SALAMO 109
109
Ko te Tagi a te Tino ko Puapuagatia#Ulutala Epelu: Te salamo a Tavita.
1Te Atua, au e tavae ki a koe;
Mo a ma se tali mai koe!
2A tino amio ma'sei mo tino 'loi ko o'mai o ta au.
E fai olotou tala loi e uiga ki a au.
3Kae fai'pati fakamasei ne latou au,
Kae e seai se pogai e ta ei au ne latou.
4E ui eiloa i toku alofa ki a latou,
Kae 'teke mai faeloa ki a au
Ka ko au e 'talo faeloa mō latou.
5E taui mai ne latou ki a au a toku 'lei ki te masei,
Mo toku alofa ki te takalia'lia mai.
6Filifili ake se famasino amio masei ke fakamasino ne ia toku fili,
Kae tuku atu se tokotasi mai i ana fili ke faka'se ne ia a ia.
7Fakamasino aka a ia ke 'se;
Ke oko foki eiloa ki tena 'talo, ke lau ki agasala!
8 #
Galu 1.20
Ke vave mai foki te ikuga o ana aso;
Ko te mea ke na sui se isi tino i tena galuega!
9Ko ana tamaliki ke seai se lotou tamana,
Ka ko tena avaga ke nofo taka!
10Ke 'nofo fakaalofa ana tamaliki, kae ke fai latou mo tino akai mea kae 'nofo solo.
Ka ke afuli foki keatea mai i nofoaga masei e nofo i ei latou!
11A tino e kaitalafu a ia i ei, ke puke katoa ne latou ana mea totino,
Kae ke maua foki ne tino fakaatea a mea e maua i tena galuega.
12Ke mo a e alofa atu se tino ki a ia;
Ke mo a foki se tino e tausi ki ana tamaliki e ola fakaalofa.
13Ke 'mate katoa a tino e tupu mai i a ia,
Kae ke se manatua tena igoa i te sua tupulaga.
14Ke manatua ne te Aliki te amio masei o ona tupuga,
Mo a foki ma fakamagalo a agasala a tena matua.
15Ke manatua faeloa ne te Aliki olotou agasala,
Ke fakapuli katoatoa foki eiloa latou!
16A te tino tena, e galo eiloa i a ia a te alofa;
A tino mativa mo tino sogea mo tino e ola fakaalofa ne fakasaua kae tamate ne ia.
17A ia e fiafia o fetū a tino; ke fetugina foki a ia!
E se fia fakamanuia ne ia se tino — ke se fakamanuiagina foki a ia!
18E faigofie fua i a ia o fetū se tino, e pela eiloa mo te faigofie i a ia o pei tena gatu;
Ke 'foki atu ana muna fetū ki a ia e pela mo se vai e siu ei tena foitino,
Ka ke 'su foki ki loto i ona ivi e pela mo se sinu!
19Ke pulupulu a ia ne muna fetū e pela mo se gatu,
Ke pela foki mo se kafanoa e fusi i a ia!
20Te Aliki, fakasala ake oku fili pena;
Latou kola e fai'pati fakamasei ki a au!
21Te Aliki toku Atua, fesoasoani mai ki a au e tusa mo tau feagaiga,
Kae fakasao mai au e tusa mo tou alofa atafai.
22Au ko mativa kae fakaalofa;
A toku 'mae ko oko ifo ki toku fatu.
23Ko pili fua o galo atu au e pela mo te 'malu afiafi;
Ko agina au e pela me se manu.
24Ko vaivai oku tuli i te se lava o meakai,
Au ko se aoga, na ko pakili fua mo ivi.
25 #
Mata 27.39; Male 15.29 Kafai e kilo mai a tino ki a au, o kata mai;
E lulū fakatauemu mai olotou ulu.
26Te Aliki toku Atua, fesoasoani mai ki a au;
Fakasao mai au i tou alofa tumau!
27Fai ake ke iloa ne oku fili
Me ko koe e sao ei au.
28Ka fetū au ne latou, ka ko koe ke fakamanuia mai au.
Ke fakatakavale ne koe a latou kola e fakasaua mai.#109.28 Tasi o lomiga taumua Ko latou ne fakasaua mai ki a au, ne fakatakavalegina; faka-Epelu Ne fakasaua mai ki a au, kae ne fakatakavalegina.
Ka ko au, tau tavini, ke fiafia.
29Ke fakamasiasi ne koe oku fili,
Ke fakatusa te lotou masiasi e pela me se gatu 'loa e 'pei ei latou.
30Au e kalaga fakafetai ki te Aliki;
E tavae au ki a ia i te fakapotopotoga a te fenua,
31Me puipui ne ia a te tino mativa,
Ka sao a ia mai tino kola e fakasala ne latou a ia ki te mate.
Currently Selected:
SALAMO 109: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
