SAKALIA 5
5
Ko te Fakaasiga e Uiga ki te Peluga Tusi e Lele
1Ne toe kilokilo atu au, kae i te taimi tenei, ko lavea ne au se peluga tusi e eva i te vanimonimo. 2Ne fesili mai te agelu me se a te mea e lavea ne au. Kae tali atu au penei, “Se peluga tusi e lele i te vanimonimo; e iva mita i te loa kae fa mo te āfa mita i te lauefa.”
3Tena ne fai mai ei a ia ki a au penei, “I te peluga tusi tena, e tusi i ei a te malaia tela ka oko ki luga i te fenua katoa. I te feitu e tasi o te peluga tusi e fai mai i ei me i so se tino e kaisoa e ave keatea mai te fenua; kae i te sua feitu e fai mai i ei me i so se tino e tauto kae loi e ave keatea foki. 4Muna a te Aliki Tafasili i te Malosi, me ka uga atu ne ia te malaia tenei, kae ka ulu fua ki fale o tino kaisoa mo tino kola e loi i taimi e tau'to ei latou. Ka nofo te malaia tena i olotou fale o fakamasei latou.”
Ko te Fakaasiga e Uiga ki te Fafine i te Kete
5Ne toe fakasae mai te agelu kae fai mai penei, “Kilo ake ou mata! Se mea fakaatea foki tena ko vau!”
6Ne fesili atu au penei, “Se a te mea tena?”
Ne tali mai a ia penei, “Se kete, tela ko te fakailoga o te agasala#5.6 I naai lomiga taumua agasala; faka-Epelu mata. o te fenua katoa.”
7A te pono o te kete e faite ki polo faka'mafa. Kae kilokilo atu au, te pono ko sisi ake, kae i loto i te kete e sagasaga mai i ei a te fafine!
8Muna a te agelu, “A te fafine tenei ko te fakailoga o te masei.” Ne teke atu ne ia a te fafine ki loto i te kete kae pono ifo tena pono. 9Ne toe kilo ake au ki luga kae toe matea ne au a fafine e tokolua e eva tonu mai ki a au mo la kapakau malosi pela mo kapakau o te manu ko te matuku. Ne puke ake ne laua te kete, eva atu eiloa mo laua.
10Ne fesili atu au ki te agelu penei, “E ave ki fea ne laua te kete?”
11Ne tali mai a ia penei, “E ave ki Papelonia, te koga ka faite i ei ne laua se faletapu mo ia. Kafai e oti te faletapu, ko tuku ei i loto a te kete ke tapuaki ki ei a tino.”
Currently Selected:
SAKALIA 5: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
