MALEKO Fakatomuaga
Fakatomuaga
Te Evagelia a Male e kamata ki te fakamunaga “ko te Tala Lei e uiga ki a Iesu Keliso, te Tama a te Atua.” A Iesu e atagina, i a ia se tagata fai mea mafai kae malosi. A tena malosi e lavea i ana akoakoga, tena mana i luga o temoni, mo te fakamagaloga o agasala a tino. A Iesu e faipati i a ia ko te Tama a te Tagata, tela ne vau o tuku atu tena ola ke fakasaoloto i ei a tino mai te agasala.
A Male e aumai ne ia a te tala o Iesu i te 'tonu katoatoa mo te malosi, e fakavae i luga o mea ne fai ne ia, kae se mai i ana muna mo akoakoga. Mai tua ifo o te fakamatalaga toetoe e uiga mo Ioane te Papatiso, mo te papatisoga mo fakaosoosoga o Iesu, a te Tusitala ne toe fakasaga ki luga i te galuega fakalei masaki mo akoakoga a Iesu. E gasolo te taimi ki mua, kae ko tino tau'tali i a Iesu kona atili maina atu fakalei i uiga o ia, kae mo latou kola e 'teke ki a ia ko gasolo ake eiloa o kaitaua. A mataupu fakaoti e fakaasi i ei a mea katoa ne feagai mo Iesu, i tena toe vaiaso i tena olaga i te lalolagi, kae maise ei tena fakasatauloga mo tena toetu.
A vaega e lua o te fakaotiga o te Evagelia, kola e pono ki puipui, e fakatautau pela me ne tusi ne se tino fakaatea kae se ko te Tusitala o Male.Tenei te vaega tela e fakauiga ki ei,“ko te Tala Lei e uiga ki a Iesu Keliso, te Tama a te Atua.”
Ko Fakasologa o Mataupu
Kamataga o te evagelia (1.1-13)
Galuega a Iesu i Kalilaia (1.14—9.50)
Mai i Kalilaia ki Ielusalema (10.1-52)
Toe vaiaso i loto mo tafatafa o Ielusalema (11.1—15.47)
Toetu mai o Iesu (16.1-8)
Fakasiasiga mo te fanakega ki te lagi o te Aliki ne toetu (16.9-20)
Currently Selected:
MALEKO Fakatomuaga: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific