Osọha lẹ 14:1-10

AGÙN lọ lẹpo bo zé ogbè yetọn daga, bo dawhá; gbẹtọ lẹ lọ sọ viavi to ozán nẹ mẹ Ovi Islaeli tọn lẹpo lọ sọ to hùnhlun do Moṣe ta podọ do Aalọn ta: agùn lọ pete sọ dọ hlan yé dọmọ, E do jlo Jiwheyẹwhe dọ mí ko kú to aigba Egipti tọn ji i kavi é do jlo Jiwheyẹwhe mí ko kú to zùngbo he me! Podọ etẹwutu wẹ OKLUNỌ lọ hẹn mí wá jẹ aigba he ji, nado jai gbọn ohi lọ dali? Asi mítọn lẹ po omẹ flinflin mítọn lẹ po na yín ogblannú de: é ma yín pónte na mí nado lẹ́gọ̀ do Egipti mẹ? Yé sọ to didọ omẹ de hlan awetọ dọmọ, Mì gbọ mí ni basi awhàngán de, bo gbọ mí ni lẹ́gọ̀ do Egipti mẹ. Whenẹnu wẹ Moṣe po Aalọn po họ́ jẹ nukunmẹ yetọn lẹ ji to agùnpipli agùn ovi Islaeli tọn lẹ lọ tọn tọn lẹpo nukọn. Jọsuà visunnu Nuni tọnlọ po Kalẹbi visunnu Jẹfunnẹ tọn lọ po, he tin son yé he bẹ́ aigba lọ pọ́n lẹ mẹ, tlẹn avọ yetọn lẹ: yé bo sọ dọhó hlan agùn ovi Islaeli tọn lọ tọn lẹpo, dọmọ, Aigba lọ, ehe mẹ mí gbọn luntón nado bèpọn ẹn, aigba dagbe talala de wẹ. Eyín OKLUNỌ lọ yíhomẹhùn to mí mẹ, whenẹnu é na hẹn mí wá aigba he mẹ, bo na ẹn hlan mí; aigba de he yí oyìnnọ po owín po do to sisà. Mì vẹtóli do OKLUNỌ lọ go blo jãnwẹ, mì sọ dibuna gbẹtọ aigba lọ tọn lẹ lọ blo; na akla wẹ yé na mí: yè ko klón núglo yetọn sọn yé ta, podọ OKLUNỌ lọ tin po mí po: mì dibuna yé blo. Ṣigba agùn lọ lẹpo dègbè yíyí zannu lẹ do dlanzannu do yé. Gigo OKLUNỌ lọ tọn sọ sọawúhia to ogohò opli tọn lọ mẹ hlan ovi Islaeli tọn lẹ lọ.