Псалманууд 99
99
1Эзэн — Хаан!
Арадууд шэшэрэлдэг лэ!
Тэрэ херүбүүд дээрэ һууна,
газар дэлхэй доһолог лэ!
2Сион соо Эзэн агууехэ,
бүхы арадууд дээгүүр үргэмжэлэгдэнхэй.
3Танай агуу, һүрдэмөөр нэрые тэдэ магтан дуулаг!
Тэрэ хадаа арюун!
4Тэрэ хүсэ шадалтай Хаан,
зүб шударгада дуратай.
Та сэхэ тэгшэ ёһо батажуулаат,
Яковой зондо шударга ёһо, зүб шударгые хээт.
5Манай Эзэн Бурханиие үргэмжэлэгты!
Хүлэйнь гэшхүүрэй урда һүгэдэн мүргэгты!
Тэрэ арюун мүн!
6Моисей болон Аһароон тахишадайнь дунда,
Самуил нэрыень дуудагшадай дунда байгаа.
Эзэниие тэдэнэй дуудахада, Тэрэ дуулаа.
7Тэрэ тэдээндэ үүлэн бахана сооһоо айладаа бэлэйл.
Үршөөһэн зарлигыень болон һургаалнуудыень
тэдэ сахин байгаа бэлэй.
8Эзэн Бурхамнай! Та тэдээндэ харюусаат,
Та тэдэниие хүлисэдэг,
үйлэ хэрэгүүдэйнь түлөө хэһээдэг Бурханта.
9Эзэн Бурханииемнай үргэмжэлэгты!
Нангин хада дээрэнь һүгэдэн мүргэгты!
Юуб гэбэл, Эзэн Бурхамнай арюун нангин юм.
Currently Selected:
Псалманууд 99: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
