KENESE 4

Ko Kaino mo Apelu

1A Atamu ne 'moe mo tena avaga, tela ne faitama ei tena avaga. Ne fanau a Eva, se tamaliki tagata kae fai aka mo ana pati penei, “Mai te fesoasoani o te Aliki tenei ne maua ei taku tama tagata,” tena ne fakaigoa ei ne ia ko Kaino.#4.1: Kaino: A te uiga o te igoa tenei faka Epelu “ne maua.” 2Fakamuli ifo, ne toe fanau mai a Eva, ko Apelu. A Apelu ne fai mo tausi mamoe, ka ko Kaino se faifatoaga. 3I se taimi fakamuli ifo, ne aumai ne Kaino a fua o ana fatoaga mo fai tena taulaga ki te Aliki. 4#Epe 11.4Ka ko Apelu ne aumai ne ia te tama toekimua a te mamoe e tasi mai ana mamoe, o tamate, kae ofo atu ki te Aliki te vaega taua o te tamā mamoe tena. Ne fiafia te Aliki ki a Apelu mo tena taulaga, 5kae ne seki talia ne ia a Kaino mo tena taulaga. Ne ita Kaino, kae faipati kaitaua. 6Kae fai mai te Aliki ki a Kaino penei, “Ai a e ita ei koe? Ai a e mata kaitaua ei koe? 7Moi ne fai ne koe te mea tonu, e penei a koe e mata katakata;#4.7: a koe ka mata katakata; io me moi penei ko oti ne talia ne au tau taulaga. kae ne fai ne koe te mea se lei, tela la, a te agasala e pili fatu eiloa ki tou mataloa, e fia pule ne ia koe, kae tau mo koe o fakatakavale.”

8 # Mata 23.35; Luka 11.51; 1Ioa 3.12 Tena ne fai atu ei a Kaino ki tena taina ko Apelu penei, “Vau ke olo taua ki koga kola e tu ei fatoaga.” I te okoga o laua ki fatoaga, ne mafuli atu a Kaino, tamate eiloa ne ia tena taina.

9Ne fesili atu te Aliki ki a Kaino penei, “Tefea Apelu tou taina?”

Kae tali atu a Kaino, “E seiloa ne au. Ai a ko au nei se tino tausi o toku taina?”

10 # Epe 12.2 Muna a te Aliki, “Ai a ko fai ei ne koe se mea mataga penei? A te toto o tou taina ko kalaga mai ki a au mai te laukele, e pela me se leo e kalaga mai ke taui atu. 11A koe nei ko malaia, kae ko se toe mafai ne koe o galue te laukele. Ko oti ne inu ne te laukele te toto o tou taina, e pela eiloa me ne fakamaga tena gutu o tali tena toto i te tamatega ne koe. 12Kafai e taumafai koe o toki ne lakau kaina, ka seai ne mea e fua mai ne te laukele; a koe ka takasese i te lalolagi, seai se koga e nofo tumau ei koe.”

13Kae fai atu a Kaino ki te Aliki, “A te fakasalaga tenei ko tō 'mafa ki a au. 14Ko afuli ne koe au keatea mai te fenua, ke 'mao mo koe. Au ka takasese i te lalolagi, seai se koga e nofo tumau ei au, kae kafai e maua au ne se tino ko au ka tamate ne ia.”

15Kae ne tali atu te Aliki penei, “Ikai, kafai e tamate koe ne se tino, ka taui fakafitu ne au ki a ia e tusa mo tena mea ne fai ki a koe.” Tela ne fakamailoga ei ne te Aliki a Kaino ke mo a e tamate ne se tino e fetaui mo ia. 16Tela ne fano keatea ei a Kaino mai mua o te Aliki o nofo i te fenua e igoa ko “Nota” i te feitu ki te Saegala o Etena.

Ko te Gafa o Kaino

17Ne maua te tamaliki tagata a Kaino mo tena avaga, fakaigoa ne laua ko Enoka. Tena ne faite ei ne Kaino se fa'kai kae fakaigoa ki te igoa o te la tama. 18Ne fai te tama a Enoka ko Ilata, tela ko te tamana o Mesuala. Ne fai te tama a Mesuala ko Metusaeli, tela ko te tamana o Lameko. 19E tokolua avaga a Lameko, ko Ata mo Selau. 20Ne fanau a Ata ko Iapalu, tela ko te tupuga o tino kola e tausi pulumakau, solofanua, mo nisi manu lata aka foki, kae e nofo i faleie. 21A tena taina ko Iupalu te tupuga o tino tata i kitala mo faili kae fai pese foki. 22A Selau ne fanau ne ia a Tupalu Kaino, tela ne faite ne ia a vaega mea faigaluega valevale,#4.22: tela ne faite ne ia a vaega mea faigaluega valevale; tasi o lomiga taumua tupuga o tino galue katoa i fiti. ki palasi mo fiti. Te tuagaene o Tupalu Kaino ko Naama.

23Muna a Lameko ki ana avaga,

“Ata mo Selau, fakalogo mai ki a au:

Ko oti ne tamate ne au se tamataene me ne pago ne ia au.

24Kafai e fakafitu te taui ki te tino e ta ne ia a Kaino,

E fakafitu sefulu fitu te taui ki te tino e tamate ne ia au.”

Ko Setu mo Enosa

25Ne toe fai te tama a Atamu mo tena avaga, se tama tagata. Muna a Eva penei, “Ko tuku mai ne te Atua se tama e sui ei a Apelu tela ne tamate ne Kaino.” Tela ne fakaigoa ei ne ia ko Setu.#4.25: Setu: A te uiga o te igoa tenei faka Epelu “ne tuku atu.” 26Ne fai te tama a Setu, ko Enosa. Mai te taimi tena, ko fatoa kamata ei a tino o fakaaoga te igoa tapu o te Aliki i taimi o tapuakiga.

Currently Selected:

KENESE 4: Tusi Tapu

Highlight

Copy