຕສຸ ກ໊ອງ ຕົ້ງ ເອກ້ມ ເຢຍ ບົວ ຂູງ ເອີຍ ປ້າມ ມ່ຽນ ເຍີຍ ເອີ໋ຍ ໂຕສ໋ວ ວົ້ວ ເຕີ໋ຍ ມ່ຽນ. 3ເຢຍ ບົວ ຢຽມ ປ້າມ ເກນ ເຕສີ໌ຍ ເຍີຍ, ມປ່າ ເຢຍ ບົວ ໄມ້ ຫລົ່ງ ປ້າມ ມ່ຽນ ເຍີຍ ເອີ໋ຍ ເບ໊າະ ຈ໋າ. 4ເຢຍ ບົວ ຫລົ່ງ ເຍີຍ ຫວົວະ ກິ່ນ ເຊ ໄມ້ ເຕສີ໌ຍ ປ້າມ ເກນ ເຍີຍ ຫວົວະ ກິ່ນ, ເຊ ທິນ-ຮູ່ງ ເຮ້ນ ໄຫ່ ເຍີຍ ຫວົວະ ກິ່ນ ເຫວີ່ຍ ຜໍ ຫວ່າຍ ວິນ-ວັ້ງ ວ້ວນ ໄຫ່ ເຍີຍ ຕ໋ອງ. ເຊ ຜໍ ຫວ່າຍ ມ່ຽນ ແດສງ ເຍີຍ ຫຍູ່ງໆ ຈ໊າ ສີ່ 5ເຖສົາ ເທສງ-ໂຮລ ເຍີຍ ຫຍູ່ງໆ, ຕົ້ງ ລ່ານ ຈ໊ຽນ ໄມ້ ປຸນ ມ່ຽນ ຮິ້ວ ຕຸ໊ ທິນ-ຮູ່ງ ເຍີຍ ສີ່. ຢຽມ ໂຮຍ້ວ ຮນ້ຳ ທສວດ ຢຽດ ຕສູ໊ງ ເຍີຍ ຕສະເອີ໋ຍ ເຢຍ ບົວ ອ໋ອຍ ຮີ່ງ ເຈ໋ຍ ປຸນ ເກວີຍ ກີຕູ່ ເດສ່ງ. 6ເຢຍ ບົວ ຫລິ່ວ ເລີ໌ຍ ຕສຢັ໋ງ ຕສົ໊ວ ເມີ່ຍ ບົວ ເກ້ງ ເອີຍ ຈ໊ຽນ ເຢຍ ບົວ ເຍີຍ ຫວ່າ. ຫາຍ ເຕົ້າ ໄມ້ ໝວັງ, ເຢຍ ບົວ ຕສ່ຽວ ຕີ່ງ ວົ້ວ ເຕົ້າ ເຍີຍ ຕສຸ໌ຍ.
7ເມີ່ຍ ບົວ ຂູງ ໝັ່ງ ເປີ້ຍ ຕສັ່ງ ຮນັ້ງ. ຢຽມ ເມີ່ຍ ບົວ ໜ່າຍ ມ່າຍ ຫາຍ ເຕົ້າ ຝຸນ ນິ່ນ ເປ໋ນ ກີຕູ່ ເຍີຍ ມ່ຽນ ໄຟ? ນິ່ນ ອ໋ອຍ ຕສຸ ແອ໋ງ ຫລົງໆ ເຍີຍ ຮນ້ຳ ກ໋າ, ເຫວີ່ຍ ຕສຸ ເຢຍ ບົວ ໂຕສ໋ວ ກີຕູ່ ເຍີຍ ມ່ຽນ ຮນັ້ງ ນິ່ນ ນໍ. 8ຕສ໊ຽວ ເຖສີຍ ຫັດ ມ໌າ ປຸນ ເຢຍ ບົວ, ເຢຍ ຕສ່ຽວ ເທສງ-ໂຮລ ຕິ໊ ຕຽນ ມເປີຍ, ມປ່າ ເຢຍ ໄມ້ ໄຍ້. ຕສ໊ຽວ ປຸນ ເຍີຍ ຫັດ ມ໌າ ເຊ ເຫວີ່ຍ ເຖສີຍ ເມີ່ຍ ບົວ, ໄມ້ ເຕສີ໌ຍ ປ່າຍ ເມີ່ຍ ບົວ. 9ເຢຍ ຮນັ້ງ ນ້າຍ ນໍ ກ໊ອງ ເຫວີ່ຍ ຕສຸ ໄມ້ ອ໋ອຍ ເມີ່ຍ ບົວ ຫລ່າຍ ເຢຍ ເຟ້ຍ ຝຽນ ແຮະ ເມີ່ຍ ບົວ. 10ມ່າຍ ເຕີ໋ຍ ມ່ຽນ ກ໊ອງ, “ເປົາໂລ ເຟ້ຍ ເຍີຍ ຝຽນ ເຮນ້ຍ ເຍີຍ, ຈ໊ຽນ ເຍີຍ, ມປ່າ ຕ໋ອຍ ຮມຽນ ປວັດ ນິ່ນ ໄມ້ ມ່າຍ ຫາຍ ຫຍູ່ງ ໂມວ. ນິ່ນ ກ໊ອງ ຫວ່າ ຢ່າ ໄມ້ ຕສີ່ ຕສິ້ນ.” 11ກ໊ອງ ນ້າຍ ຫຍູ່ງ ຫວ່າ ເຍີຍ ມ່ຽນ ອ໋ອຍ ຕສຸ ຮິ້ວ ຕຸ໊, ເຢຍ ບົວ ໄມ້ ເຖສົາ ເມີ່ຍ ບົວ ຢຽມ ເຍີຍ ຕສຢັ້ງ ໂຫ່ ເຟ້ຍ ຝຽນ ກ໊ອງ ຫາຍ ຫຍູ່ງ, ເຢຍ ບົວ ເຖົາ ເມີ່ຍ ບົວ ໜ່າຍ ເຢຍ ບົວ ຢ່າ ໂຕສ໋ວ ວົ້ວ ຫຍູ່ງ ອ໊ະ.
12ເຢຍ ບົວ ໄມ້ ກ໊າມ ຝຸນ ເຢຍ ບົວ ເຖສົາ ເທສງ ກັ້ນ ໂຮລ ວົ້ວ ເຕີ໋ຍ ເປ໋ນ ຢຽດ ຮ່ອງ ມ່ຽນ, ຢ່າ ໄມ້ ຕໍ້ ກັ້ນ ເປີ໊ຍ ນິ່ນ ບົວ. ນິ່ນ ບົວ ຫຮງົງ ໄຫ່ ອ໊ະ. ນິ່ນ ບົວ ຫລົ່ງ ກັ້ນ ໂຕສ໋ວ ທສິ-ຖສຸນ ເດາະ ກັ້ນ ເຖສົາ ກັ້ນ, ເປີ໊ຍ ກັ້ນ ເຖສົາ ກັ້ນ.
13ເຢຍ ບົວ ໄມ້ ປູ໋ງ ຫວ່າ-ເໝົາ ເຈ໋ຍ ດ່າງ ໂສວ ໂໝ່ວ. ຂູງ ຕສິ໋ວ ທິນ-ຮູ່ງ ຕີ່ງ ປຸນ ເຢຍ ບົວ ເຍີຍ ເຕີ່ຍ-ຈ໋າຍ ໂຕສ໋ວ ເຍີຍ ກົງ ປູ໋ງ ຫວ່າ-ເໝົາ ຮນັ້ງ. ເມີ່ຍ ບົວ ຢ່າ ຢຽມ ເຢຍ ບົວ ເຍີຍ ເຕີ່ຍ-ຈ໋າຍ ກະຍົ໌ວ. 14ເຢຍ ບົວ ມີ່ງ ເມີ່ຍ ບົວ ໜ່າຍ, ເຢຍ ບົວ ໄມ້ ເຈ໋ຍ ດ່າງ ເຢຍ ບົວ ຫອບ ຕສຸ ຢຽມ ເຍີຍ ເຕີ່ຍ-ຈ໋າຍ, ເຫວີ່ຍ ຕສຸ ເຢຍ ບົວ ໂຕສ໋ວ ຕ້າວ ກວັ້ນ ຕສຸ້ນ ກີຕູ່ ເຍີຍ ຄູ້ ຝຽນ ປຸນ ເມີ່ຍ ບົວ ໝວັງ. 15ເຢຍ ບົວ ໄມ້ ເຕສີ໌ຍ ປູ໋ງ ຫວ່າ-ເໝົາ ກ໊ອງ ກັ້ນ ເຕີ໋ຍ ມ່ຽນ ເຈ໋ຍ ດ່າງ ເຢຍ ບົວ ເຍີຍ ເຕີ່ຍ-ຈ໋າຍ ໂຕສ໋ວ ເຍີຍ ກົງ. ມປ່າ ເຢຍ ບົວ ມ່າຍ ລ່ຳ ຮນ້ຳ ເມີ່ຍ ບົວ ຈາ ສຽນ ເຮ້ນ ຈ໊ຽນ ຝາວ, ເຢຍ ບົວ ຕສ່ຽວ ຕຸ໊ ຢຽມ ເມີ່ຍ ບົວ ບຸດົ໋ງ ໂຕສ໋ວ ກົງ ຈາ ທສ້ຳ ຈ໊ຽນ ຝາວ, 16ເຢຍ ບົວ ຕສ່ຽວ ໄຮ່ ຕສຸ້ນ ຄູ້ ຝຽນ ເຈ໋ຍ ດ່າງ ເມີ່ຍ ບົວ ເຍີຍ ເຕີ່ຍ-ຈ໋າຍ. ເຫວີ່ຍ ຕສຸ ເຢຍ ບົວ ໄມ້ ອ໋ອຍ ເຕສ໊າະ ກັ້ນ ລ່ານ ມ່ຽນ ຢຽມ ເຍີຍ ເຕີ່ຍ-ຈ໋າຍ ໂຕສ໋ວ ລິ໌ວ ເຍີຍ ກົງ ປູ໋ງ ຫວ່າ-ເໝົາ. 17ມປ່າ ຮນັ້ງ ກີງ-ໂຊວ ກ໊ອງ ນໍ,
“ຫາຍ ເຕົ້າ ອ໋ອຍ ປູ໋ງ ຫວ່າ-ເໝົາ,
ອ໋ອຍ ຕສຸ ປູ໋ງ ຫວ່າ-ເໝົາ ກ໊ອງ ຕສ໊ຽວ ໂຕສ໋ວ ເຍີຍ ສີ່.” #ເຢເລມີ 9:24
18ເຫວີ່ຍ ຕສຸ ເທສງ ກັ້ນ ເຍີຍ ມ່ຽນ ໄມ້ ຕສີ່ ຕຸ໊ ທ່າຍ. ຕສີ່ ຕຸ໊ ທ່າຍ ເຍີຍ ເຊ ຕົ້ງ ຕສ໊ຽວ ເທສງ ວົ້ວ ເຕົ້າ.
Currently Selected:
2 ໂຄລິນໂທ 10: IuMiLAO
Highlight
Share
Copy
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.
