SAKALIA 13
13
1Muna a te Aliki Tafasili i te Malosi, “Kafai e oko mai te taimi tena, ka 'tala se vaipuna mō faka'ma i ei a tino o te gafa o Tavita mo tino o Ielusalema mai i olotou agasala, mo olotou tapuakiga ki tupua. 2I te taimi tena, ka solo keatea ne au a igoa o tupua i te fenua, kae ka se toe manatua a latou. Ka ave keatea ne au so se tino e fai pela i a ia se pelofeta, kae ka ave keatea foki ne au a te loto fia tapuaki ki tupua. 3Kae kafai e isi se tino e keu eiloa ke fai ana valoaga fakapelofeta, ka faipati atu ei ki a ia a tena tamana mo tena matua i a ia e tau o tamate, me e lou ne ia me ko pati a te Aliki kola e faipati ne ia, kae tela ei ko te loi faeloa. Kafai eiloa e valo fakapelofeta a ia, ko ia ka suki ne tena matua mo tena tamana ke mate. 4Kafai e oko mai te taimi tenei, ka seai eiloa se pelofeta e fakamatamata i ana miti, seai foki se tino e fai pela me se pelofeta, io me pei ki gatu fakapelofeta o taumafai o fakaloiloi a tino. 5Kae ka fai aka a ia penei, ‘A au e se se pelofeta. Au se faifatoaga - au ne galue i te laukele i toku olaga katoa.’ 6Kae kafai e isi se tino e fesili penei ki a ia, ‘Ne a pa'kiaga kona i tou fatafata?’ kae ka tali mai a ia penei, ‘Ne pa'kia i te fale o toku taugasoa.’ ”
Ko te Fakatonuga ke Tamate te Tausi Mamoe a te Atua
7 #
Mata 26.31; Male 14.27 Muna a te Aliki Tafasili i te Malosi, “Te pelu, ala ake o ta taku tausi mamoe! Tamate a ia, kae ka mafuta valevale a mamoe. 8Ka ta ne au oku tino, kae ka tusa mo te lua vae tolu o tino i te fenua ka mate. 9Ka tofotofo ne au te tasi vae tolu kola koi toe, kae faka'ma ne au latou e pela me se siliva e faka'ma i te afi. Ka tofotofo ne au a latou pela me se aulo e tofotofo. Ka talo mai latou ki a au, kae ka tali au ki a latou. Ka fakailoa ne au ki a latou me i a latou ko oku tino, kae ka takutonu ne latou i a au ko te lotou Atua.
Currently Selected:
SAKALIA 13: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
