Псалманууд 85
85
1[Дуунай бүлэгэй хүтэлбэрилэгшэдэ: Кораахай уг удамай. Псалма.]
2Эзэн, Та Өөрын нютагта энэрхы хандаат,
Яковой арадые баряанһаа бусаагаат.
3Арад түмэнэйнгээ гэмые хүлисөөт,
бүхы нүгэлынь наманшалаат,
[Хүгжэм]
4уурлахаа болёот,
дүрэлзэжэ байгаа уур хилэнгээ зайлуулаат.
5Манай абаралай Бурхан, бидэниие һэргээгыт,
маанадта уурлахаа болиит.
6Та маанадта хэтэдээ уурлан байха юм гүт,
үеһөө үедэ уур хилэнтнай дамжаха юм аал?!
7Танай өөһэдтэйнь байһанда
арад түмэнэйнгээ баясахын тула
маанадые дахин һэргээхэгүй юм гүт?!
8Эзэн, Өөрын энэрэл хайрые маандта үзүүлжэ,
абаралаа бидэндэ үршөөгыт.
9Эзэн Бурханай юу айладахые дуулахаб.
Өөрын арад түмэндэ, Өөрын үнэн сэхэ,
тэнэг замаараа бэшэ ябахагүй зондо
Тэрэ амгалан тайбаниие тунхаглаха.
10Өөрыень хүндэлэгшэ зондо
абарал дүтэлөө.
Манай газар нютагта Алдар соло оршохол!
11Энэрэл хайра болон үнэн хамта уулзаха,
зүб шударга болон амгалан тайбан таалалдаха.
12Үнэн газарһаа ургажа,
зүб шударга огторгойһоо нэнгэхэ.
13Иигэжэ Эзэн һайн һайханиие үршөөхэ,
газарнай үрэ жэмэс үгэхэ.
14Зүб шударга урдань ябаха,
зам табиха.
Currently Selected:
Псалманууд 85: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
