Eksọdusi 23:1-9

HIẸ ma na yí hóhẹnwádọ de gba: a kòn alọ towe dopọ po mẹylankan po nado yín mawàdódónọ de blo. Hiẹ ma na hodo agùndaho de nado wà oylan gba; mọ hiẹ ma na dọhó to owhóhó de mẹ nado diọ jẹapodopo hodo agùndaho de nado gada whẹ̀dida gba: mọ hiẹ ma na basinukundagbena omẹ wamọnọ de to owhẹ́hó etọn mẹ. Eyín hiẹ pó oyín kẹ̀ntọ towe tọn kavi kẹtẹkẹtẹ etọn to búbú jei, hiẹ nasọ hẹn ẹn gò wá e de dandan. Eyín hiẹ mọ kẹtẹkẹtẹ ewọ he gbẹwanna we tọn lọ mlọnai to agbàn etọn glọ, bo dóngbàn nado gọalọ nẹ̃, hiẹ na gọalọ do e go hẹ ẹ dandan. Hiẹ ma na gada whẹ̀dida wamọnọ towe tọn to owhẹ́hó etọn mẹ gba. Whla dewe dẹn sọn owhẹ̀hó olalo tọn de mẹ; podọ hiẹ hù homẹvọnọ po dódónọ po blo: na yẹn ma na sùwhẹ̀na mẹylankan lọ gba. Podọ hiẹ ma na yí nunina de gba: na núnina de nọ tónnukunna yé he tindo nukunnumọ lẹ, bo sọ nọ hẹn owhẹ́hó dódónọ lẹ tọn gble. Podọ hiẹ ma na miannukunna ojonọ de: na mìwlẹ yọn ayiha ojonọ de tọn lọ, mimọ mìwlẹ ko yín ojonọ to aigba Egipti tọn ji.