MALEKO 1

Ko te Akoakoga a Ioane te Papatiso

(Mata 3.1-12; Luka 3.1-18; Ioa 1.19-28)

114 Ko te Tala 'Lei tenei ki a Iesu Keliso, te tama a te Atua.#1.1: I naai lomiga e seai i ei te Tama a te Atua. 2#Male 3.1Ne kamata o tusi ne Isaia te pelofeta:

“Muna a te Atua, ‘Ka uga atu ne au taku avefekau ke mua i a koe o fakatoka te auala mo koe.’

3 # Isa 40.3 E isi se tino e kalaga i te vao penei:

‘Fakatoka te auala o te Aliki;

Fai se auala tonu mo ona sasale!”’

4Ne nofo a Ioane i te vao kae folafola atu ki tino ke salamo kae ke papatiso latou e fakaasi te lotou salamo mai i olotou agasala.#1.4: A Ioane tenei ne sae mai i te toafa, e papatiso kae lauga te muna; i naai lomiga e isi i ei A Ioane te Papatiso ne fakasae mai i te toafa, lauga atu. 5Kae ne olo atu tino mai te fenua katoa ko Iutaia mo tino o te fakai ko Ielusalema o fakalogo'logo ki a Ioane. Ne takutaku atu olotou agasala ki a ia, papatiso ei latou ne ia i te vaitafe ko Iolitana.

6 # 2Tupu 1.8 Ne pei a Ioane ki te gatu fulufulu kamela mo tena kafanoa pa'kili manu e li i tena taugasulu, ka ko ana meakai ne ligoligo mo melivao. 7Ne folafola atu ne ia ki tino penei: “E isi se tino e vau i oku tua, e sili atu i a au; e se 'tau foki mo au o punou ifo o 'tala ona taka. 8E papatiso ne au koutou ki te vai, kae ka papatiso ne ia koutou ki te Agaga Tapu.”

Ko te Papatisoga mo te Fakaosoosoga o Iesu

(Mata 3.13—4.11; Luka 3.21-22; 4.1-13)

9E seki leva foki kae fanatu a Iesu mai Nasaleta i Kalilaia, papatiso ei a ia ne Ioane i te Iolitana. 10I te fanakega a Iesu mai te vai, ne lavea ne ia te lagi ko matala, mo te Agaga Tapu ko fanaifo ki luga i a ia e pela mo se lupe. 11#Kene 22.2; Sala 2.7; Isa 42.1; Mata 3.17; 12.18; Male 9.7; Luka 3.22#Kene 22.2; Sala 2.7; Isa 42.1; Mata 3.17; 12.18; Male 9.7; Luka 3.22Ne oko mai foki te leo mai te lagi penei: “A koe ko taku Tama fagasele, ka ko oko eiloa i toku fiafia ki a koe.”

12I kona eiloa ave ei a ia ne te Agaga Tapu ki te vao. 13Ne nofo foki a ia i te vao i aso e fa sefulu, kae ne fakaosooso a ia ne Satani. Ne fakatasi foki a ia mo manu o te vao, ka ko agelu ne o'mai o fesoasoani ki a ia.

Ko Kalagagina ne Iesu Tino Fai-ika e Tokofa

(Mata 4.12-22; Luka 4.14-15; 5.1-11)

14I te otiga o te peiga a Ioane ki te fale puipui, fanatu ei a Iesu ki Kalilaia o folafola atu a te Tala 'Lei mai te Atua. 15#Mata 3.2 Ana muna: “Ko oko nei ki te taimi tonu, ka ko te Malo o te Atua ko pili mai! Ke salamo koutou ki otou agasala, kae talitonu ki te Tala 'Lei!”

16Ne sasale ake pela Iesu i tafa o te Namo o Kalilaia, matea ei ne ia te tautaina ko Simona mo Anitelea e tatili i te namo. 17Ne fai atu a Iesu ki a laua “O'mai tou olo, ke fakaakoako ne au koulua ke fai mo tino Fai-ika ki tino.” 18Ne tuku o la tili kae tau'tali atu i a ia.

19Ne tai momea malie atu a ia ki mua matea ei ne ia te sua tokolua tautaina ko Iakopo mo Ioane, ko tama a Sepetaio. E 'nofo i te lotou poti e ponopono te lotou tili. 20Ne kalaga atu a Iesu ki a laua i te taimi eiloa tena; tela, tuku ei ne laua te la tamana ko Sepetaio mo olotou tavini i te poti, kae tau'tali atu i a ia.

Ko te Tino ne Ulufia ne te Agaga Masei

(Luka 4.31-37)

21Ne olo atu latou ki te fa'kai ko Kapanaumi, ka ko te okoga ki te Sapati, fano ei a Iesu ki loto i te fale tapuaki kae akoako atu. 22#Mata 7.28,29Ko oko eiloa i te ofo o tino i ana akoakoga; me i a ia e akoako atu pela mo se tino e i a ia te pule, kae se pela mo faiakoga o te Tulafono.

23I te taimi eiloa tena, ne ulu mai ki loto i te fale tapuaki a te tino e ulufia ne te agaga masei, kae pakalaga penei: 24“Iesu te Nasaleta! Se a tau fekau ki a matou? Ko vau koe na o fakapalele matou? E iloa ne au koe! Ko te Tama Tapu a te Atua!” 25Kae ne 'liko atu a Iesu ki te agaga masei, “Filemu, fano nei keatea mai i a ia!” 26Ne fai ne te agaga masei ke poko te kiki o te tagata ne pukea, pakalaga ei kae fano keatea mai i a ia. 27Ko oko eiloa i te ofo o tino katoa ne i kona, tela fakatau fesilisili ei latou penei: “Se a te mea nei? Se vaega akoakoga fou? A te tagata nei e i a ia te pule e fakatonu atu ki agaga masei kae faka'logo eiloa latou ki a ia!” 28Tela, salalau atu ei te tala ki a Iesu i Kalilaia katoa.

Ko Faka'lei ne Iesu Tino Ma'saki e Tokouke

(Mata 8.14-17; Luka 4.38-41)

29Ne tuku ne latou te fale tapuaki kae olo atu fakatasi mo Iakopo mo Ioane ki te fale o Simona mo Anitelea. 30A te matua o te avaga a Simona e takato i te moega me pokotia ne te fiva, kae ne vave fakagu atu ne latou ki a Iesu i tena okomaiga. 31Ne fanatu a Iesu ki a ia, puke ki tona lima kae fakanofo ake ki luga, ko te mea eiloa ko 'lei tena fiva, fesoasoani atu ei ki a latou o fakatoka olotou momea e 'kai ei latou.

32Ko oko ki te afiafi, ko to foki te la, aumai ei ne latou ki a Iesu tino ma'saki katoa mo tino foki e ulufia ne temoni. 33Ne maopoopo atu tino o te fa'kai ki te mataloa o te fale. 34Ne faka'lei ne Iesu a tino ma'saki i masaki valevale, kae afuli foki ne ia keatea a temoni e tokouke. Ne seki fakataga ne ia a temoni ke fai'pati, me ko iloa ne latou a ia.

Ko Lauga atu a Iesu i Kalilaia

(Luka 4.42-44)

35I te vaveao o te sua aso, ne alausu atu a Iesu ki te koga lavaki o 'talo i ei. 36Ka ko Simona mo ona takaga ne olo atu o salasala a ia. 37I te mauaga ne latou a Iesu fai atu ei latou penei: “A tino katoa konei e 'sala ki a koe.” 38Kae tali atu a Iesu, “E 'tau mo tatou o olo atu ki nisi fa'kai kona e pili mai, me 'tau mo au o folafola atu te Tala 'Lei ki a latou, me tena te mea ne vau ei au.” 39#Mata 4.23; 9.35Tela la, fanatu ei a ia ki fa'kai katoa o Kalilaia o folafola atu te Tala 'Lei i fale tapuaki katoa, kae afuli foki keatea temoni.

Ko Faka'lei ne Iesu te Lepela

(Mata 8.1-4; Luka 5.12-16)

40Ne vau te lepela ki a Iesu, totuli i ona mua kae fakatagi mai ki a ia mō se fesoasoani, ana muna, “E mafai ne koe o faka'ma mai au, mafai e loto koe ki ei.”#1.40:Fai au ke 'ma: A te masaki tenei e fai ne ia a te tino ke se 'ma i faifaiga fakatalitonuga.

41Ko oko eiloa te alofa o Iesu ki a ia,#1.41: manatu alofa; i naai lomiga e isi iei kaitaua. kapa atu ei tena lima o fakapatele atu ki a ia kae fai atu, “Au e loto ke 'ma koe!” 42I kona eiloa 'lei ei tena lepela, ka ko 'ma katoatoa a ia. 43Ne fakatonu malosi atu a Iesu ki a ia kae uga atu ke fano. 44#Levi 14.1-32 Muna a Iesu, “Fakalogo mai ke mo a eiloa e taku atu ne koe te mea nei ki se tino; kae fano o fakaasi koe ki te faitaulaga ke onoono ki a koe, ko avatu ei ne koe ki ei taulaga kola ne fakatonu mai ne Mose, e fakamaoni ei ki tino katoa i a koe ko se lepela.” 45Ka ko te fanoga a te tagata tenei, kamata eiloa o fakasalalau atu ne ia a te tala tenei ki te fenua katoa. Ona ko te fakalasilasiga ne ia o te tala tena, ne seki mafai ei ne Iesu o fano fakaasiasi i mata o tino i te fa'kai. Kae ne nofo faeloa a ia i koga lavaki, kae o'mai a tino ki a ia mai feitu katoa o te fa'kai.

Currently Selected:

MALEKO 1: Tusi Tapu

Highlight

Copy