Chhóng-sṳ Ki 21

Yî-sat Chhut-se

1Song-chú cheu chhṳ-kâ só-kóng ke fa su-fuk pûn Sâ-lâ. 2Sâ-lâ chhai Â-pak-lâ-hón tông-ló ke sṳ̀ yû sṳ̂n-hong, cheu Song-ti só thin ke ngit-khì kiung yit-ke lai-é. 3Â-pak-lâ-hón lâu kì ôn-miàng Yî-sat#21:3 “Yî-sat” yi-sṳ he “kì seu lé”.. 4Â-pak-lâ-hón cheu Song-ti ke kûi-thin, chhai Yî-sat chhut-se heu thi-pat ngit chhiu vi kì hàng kot-lî. 5Yî-sat chhut-se ke sṳ̀, Â-pak-lâ-hón yit-pak se. 6Sâ-lâ kóng: “Song-ti pûn ngài fôn-hí to seu; thâng-tó liá-sṳ ke ngìn ya oi lâu ngài khiung-ha fôn-hí.” 7Kì yu kóng: “Má-ngìn voi yi-siên tui Â-pak-lâ-hón kóng, ‘Sâ-lâ voi pûn se-ngìn-è sṳ̍t nen’? Chúng-he, chhai kì án-ló ke sṳ̀, ngài hàn lâu kì kiung lai-é.”

8Yî-sat chhiam-chhiam thai; chhai kì tón-nen ke-ngit, Â-pak-lâ-hón phan tông phông-phai ke yèn-si̍t lòi-chhiáng ngìn-hak.

Ha-kap lâu Yî-sṳ̍t-mâ-li Pûn-ngìn Kiuk-chéu

9Yû yit-ngit, Âi-khi̍p sṳ́-ńg Ha-kap vi Â-pak-lâ-hón kiung ke lai-é Yî-sṳ̍t-mâ-li lâu Sâ-lâ ke lai-é Yî-sat#21:9 “lâu Sâ-lâ ke lai-é Yî-sat” he kîn-kí yû-têu kú yi̍t-pún. khiung-ha liau#21:9 “Yî-sṳ̍t-mâ-li lâu Sâ-lâ ke lai-é Yî-sat khiung-ha liau” ya-he yi̍t-cho “Yî-sṳ̍t-mâ-li liàu Sâ-lâ ke lai-é Yî-sat”.. 10Sâ-lâ khon-tó kì-têu, chhiu tui Â-pak-lâ-hón kóng: “Ngì oi chiông liá nù-pî lâu kì ke lai-é kiuk chhut-hi. Liá nù-pî ke lai-é cho-m̀-tet lâu ngài ke lai-é Yî-sat khiung-ha ki-sṳ̀n ngì ke sán-ngia̍p.” 11Liá-khien sṳ pûn Â-pak-lâ-hón fî-sòng fàn-nó, yîn-vi Yî-sṳ̍t-mâ-li ya he kì ke lai-é. 12Chúng-he Song-ti tui Â-pak-lâ-hón kóng: “M̀-sṳ́ vi-tó liá-ke lai-é lâu sṳ́-ńg Ha-kap lòi-sèu. Ngì cheu Sâ-lâ lâu ngì kóng ke hi-cho, yîn-vi tui Yî-sat chhut ke chṳ́-sûn, chang-he Ngài só oi ngin-thin pûn ngì ke. 13Ke sṳ́-ńg ke lai-é, Ngài ya oi pûn kì chhin-tô chṳ́-sûn, sàng-cho yit-ke koet-kâ, yîn-vi kì ya he ngì ke lai-é.”

14Thi-ngi ngit tá-chó, Â-pak-lâ-hón nâ-têu liòng-sṳ̍t lâu yit phì-thoi súi pûn Ha-kap, piong chhai kì ke kiên-thèu táng, yu chiông se-ngìn-è kâu-pûn kì, ham kì chéu. Ha-kap lì-khôi ke-vi, lòi-to Phe̍t-sṳ-pâ ke khóng-yâ, chhai ke thi-fông chhìm m̀-tó lu. 15Phì-thoi ke súi lîm chhiang-chhiang, Ha-kap chhiu chiông se-ngìn-è piong chhai se-su hâ, 16chhṳ-kâ hàng-to lì se-ngìn-è thai-yok sa yit-chien án yén ke thi-fông, mien-tui se-ngìn-è chhô hâ-lòi, chhṳ-kâ kóng: “Ngài m̀ phan-tet khon ngâ lai-é sí.” Kì#21:16 “Kì” yû kú-kién yi̍t-cho “Ke se-ngìn-è”. chhiu chhô chhai ke-vi piong-sâng thai-kieu.

17Song-ti thâng-tó se-ngìn-è ke kieu-sâng; Song-ti ke thiên-sṳ́ tui thiên-táng hiong Ha-kap kóng: “Ha-kap, ngì cho-má-ke án sông-sîm nè? M̀-sṳ́ kiâng, Song-ti yí-kîn thâng-tó se-ngìn-è ke kieu-sâng lé! 18Hong-hí-lòi, chiông se-ngìn-è nám hí-lòi, ôn-ví kì; Ngài oi sṳ́ kì ke heu-thoi sàng-cho thai-koet.” 19Chit-sṳ̀, Song-ti sṳ́ Ha-kap ke muk-chû kîm hí-lòi, sṳ́ kì khon-tó yit-héu chiáng; kì chhiu hi chiông phì-thoi chông-mân súi, pûn se-ngìn-è lîm. 20Song-ti lâu se-ngìn-è khiung-ha; kì chhiam-chhiam thai, he̍t chhai Pâ-làn ke khóng-yâ, sàng-cho kiûng-chien-sú. 21Kiâ-mê vi kì thó yit-ke Âi-khi̍p ke se-moi-é cho pû-ngiòng.

Â-pak-lâ-hón lâu Â-pí-mí-le̍t Li̍p-yok

22Tông-sṳ̀, Â-pí-mí-le̍t lâu kì ke ngièn-soi Fî-kok hi-kien Â-pak-lâ-hón, tui kì kóng: “Ngì só-cho mî-yit khien-sṳ chhiòn-phu yû Song-ti ke thùng-chhai. 23Só-yî ngì oi chhai liá-vi, Song-ti ke mien-chhièn lâu ngài fat-sṳ, chhie̍t-tui m̀-hó khî-fu ngài, ngài ke chṳ́-ńg, lâu ngài ke heu-thoi. Ngài yit-chhṳ̍t hó khoán-thai ngì, ngì ya yin-kôi hó khoán-thai ngài, lâu ngì chhiam-sṳ̀ he̍t ke liá-ke koet-kâ.”

24Â-pak-lâ-hón en-kóng: “Ngài ngien-yi fat-sṳ.”

25Â-pak-lâ-hón yîn-vi Â-pí-mí-le̍t ke phu̍k-ngìn pa-cham kì yit-héu chiáng, chhiu hiong Â-pí-mí-le̍t khong-ngi. 26Â-pí-mí-le̍t kóng: “Ngài m̀-tî má-ngìn cho án-ngiòng ke sṳ, ngì ya m̀-sṳt lâu ngài kóng; liá he ngài kîm-pû-ngit chang thâng-tó ke.” 27Â-pak-lâ-hón sung-têu ngiù-yòng pûn Â-pí-mí-le̍t, lióng-sà chhiu li̍p-yok. 28Â-pak-lâ-hón chiông chhit-chak yòng-chhṳ-é piong chhai nang-ngoi yit-phién. 29Â-pí-mí-le̍t mun Â-pak-lâ-hón: “Ngì án-ngiòng cho he má-ke yi-sṳ?”

30Â-pak-lâ-hón en-kóng: “Chhiáng ngì chiap-su liá chhit-chak yòng-chhṳ-é, chṳn-mìn ngì sṳ̀n-ngin liá-héu chiáng he ngài yet ke.” 31Só-yî, ke thi-fông ham-cho Phe̍t-sṳ-pâ#21:31 “Phe̍t-sṳ-pâ” yi-sṳ he “fat-sṳ ke chiáng” ya-he “chhit-héu chiáng”., yîn-vi kì lióng-sà chhai ke-vi fat-sṳ.

32Kì-têu chhai Phe̍t-sṳ-pâ li̍p-yok yî-heu, Â-pí-mí-le̍t lâu kì ke ngièn-soi Fî-kok chón-hi Fî-li-sṳ. 33Â-pak-lâ-hón chhiu chhai Phe̍t-sṳ-pâ chúng yit-thèu liû-su, chhai ke-vi kin-pai Song-chú — yún-sên ke Song-ti. 34Â-pak-lâ-hón chhai Fî-li-sṳ cho lî-hak chhin-kiú.

Currently Selected:

Chhóng-sṳ Ki 21: THV12Rdb

Highlight

Copy