1 ເທສະໂລນິກາ 5
5
ອ໋ອຍ ຕສຸ ຫລິ່ວ ເລີ໌ຍ ຕສຢັ໋ງ ຕສົ໊ວ ຕສ໊ຽວ ແອ໋ງ ຕ້າຍ
1ຕສວັ໋ງ ກໍ໋-ໂຢ໌ວ ອ່າ, ກ໊ອງ ເຖົາ ນ້າຍ ເຕີ໋ຍ ສີ່ ຫາຍ ນອມ ຕສຢັ້ງ ໂຫ່ ຫາຍ ນອມ ຫຍຸດ ເຕສີ໊ຍ ອ໋ອຍ ທສວດ ໄມ້ ຕສຸ ເຟ້ຍ ບົ໋ວ ເມີ່ຍ ບົວ, 2ເຫວີ່ຍ ຕສຸ ເມີ່ຍ ບົວ ເມ່ງໆ ເຍີຍ ຮິ້ວ ຕຸ໊ ຕສ໊ຽວ ຕ້າຍ ເຍີຍ ຮນອຍ ອ໋ອຍ ເຖົາ ຮນັ້ງ ຈັ໋ນ-ຕສະ ລູ່ງ ມ໌ວນ ຕສັ່ນ ຕ້າຍ ວົ້ວ ນໍ. #ມັດທາຍ 24:43; ລູກາ 12:39; 2 ປີເຕ 3:10 3ຕສວັ໋ງ ມ່ຽນ ກ໊ອງ, “ຖາຍ-ແປ້ງ ອ໊ະ ໂລ່ະ! ໄມ້ ຕສຸ ກ້ຳ ເດສ໋ຍ ອ໊ະ,” ວົ້ວ ຕສັ່ນ ນິ່ນ ບົວ ຕສ່ຽວ ລ່ຽມ ເຕສີ້ຍ ຕສຸ ໝຽດ, ຮນັ້ງ ມເຊັຍ ຕອນ ລ່ຽມ ເຕສີ້ຍ ມຸນ ກູ້ ງວ໌າ ນໍ. ໄມ້ ໄຮ່ ເປຢົ໋າ ໄມ້ ດຸ໊ດ.
4ກໍ໋-ໂຢ໌ວ ອ່າ, ເມີ່ຍ ບົວ ໄມ້ ເຕສີ໌ຍ ຢຽມ ຫຮມວັງ ກະຍົ໌ວ. ຮນັ້ງ ໜ່າຍ, ວົ້ວ ນອມ ຮນອຍ ໄມ້ ຫອບ ຕສຸ ເຖົາ ຮນັ້ງ ຈັ໋ນ-ຕສະ ຕ້າຍ ນໍ. 5ເມີ່ຍ ບົວ ຢຽດ ຕສູ໊ງ ໂຕສ໋ວ ຢຽມ ອຈັງ ເຍີຍ ມ່ຽນ ຢ່າ ເກວີຍ ລູ່ງ ຮນອຍ ຕສັ່ນ. ບົວ ໄມ້ ເຕສີ໌ຍ ເກວີຍ ລູ່ງ ມ໌ວນ ຕສັ່ນ ໄຟ ໂຕສ໋ວ ຢຽມ ຫຮມວັງ ເຍີຍ ມ່ຽນ. 6ຮນັ້ງ ນ້າຍ, ບົວ ໄມ້ ຕູ໋ງ ຮນັ້ງ ເຫຍ່ຍ ເຍີຍ ມ່ຽນ ມອຈ້ອມ. ອ໋ອຍ ຕສຸ ກີງ ຈ໊ຽນ ໂຮຍ້ວ, ກຸ໊ນ ຈ໊ຽນ ກັ້ນ, 7ເຫວີ່ຍ ຕສຸ ເປວີ໋ຍ ມອຈ້ອມ ເຍີຍ ມ່ຽນ ເຊ ລູ່ງ ມ໌ວນ ຕສັ່ນ ມອຈ້ອມ. ຕິ໊ວ ອກວິນ ເຍີຍ ມ່ຽນ ລູ່ງ ມ໌ວນ ຕສັ່ນ ອກວິນ. 8ມປ່າ ບົວ ເກວີຍ ລູ່ງ ຮນອຍ ຕສັ່ນ, ຕສ່ຽວ ອ໋ອຍ ຕສຸ ກຸ໊ນ ຕຸ໊ ກັ້ນ. ອ໋ອຍ ຕສຸ ຫລົ່ງ ສຽນ ເຢຊູ ເຍີຍ ໂຮຍ້ວ ເຖສົາ ຮນ້ຳ ມ່ຽນ ເຍີຍ ໂຮຍ້ວ ໂຕສ໋ວ ເຮລັຍ-ຈ໊າບ ປວັງ ຈ໊ຽນ ຫລະຄວດ. ຢ່າ ອ໋ອຍ ຕສຸ ມ່າຍ ລ່ຳ ຮນ້ຳ ອ໋ອຍ ຕຸ໊ ໂອຈ໋ວ ເຫວີ່ຍ ໂຕສ໋ວ ເຮລັຍ-ໝົ່ວ ດົ໋ງ ຈ໊ຽນ. #ອິສະຢາ 59:17; ເອເຟໂຊ 6:13-17 9ທິນ-ຮູ່ງ ກິ໊ນ ບົວ ຕ້າຍ ໄມ້ ເຕສີ໌ຍ ເຫວີ່ຍ ອ໋ອຍ ປຸນ ບົວ ຕສຸ ນິ່ນ ໂນ໌ວ. ນິ່ນ ອ໋ອຍ ປຸນ ບົວ ເຂົາ ຕສ໊ຽວ ເຢຊູ ກີຕູ່ ຕຸ໊ ໂອຈ໋ວ. 10ກີຕູ່ ເຫວີ່ຍ ບົວ ໄຕ່. ຮນັ້ງ ໜ່າຍ, ນິ່ນ ແອ໋ງ ຕ້າຍ ວົ້ວ ຕສັ່ນ, ໄມ້ ກຸ໊ນ ບົວ ຕສຢັ້ງ ຈ໊ຽນ ໄຟ ໄຕ່ ມີ່ງ, ນິ່ນ ອ໋ອຍ ປຸນ ບົວ ເຖສົາ ນິ່ນ ຢຽມ. 11ເຫວີ່ຍ ນ້າຍ ອ໋ອຍ ຕສຸ ລ່ານ ເຖງ ລ່ານ ຕສູ໋ງ ທຈະ, ລ່ານ ເຖງ ລ່ານ ເຖສີຍ ເຈ໌ຍ ຕ້າຍ, ຮນັ້ງ ອີ້ ຕສັ່ນ ເມີ່ຍ ບົວ ໂຕສ໋ວ ເຍີຍ ນໍ.
ເຊດ ເມວີ໌ຍ ຫວ່າ
12ຕສວັ໋ງ ກໍ໋-ໂຢ໌ວ ອ່າ, ເຢຍ ບົວ ໂທ້ ເມີ່ຍ ບົວ ອ໋ອຍ ຕສຸ ທ່າຍ ຢຽມ ເມີ່ຍ ບົວ ບຸດົ໋ງ ທສວດ ທຈະ ໂຕສ໋ວ ກົງ ເຍີຍ ມ່ຽນ, ຕົ້ງ ເຫວີ່ຍ ຕສ໊ຽວ ເຢຊູ ກຸ໊ນ ເມີ່ຍ ບົວ, ອຈ໋າວ ເມີ່ຍ ບົວ ວົ້ວ ເຕີ໋ຍ. 13ອ໋ອຍ ຕສຸ ເຫວີ່ຍ ນິ່ນ ບົວ ໂຕສ໋ວ ເຍີຍ ກົງ ຫລົງໆ ເຍີຍ ທ່າຍ ຢ່າ ຮນ້ຳ ນິ່ນ ບົວ. ລ່ານ ຢ່າ ອ໋ອຍ ຕສຸ ເຖສົາ ລ່ານ ແປ້ງ ອອນ ເຍີຍ ຢຽມ. 14ຕສວັ໋ງ ກໍ໋-ໂຢ໌ວ ອ່າ, ເຢຍ ບົວ ໂທ້ ເມີ່ຍ ບົວ ອ໋ອຍ ຕສຸ ຂວິນ ມ່ຽນ ເຫລວີ່ຍ ມ່ຽນ, ອ໋ອຍ ຕສຸ ເຖງ ຕ໊າມ ໄຝ ເຍີຍ ມ່ຽນ ຕສູ໋ງ ຕ໊າມ, ອ໋ອຍ ຕສຸ ເຖງ ເມົາ ເຍີຍ ມ່ຽນ, ຢ່າ ອ໋ອຍ ຕສຸ ຫລົ່ງ ໜ່ອຍ ຕ໋າຍ ຕສວັ໋ງ ມ່ຽນ. 15ອ໋ອຍ ຕສຸ ໄຝ ຟິມ, ໄມ້ ຕູ໋ງ ປຸນ ຫາຍ ເຕົ້າ ໂຕສ໋ວ ເອ໊າະ ວິ່ນ ເອ໊າະ. ມປ່າ ລ່ານ ອ໋ອຍ ຕສຸ ຕສັ່ນໆ ລໍ໌ ຖຈັງ ໂຕສ໋ວ ຫລົງ ປຸນ ລ່ານ ຢ່າ ໂຕສ໋ວ ຫລົງ ປຸນ ຕສວັ໋ງ ມ່ຽນ.
16ອ໋ອຍ ຕສຸ ຕສັ່ນໆ ອອນ-ເຫລາະ. 17ຢ່າ ອ໋ອຍ ຕສຸ ໄມ້ ຕີ້ງ ລ່ຽວ ເຍີຍ ເຕົ໋າ ເກົ໋າ. 18ຢຽມ ໝ່ານ ສີ່ ອ໋ອຍ ຕສຸ ແລ໌ງ ຕສີ້ງ ທິນ-ຮູ່ງ. ເມີ່ຍ ບົວ ເຖສົາ ກີຕູ່ ເຢຊູ ຈວັ່ງ ແໝ່ງ ຕສຢັ້ງ, ທິນ-ຮູ່ງ ຕສ່ຽວ ອ໋ອຍ ເມີ່ຍ ບົວ ຮນັ້ງ ນ້າຍ ນໍ ໂຕສ໋ວ.
19ໄມ້ ຕູ໋ງ ເບ໊າະ ໄຕ່ ສີງ ລີ່ງ ເຍີຍ ໂຕ໌ວ. 20ໄມ້ ຕູ໋ງ ໝັ່ງ ເຜຍ ສີງ ລີ່ງ ປຸນ ມ່ຽນ ໂຕ່ວ ຕ້າຍ ເຍີຍ ຫວ່າ. 21ອ໋ອຍ ຕສຸ ເສີຍ ໝັ່ງ ຫຍູ່ງໆ. ຫລົງ ເຍີຍ ອ໋ອຍ ຕສຸ ເອີຍ ຈ໊ຽນ ໂຕສ໋ວ. 22ຫຍູ່ງໆ ເອ໊າະ ເຍີຍ ອ໋ອຍ ຕສຸ ຊິ້ມ ອກອຍ.
23ໂທ້ ເຖສີຍ ແປ້ງ ອອນ ເຍີຍ ທິນ-ຮູ່ງ ປຸນ ເມີ່ຍ ບົວ ທສີງ-ເດສ່ງ ເຖົາ ຕ້າວ, ຢ່າ ເປວ ຈ໊ຽນ ເມີ່ຍ ບົວ ເຍີຍ ລີ່ງ ວ່ວນ, ເມີ່ຍ ບົວ ເຍີຍ ໂຮຍ້ວ, ເມີ່ຍ ບົວ ເຍີຍ ຊິນ, ເຖົາ ຕສ໊ຽວ ເຢຊູ ກີຕູ່ ແອ໋ງ ຕ້າຍ ວົ້ວ ຕສັ່ນ ຕສ່ຽວ ໄມ້ ມ່າຍ ຕ໋ອງ ເອກ້ມ. 24ເຫ່ວ ເມີ່ຍ ບົວ ຕ້າຍ ວົ້ວ ເຕົ້າ ເຊ ຕສຽບ ຕສົ໊ວະ ເຍີຍ. ນິ່ນ ອ໋ອຍ ຮນັ້ງ ນ້າຍ ນໍ ໂຕສ໋ວ ຕສຢັ໋ງ.
25ຕສວັ໋ງ ກໍ໋-ໂຢ໌ວ ອ່າ, ໂທ້ ເມີ່ຍ ບົວ ເຖງ ເຢຍ ບົວ ເຕົ໋າ ເກົ໋າ. 26ຫວຸ່ຍ ປວັ້ງ ເຍີຍ ຕສຢັ້ງ ໂຫ່ ອ໋ອຍ ຕສຸ ໂຕສ໋ວ ໂຮຍ້ວ ທສີງ-ເດສ່ງ ຕສົມ ຮມຽນ ໜ່າຍ ແປ້ງ ອອນ.
27ເຢຍ ຫລົ່ງ ຕສ໊ຽວ ເຍີຍ ຫັດ ມ໌າ ບົ໋ວ ເມີ່ຍ ບົວ, ເມີ່ຍ ບົວ ອ໋ອຍ ຕສຸ ໂຕະ ນ້າຍ ເຕສີ໊ຍ ຝຽນ ປຸນ ຕສວັ໋ງ ກໍ໋-ໂຢ໌ວ ໝວັງ.
28ໂທ້ ຕສ໊ຽວ ເຢຊູ ກີຕູ່ ເຖສີຍ ເອນ ປຸນ ເມີ່ຍ ບົວ.
Currently Selected:
1 ເທສະໂລນິກາ 5: IuMiLAO
Highlight
Share
Copy
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.
