2 OTÀNNUGBO LẸ 31:4-10

Humọ é degbèna gbẹtọ he nọ nọ̀ Jelusalẹm mẹ lẹ nado nọ na mimá yẹwhenọ lẹ po Levinu lẹ tọn po, na yé nido jó yéde hlan osén OKLUNỌ tọn. Ṣaun le gbèdide tón wá, wẹ ovi Islaeli tọn lẹ na to ogégó mẹ sinsóntintan gbadó tọn, ovón, po amì po, po owín po, po jideji danji tọn lẹpo po; podọ madao onú lẹpo tọn wẹ yé hẹnwá họ̀mẹ to ogégó mẹ. Ovi Islaeli po Juda po tọn lẹ, he nọ nọ́ tòdaho Juda tọn lẹ mẹ, yewlẹ ga hẹn madao oyín po lẹngbọ lẹ po tọn wá hòmẹ, po madao onú klandowiwe lẹ tọn po he yè do dopà hlan OKLUNỌ Jiwheyẹwhe yetọn, bo sọ bẹ́ yé do gọ̀nùgọ̀nù. To osùn atọ̀ntọ mẹ yé ṣẹ̀ nado dó dòdo ogònù lẹ tọn ai, bo sọ vẹ̀ yé to osùn ṣinawetọ mẹ. Whenuena Hẹzekia po ahọvi lẹ lọ po wá bo mọ ogọ̀nù lẹ lọ, yé dona OKLUNỌ, po Islaeli omẹ etọn lẹ po. Whenẹnu wẹ Hẹzekia sọ kanbiọ to yẹwhenọ lẹ po Levinu lẹ po de gbọn ogọ̀nù lẹ lọ tọn dali. Azalia ogán yẹwhenọ lọ, sọn owhé Zadọki tọn gbè, gblọn nẹ́ bo dọmọ, Sọn whenuena gbẹtọ ṣẹ̀ nado to avọ́nú lẹ hẹnwá biọ ohọ́ OKLUNỌ tọn mẹ, míwlẹ ko dù bo sọ tindo pékọ, bo sọ-pò susu dai: na OKLUNỌ ko dona omẹ etọn lẹ; podọ enẹ he yè pòdai wẹ obẹ́pli daho he.